الى ام اسيد1 وكل وحدة حاصلة واش الطيب - الصفحة 148

غزالة الصّحراء · 2015-01-22, 21:38

اقتباس:

المشاركة الأصلية كتبت بواسطة صدفات

أم هديل حنونتي الزغاريد علي و الله يقولولي تعرفي و الباروك المهم تفرح
أم حمزة ربي يطمنك على زوجك .

اللّه ايبارك أختي صدفات أنتي ثاني تعرفي أتزغردي. ياربّ فرح الأخت أم هديل وفرح كلّ أوليداتنا . باش أنديروا العرس في هاذي الصّفحة. ياله كلّ وحدة اتفكّر من اليوم واش رايح اتوجّد من الحلويات. دار الأخت أم حمزة راهي واسعة. ومواضيعها ماشاء الرّحمان راهي متنوعة . وردود العضوات بكلامهم الزّين راهي معسلّةوالقعدة فيها تحلى . ياللّه ، يا رحمان يارحيم باركلنا فيها واجمع شملنا عليها. وفرحنا بنجاح أوليداتنا.

صدفات · 2015-01-22, 21:48

آمين يا غزالتي لازم نحسوا ببعضنا رانا أمهات و نعرفه ماهي قيمة النجاح للاولاد
وبمناسبة الحلويات راني جربت قاطو الشطرنج خرجلي روعة راه في قسم الوصفات المجربة .

غزالة الصّحراء · 2015-01-22, 21:51

ياله حبيباتي إلى هنا آتي إلى نهايّة الرّدود المتواضعة على أمل أن تبعث في نفوسكنّ الأمل والرّاحة والاطمئنان.
حبيباتي قبل أن أنصرف لي منكنّ طلب صغير ادعوا معي لأختي الصّغرى أن يوفّقها اللّه بالنّجاح في مسابقة لمتحان في مؤسسة التّعليم.
ليلة سعيدة لكلّ واحدة بدون استثناء. :mh31 :

غزالة الصّحراء · 2015-01-22, 21:56

اقتباس:

المشاركة الأصلية كتبت بواسطة صدفات

آمين يا غزالتي لازم نحسوا ببعضنا رانا أمهات و نعرفه ماهي قيمة النجاح للاولاد
وبمناسبة الحلويات راني جربت قاطو الشطرنج خرجلي روعة راه في قسم الوصفات المجربة .

واللّه غير عندك الحّق يااختي صدفات. كيما ايقولوا . مايحسّ بالجمرّة غير ألي أكواتو. ربّي ايفرحنا بوليداتنا كامل كيما رانا. ويعطيك الصحّةعلى الوصفة رايح أنشوفها. ونتطلّع عليها. ولما ايكون عندي الوقت أنجربها.في أمان اللّه يالغاليّة. مواضيعك ثاني ماشاء الرحمان . عليك راكي شطورة. ربّي ايزيدك ويساعدك.

ام هاديل وياسين · 2015-01-22, 22:17

ام سوهيل يعطيك الصحة على طبق الجلبانة جربته و جاني هايل وقاع عجبهم لبنات غير جربوه
وحتى البيشمال قد ما تخليها في الفرن متنشفش وتبقى طرية

ام هاديل وياسين · 2015-01-22, 22:26

اهلا بالخفاشة تاع اليل وانا نقول شكون الي طلعت الصفحات بسرعة اتاريكي انتي ههههههه
الله يبارك فيك وربي يخليك ويعطيك الصحة وتزغردتي ان شاء الله في افراح وليداتك متبكيش برك وخليهم
كل واحد يعتمد على نفسو هي صح الكبدة واعرة بصح واش نديرو لازم نرضاو بالامر الواقع ونعاونوهم بدعاء وربي ينور طريقهم

ام حمزة عولنا عليك اليوم بالبكاء ههههه الله يجعلها دموع الفرح وربي يشفيلك زوجك ويعافيه
صدفات ربي يبارك فيكم فرحتوني بزاف حسيتكم معاي فالفرح الله يفرحكم بولادكم
غزالة الحمد لله كي لقيت وحدة تشبهلي فشراء لي مول راني القاطو الي نشوفو ويعجبني نروح نجري نشري المول نتاعو
المرة هاذي راني معولة على المول الجديد تاع المقروط ادالي عقلي منريحش حتى نشريه ونجربه ان شاء الله

تحياتي لكل الاخوات

صدفات · 2015-01-22, 22:33

بنات تصبحون على خير و جمعة مباركة للجميع

ام هاديل وياسين · 2015-01-23, 06:53

عد اذنك .......إقرأها بلسانك و ليس بعينيك ... .... اللـهم صـل علـى محمد و علـى آل محـمد كما صـــليت علـى إبراهيم و علـى آل إبراهيم ، وبارك علـى محمـد و علـى آل محمد كما باركت علـى إبراهيم و علـى آل إبراهيم في العــــــالمين إنك حميد مجيد .... وأرسلها لـعشر أشخاص خلال ساعة تكون كـسبت عشر مليون صلاة علـى الحـبيب في صــحيفتك بإذن الـله .... ملاحــــظه مهمة : لا تقول مشغول .. هذه مليون حسنه ممكن تخلي كل الفاتحين عندك يصلون على النبى ﷺ

ام سوهيل · 2015-01-23, 10:19

اقتباس:

المشاركة الأصلية كتبت بواسطة om hadil

ام سوهيل يعطيك الصحة على طبق الجلبانة جربته و جاني هايل وقاع عجبهم لبنات غير جربوه
وحتى البيشمال قد ما تخليها في الفرن متنشفش وتبقى طرية

بصختك اختي ام هديل يعطيك الصحة

أم الحبايب 26 · 2015-01-23, 11:04

جمعة مبارك علئ الجميع كفاش صباحت كامل ام حمزة ام سهيل ام هديل غزالة الصحراء صادفات روح مراد ولنسيتها تسمحلي شفاء االعاجل لزوجك يا ام حمزة وجميع المرظا رابي يخلهلك رابي يشفلي ياما رابي يطوال في عمرها
ظغط المرتفع رنا كامل نعنيو منو انا نشرب دوا و تطلع منين داك ربي يكون فلعون

ام حمزة22 · 2015-01-23, 11:27

اقتباس:

المشاركة الأصلية كتبت بواسطة om hadil

عد اذنك .......إقرأها بلسانك و ليس بعينيك ... .... اللـهم صـل علـى محمد و علـى آل محـمد كما صـــليت علـى إبراهيم و علـى آل إبراهيم ، وبارك علـى محمـد و علـى آل محمد كما باركت علـى إبراهيم و علـى آل إبراهيم في العــــــالمين إنك حميد مجيد .... وأرسلها لـعشر أشخاص خلال ساعة تكون كـسبت عشر مليون صلاة علـى الحـبيب في صــحيفتك بإذن الـله .... ملاحــــظه مهمة : لا تقول مشغول .. هذه مليون حسنه ممكن تخلي كل الفاتحين عندك يصلون على النبى ﷺ

جزاء الله كل هير
بارك الله فيك
مشكوووووووووووورة

ام حمزة22 · 2015-01-23, 11:30

اقتباس:

المشاركة الأصلية كتبت بواسطة أم الحبايب 26

جمعة مبارك علئ الجميع كفاش صباحت كامل ام حمزة ام سهيل ام هديل غزالة الصحراء صادفات روح مراد ولنسيتها تسمحلي شفاء االعاجل لزوجك يا ام حمزة وجميع المرظا رابي يخلهلك رابي يشفلي ياما رابي يطوال في عمرها
ظغط المرتفع رنا كامل نعنيو منو انا نشرب دوا و تطلع منين داك ربي يكون فلعون

صباحكي سعيد ويومكي اسعد ام الحبايب ربي يشفيك ويشفي الوالدة ويطول في عمرها

ام حمزة22 · 2015-01-23, 11:33

مشكورة على الدعاء غزالتيي لكي بالمثل
امييييييييييييييييييييييين

ام حمزة22 · 2015-01-23, 11:35

اقتباس:

المشاركة الأصلية كتبت بواسطة om hadil

ام سوهيل يعطيك الصحة على طبق الجلبانة جربته و جاني هايل وقاع عجبهم لبنات غير جربوه
وحتى البيشمال قد ما تخليها في الفرن متنشفش وتبقى طرية

بصحتكم ام هديل حتى انا عجبني راه يشهي

ام حمزة22 · 2015-01-23, 11:40

اقتباس:

المشاركة الأصلية كتبت بواسطة غزالة الصّحراء

أختي ام حمزة غير ماتقلقيش روحك.راكي مسامحة حبوبتي. اخلاص راني شفت الموضوع. أعطيني طريقتك في تحضير العجينة. راني قلت لك جربت طريقة أم كوثر اللّه ايجازيها كلّ خير. بصّح ماعرفتش كيفاش أنطيّب لعجينة. طيبتها دفعة واحدة وتلسقت مع بعضاها.سلكتني غير بنتها عجبتهم وماقالوا والو.

شوفي غزالة العجينة كي تحليها حطيها تنشف فوق دراوات مرشوشة بالفرينة وكي تخرجيها في الماشينة ديريلها الفارينة باه ما تلسقش وبعد ما تفوريها ديريلها شوية زيت
حتى الا شريتيها واجدة قبل ما تفوريها ديريلها الزيت باه ما تلسقش