الى ام اسيد1 وكل وحدة حاصلة واش الطيب - الصفحة 152

غزالة الصّحراء · 2015-01-24, 07:34

اقتباس:

المشاركة الأصلية كتبت بواسطة om hadil

ام سوهيل يعطيك الصحة على طبق الجلبانة جربته و جاني هايل وقاع عجبهم لبنات غير جربوه
وحتى البيشمال قد ما تخليها في الفرن متنشفش وتبقى طرية

صباح الأنوار أختي ام سهيل. يعطيك الصحّة على الطبق. راه ايبان ايشهي. بما أنو كاين ألي جرباتو وعجبها. معناتو رايح يعجبنا ولازم أنجربوه أكيد. ربّي يحفظ لك أوليداتك.

غزالة الصّحراء · 2015-01-24, 07:48

اقتباس:

المشاركة الأصلية كتبت بواسطة أم الحبايب 26

اخت غزالة الصحراء انا نخدم الرشة و نبيعها اندير 3كلات سميد رطب ممتاز مع كلا فرينة عجنيها شويا يبسا باش تنشف بقيه كتعجنيها خليها ترتاح شويا حوالي ربع ساعة انا ندرها كويراة قد حبت الجنا منبعد نحلها بلحلال لحتي جيك سهلا حليها بلميزينا انا نحلها في رقم زوج من بعد في رقم اربع من بعد في رقم 6 حليها داءما في رقم مقبل اخير كتنشف حليها فيلي تقطع دردري شويا فرينا عليها باش تنحل بسهولة اكجي تفوريها انفظيها من فرينا فوريها كتفور دريلها
شويا زيت اش تنحل بفيه
ارجو نجاح لوليدتنا في هداه امتحنات انا بنتي جها كلش صعيب عندبلي باك هوا اصعيب صبت الجامعة اكثر رابي يوفق
كامل وليدتنا كفاش عشيتو معا هدا البرد

أهلين يا أمّ الحبايب. فعلا أنت ام الحبايب. وتقديمك للوصفة بتفاصيلها دليل على ذلك. ربّي ايجازيك كلّ الخير. ويساعدك في أشغالك. ويعينك دائما. أنا الآلة أنتاعي فيها 7 أرقام . يعني أنحلها في الرقم 6. دائما لما نعمل عجينة البقلاوة . أنحلها أولا بالرولو ثمّ مباشرة إلى الرقم 7.
في رقم مقبل اخير كتنشف حليها فيلي تقطع دردري شويا فرينا عليها باش تنحل بسهولة . حبيت أنسقسيك. هنايا في هذه المرحلة نقدر انكمل غير بالمايزينة. وإلاّ لازم أندير الفرينة وبعد ذلك ننفضها لما أنجي أنفورها؟؟؟. والزيت أنديرها بعد مانفورها؟؟ ولما أتطيبيها أتطيب غير بكميّة قليلة . او على دفعة واحدة؟؟؟ اللّه ايخليك فهميني. وآسفة إذا كثرت عليك. وربّي ايسجيك على هذا الموضوع الرّائع. واللّه غير في الدّار ايحبوها كامل. وإذا نجحت معايا رايح ندعيلك بالخيرات .
وعندك الحّق، الجامعة أصعب. لازم الواحد ايكون دائما محضّر نفسو. وخاصّة مع هاذي البرودة. على بيها كنت بزاف متقلقة. أولادي بسلامتهم لما اتكون عندهم الامتحانات يهتموا غير بيها وينساو صحّتهم. رّبي اينجحهم وينجح كامل أوليداتكم.

ام سوهيل · 2015-01-24, 07:55

صباح الخير غزولة وش راكي لباس صبحتي نشيط اليوك اللهيبارك وربي يخليلك وليداتك

ام حمزة يعطيك الصحة اعمال في القمة انا راني خدما متلهم ولكن مشي وسائد كي نكون قاعد نحطلك الصور بي ادن الله صباح سعيد للجكيع

انروح نتقهوة ونشوف شندير للفطور

وليدي قلي البارح ماما ديريلي الشفلوغ بصح اخته الصغيرة متحبوش نشوف شنديرلها هية تاني الى اليقاء

غزالة الصّحراء · 2015-01-24, 07:56

اقتباس:

المشاركة الأصلية كتبت بواسطة ام الخير 05

جمعة مباركة للجميع خاصة ام حمزة صدقيني انا مانندمجش بالخف لكن وفية بزاف صدقيني اختي ما نقدرش نفتح الميكروبدون ما نطل عليك عجبتني شطارتك ربي يحميك ويحميلك اهلك يارب بالمناسبة زوجي هو اللي سجلني وحطني ذكر بالصح راني انثى متنيش عارفة اذا نقدر نغيرها ولا نعاود نسجل

أهلا بيك اختي أمّ الخير. كيما ايقولوا ناس بكري. زيادة الخير خيرين. إذا صححوا لك الخطأ اللّهم بارك. وإلاّ راكي تستفادي انت والزّوج أنتاعك. يعني لما تستفادي رايح أتفيدي العائلة أنتاعك. المهم أنت من الوفيات. والأخت أم حمزة ربّي يحفظها راهي خبراتك بالحلّ، اتصلي بالإدارة ويصحوا لك الخطأ. وإذا لم يتم ذلك. يكفيك فخرا أنّك " أم الخير" ورّبي يحفظ لك الزّوج أنتاعك. نتمنى لك أحلى الأوقات وأنت بين أحضان هاذي الصّفحة المميّزة.

غزالة الصّحراء · 2015-01-24, 08:15

اقتباس:

المشاركة الأصلية كتبت بواسطة ام سوهيل

صباح الخير غزولة وش راكي لباس صبحتي نشيط اليوك اللهيبارك وربي يخليلك وليداتك

ام حمزة يعطيك الصحة اعمال في القمة انا راني خدما متلهم ولكن مشي وسائد كي نكون قاعد نحطلك الصور بي ادن الله صباح سعيد للجكيع

انروح نتقهوة ونشوف شندير للفطور

وليدي قلي البارح ماما ديريلي الشفلوغ بصح اخته الصغيرة متحبوش نشوف شنديرلها هية تاني الى اليقاء

أهلين بالغاليّة أم سهيل ، صباحك سعيد، اللّه ايسال عليك الخير ، راني لاباس والحمد للّه، خصوصا لما شفت أوليد ي لكبير بسلامتو.. والصغير راني أبعثت لو واش كتبلو ربّي. راني نشيطة على خاطر البارح لما أدخلت في اللّيل مارديتش على كامل لبنات ووعدتهم بالرّد اليوم. ماحبيتهمش يزعفوا منّي . أمّا عن أولادك غير ديري لكّل واحد واش حبّ. لكن على قدر المستطاع . لمّا يكبروا لك بسلامتهم راحين افكروك في كلّ شيئ. هذا الكلام عن تجربة. على بيها راني أندير قدر المستطاع باش أنفرح أولادي . ويتفكروا الأيامات الحلوة .
رانا نستناوا في الصّور، هكذا باش أنشجعوك ونشجعوا أرواحنا . ومانوليوش فنيانات. واللّه غير في السابق كنت نعمل الكروش. واليوم مانيش أنشوف فيه أخلاص. بصّح أعملت قفة بخيط الباتيسري. بكروشي خاص. كاش أنهار أنوريلكم الطريقة. في أمان اللّه مع جديدك.

غزالة الصّحراء · 2015-01-24, 08:20

اقتباس:

المشاركة الأصلية كتبت بواسطة صدفات

مساء الخير يا بنات جمعة.مباركة
أم الحبايب يعطيك الصحة على.الرشته شرح بسيط و كامل انا عمري ما نصنعها نشرها فقط شجعتيني باه نجرب

وين راكي يالغاليّة صدفات. ؟ واش راه داير الثلج عندكم.؟فعلا يعطيها الصحّة للأخت أم الحبايب. على الطّريقة، واللّه غير أكلامك صحّ x صحّ راهي شجعتنا بالبزاف. وياربّ ننجحوا في تحضيرها. أنا شخصيا لما ايكون عندي الوقت رايح أنجربها . على خاطر انحبوها كامل في الدّار.
واش راهم أولادك مع الامتحانات. وانت واش راكي مع الرّيجيم. ؟؟ كاش أجديد معاك؟؟

غزالة الصّحراء · 2015-01-24, 08:27

اقتباس:

المشاركة الأصلية كتبت بواسطة ام سوهيل

مساء الخير للجميع وعلى حساب مراني نشوف لبنات كامل رنا اهنا لصنا منمتفريجي الكرة انا صراحة نشجعهم بصح منحبش نشوف الماتش نخاف

ههههههههههههه

أهلين أختي ام سهيل. واش راكي مع الصحّة؟؟. أنا أنحبّ المباراة لمّا ايكون أوليدي الصغير بسلامتو في الدّار. الطّريقة ألي ايعلّق بيها على المباراة أتخليني أنا ثاني ننسى شغالاتي ونتفرج معاه وثاني راجلي.. ولمّا أتكون المقابلة خاصّة بالفريق الوطني . ماعندي مانحكيلك. يحكمني واحد التقلاق. نصبح داخل وخارج. ربيّ اينجح حتى الفريق الوطني باش أولادنا يفرحوا. وينجح أوليداتنا في دراستهم. ياربّ آمين.

غزالة الصّحراء · 2015-01-24, 08:30

اقتباس:

المشاركة الأصلية كتبت بواسطة ***سلمى ***

وينك ام حمزة بالشفاء لزوجك
ولبنات كامل جمعة مباركة

صباح الأنوار أختي سلمى. واش راكي. ؟ ياربّ اتكوني بألف خير. وأهلا وسهلا ومرحب بك بيننا.

غزالة الصّحراء · 2015-01-24, 08:36

اقتباس:

المشاركة الأصلية كتبت بواسطة hayette82

ام حمزة وينك البنات كل رديتي عليهم وانا نسيتيني راني حنبكي

أهلا بيك أختي =hayette. غير ماتتقلقيش . الأخت أم حمزة ماتتجاهل أيّ وحدة ، وكلّ وحدة تعطيها حقّها. دارها ماشاء اللّه اتعمرت بالغاشي. كيما قالت احدى الأخوات في ردودها . الحمد للّه ماعندناش أزمة سكن في هاذه الصّفحة . وأهلا وسهلا ومرحبا بكلّ واحدة تطرق الباب لتتعلّم وتغترف من ثنايا هذه الصّفحة كلّ مايهمّها في حياتها.

غزالة الصّحراء · 2015-01-24, 08:41

ياله حبيباتي راني رديت عيلكم كامل.كلّ مرّة نرجع للصفحات السابقة . وإذا انسيت أيّ وحدة غير أتفكرني. أنبقيكم على خير. أنروح أندير أشغالاتي. ولما أنكمّل أنزيد نضرب طلّة . وياربّ نلقاكم نضتوا . وشاركتوا في الصّفحة بردودكنّ السّاحرة المعسولة. في أمان اللّه.

غزالة الصّحراء · 2015-01-24, 09:05

حبوياتي راكم اليوم فنيانات مازلتوا راقدين؟؟ راني وليت باش انضححكم أشوي.
قالك النّاس كانت دايرا لاشان باش أتدير أكواغطها. من بينهم وحدة لعجوزة. فجأة جا واحد وفات هو الأوّل . ونطقت لعجوزة وقالت واش هاذا جا التالي وقال أمالي.
أنطق واح الجُون . وقال لها. هاذاك عندُو لكْتاَف.ْ
نطقت أوقالت : أنا ثاني عندي لكتاف كلّ مانْرُوح للخياطة أنقول لها أعمليلي لكتاف باش أنْبَانْ حَطَّة.هههههههههههه
ققال لها الجُونْ: لالا يامّ يعني لازم ايكون عندك على من أتْسَنْدِي. قالت لو. وهاذي لعصا ألي بين يديا ماعَمْرَتْ لكْش عينيك؟ هههههههه
قال لها : لالا لازم اتسندي وانتي مرتاحة: قالت لو: إيه عندك الحق. عندي وحد لمخدّة أنتاع الصّوف هايلة لمّا أنسنّد عليها نرتاح أخلاص ههههههههههههههه
ألي كانوا يسمعوها كامل ضحكوا ومبعد فوتوها هي الأولى ههههههههههه شفتوا لشطارة العجوزة. دائما ردها بالألغاز.
هيا حبوباتي نوووووووووووووووووووووووووووووووضوا.

ام سوهيل · 2015-01-24, 09:51

ولله ياغزالة غير ضحكتيني من قلبي وحتا اوليدي قلي ماما معمن راكي تضحكي قليلي شدحكك هههههههههههههه

وقيلا غير انا وياك الي نضنا بكري المهم درت فطوري يطيب ونشرت الغسيل وغسلت الماعن ودوك راني نقارع في امورتي الصغيرة اتنوض ونروح انشف شعري ومن بعد انولي

روح مراد · 2015-01-24, 09:56

صباح النور لجميع الحاضرات و الغايبات يوم سعيد للجميع

ام حمزة22 · 2015-01-24, 10:34

سلام لبناة واش رتكم
باسم الله ماشاء الله راكم منورين الصفحة
غزالتي وام سوهيل انا اليوم كي العادة نضت بكري غسلة الحوايج وطيبت لفطور طيبت تبيخة فول وجلبنة وقرنون
منبعد مسحت البيوت على خفيف والالسالونوالحمام والكوزينة على غميق
من بعد اتجهت لدروج غسلتم مالاعلى الى الاسفل كي لحقت عند عجوزتي خرجت مرت لوسي عاونتي
والله عييت عضامي راهم يوجعو فيا جابلي ربي دربني الريح كنت نسيق غير بجبة نتاع الصيف

ام حمزة22 · 2015-01-24, 10:40

اقتباس:

المشاركة الأصلية كتبت بواسطة غزالة الصّحراء

حبوياتي راكم اليوم فنيانات مازلتوا راقدين؟؟ راني وليت باش انضححكم أشوي.
قالك النّاس كانت دايرا لاشان باش أتدير أكواغطها. من بينهم وحدة لعجوزة. فجأة جا واحد وفات هو الأوّل . ونطقت لعجوزة وقالت واش هاذا جا التالي وقال أمالي.
أنطق واح الجُون . وقال لها. هاذاك عندُو لكْتاَف.ْ
نطقت أوقالت : أنا ثاني عندي لكتاف كلّ مانْرُوح للخياطة أنقول لها أعمليلي لكتاف باش أنْبَانْ حَطَّة.هههههههههههه:d:d:d
ققال لها الجُونْ: لالا يامّ يعني لازم ايكون عندك على من أتْسَنْدِي. قالت لو. وهاذي لعصا ألي بين يديا ماعَمْرَتْ لكْش عينيك؟ هههههههه:d:d:d:d
قال لها : لالا لازم اتسندي وانتي مرتاحة: قالت لو: إيه عندك الحق. عندي وحد لمخدّة أنتاع الصّوف هايلة لمّا أنسنّد عليها نرتاح أخلاص ههههههههههههههه:d:d:d:d
ألي كانوا يسمعوها كامل ضحكوا ومبعد فوتوها هي الأولى ههههههههههه :d:d:dشفتوا لشطارة العجوزة. دائما ردها بالألغاز.
هيا حبوباتي نوووووووووووووووووووووووووووووووضوا.

يعطيك الصحة غزالة على هاد الحكاية
هديك لعجوزة حيلية باه جوز هي الاولى دارت هديك السينيما هههههههههههههه