ورشة انجاز تروسو سموكس - الصفحة 15

ام مرية · 2012-02-15, 11:15

سلام على كل البنات توحشتكم ياسر مين نجي ندخل في المنتدى نلقى الباب مغلوقة ندقدق والو نرجع لداري وبنيتي هههه واش احوالكم لاباس كا ثلج حنا راه داير حالة ورجعت الطريق انغلقت راني مقلقة مازال ما شريتش اللوازم وراجلي قالي ما نعرف نري القماش كي يصحى الحال اطلعي للمدية وري وحدك

-رودينا- · 2012-02-15, 11:26

اقتباس:

المشاركة الأصلية كتبت بواسطة ام مرية

سلام على كل البنات توحشتكم ياسر مين نجي ندخل في المنتدى نلقى الباب مغلوقة ندقدق والو نرجع لداري وبنيتي هههه واش احوالكم لاباس كا ثلج حنا راه داير حالة ورجعت الطريق انغلقت راني مقلقة مازال ما شريتش اللوازم وراجلي قالي ما نعرف نري القماش كي يصحى الحال اطلعي للمدية وري وحدك

مرحبا بيك ام مرية المنتدي دارها بينا جاتو الصيانة غير ظروك، ماتقلقيش روحك تفرج ان شاء الله وهذه احوال الطقس حتى مارس ربي يستر ان شاء الله ابداي بي الاهم ثم المهم الساتان والبونج

isawts · 2012-02-15, 11:20

صباح النور للجميع
واش راكم لاباس غاية ؟
فيفي راح نسقسيك على البترون كل و حدة دير تاعها ولا نتيا ليتعطينلنا وخاصة راني نشوف غير انا لي راح نخدم الياسمينة راح تلتاي بيهم و تخليني

-رودينا- · 2012-02-15, 11:32

اقتباس:

المشاركة الأصلية كتبت بواسطة isawts

صباح النور للجميع
واش راكم لاباس غاية ؟
فيفي راح نسقسيك على البترون كل و حدة دير تاعها ولا نتيا ليتعطينلنا وخاصة راني نشوف غير انا لي راح نخدم الياسمينة راح تلتاي بيهم و تخليني

صباح الورد والياسمين حبيبتي مادام الاخت فيفي حطت 3 موديلات كوفرولي و 3 غرزات وطلبت منا الاختيار فهي قد كلمتها وقادرا على شقها ربي اعينها وماشكيتش رايحة تميز وحدة على اخري

fifiarch · 2012-02-15, 14:00

اقتباس:

المشاركة الأصلية كتبت بواسطة [b

جزائرية197;8861022]صباح الخير عليكم
وقتاش كتبتو كامل هاذو الصفحات، انا كل ما نجي ندخل ما نلقاش المنتدى
عموما اختي انا رايحة دوكا نشري القماش بصح اللوازم لخرين حتى نشوف كيفاش رايحين تستعملوهم
ما زال ما فهمتش مليح
مي كي نشوف نقدر نخير مليح ، حنا اصلا ما يبيعوش هادوك العفايس حاجة شابة
حقة انا عندي لاوات من قبل
بصح انا كيما قلت لك حابة نخدم هاذيك الغرزة تاع 4 مربعات مع بعض و تكمشيهم الي حطت ام أنس البترون
ما شكيتش نستحق لاوات؟؟؟
و اسم الغزرة هاذيك يا ريت تقوليلي عليها باش من بعد نعرف نسميها

اهلا بيك اختي
معليش المهم كي تشري القماش حطيلنا الصور نتاعو
انا ماعرفتش الغرزة لي راكي تحكي عليها
هل تقصدي هاذيك لي تشبه للياسمينة
على فكرة في غرز السموكس اغلبها رانا نحنا نختارولها اسماء على حساب الشكل لي تعطيه
اما عن الغرزة والله اختي انا وضعت فقط ثلاث انواع
هي الياسمينة العادية
الياسمينة المقلوبة
الياسمينة المقلوبة مع ياسمينات كبار
يعني مانقدرش نتابع اي نوع اخر للغرز
اسفة لازمك تخيري وحدة من هاذو

اقتباس:

المشاركة الأصلية كتبت بواسطة حراوية وافتخر

صباح الخير جميعا واش راكم هاهي الادوات التي طلبتيها جميعا ماعدي الماشينة ماعنديش والبستولي سلفتو لبنت عمي كي تكمل ترجعولي وراني حذفت الصور لي قبل
بصح عندي سؤال مهم ارجوكي جاوبيني عليه كل مرة نسالك ومافيش جواب على التيل وجدت كل الالوان بصح سامبل. مالقيتش لي يلمع ومن فضلك اما لون نشريه لون القماش او ابيض انت في الادوات محطيتيش اللون
ومن فضلك السمسم لازم ابيض انا شريت ارجون لاخطرش الدوانتيل فيه الارجون

معليش المهم جبتي اهم الادوات
اما بالنسبة للسمسم المهم يكون يتماشى مع لون القماش و الدونتال
اما عن التيل العشية نديرلك الصورة نتاعو مقربة لان الكاميرا ماعنديش ضك ان شاء الله نكون افدتك واللون ماذا بيا ابيض او من لون القماش

اقتباس:

المشاركة الأصلية كتبت بواسطة ام مرية

سلام على كل البنات توحشتكم ياسر مين نجي ندخل في المنتدى نلقى الباب مغلوقة ندقدق والو نرجع لداري وبنيتي هههه واش احوالكم لاباس كا ثلج حنا راه داير حالة ورجعت الطريق انغلقت راني مقلقة مازال ما شريتش اللوازم وراجلي قالي ما نعرف نري القماش كي يصحى الحال اطلعي للمدية وري وحدك

ان شاء الله تقدري تشري اختي و تتحسن الاحوال راهو قتلنا البرد هههههه

اقتباس:

المشاركة الأصلية كتبت بواسطة isawts

صباح النور للجميع
واش راكم لاباس غاية ؟
فيفي راح نسقسيك على البترون كل و حدة دير تاعها ولا نتيا ليتعطينلنا وخاصة راني نشوف غير انا لي راح نخدم الياسمينة راح تلتاي بيهم و تخليني

انا اصلا عطيتكم المخططات في الدرس النظري الاول و كل وحدة تختار الشكل لي راح تعمل بيه
و تفكر كيفاش تقص لقماش لانو هاذ المرحلة فتناها
اما عن الغرز وباترونها و كيفاش نعملوها
هاذي اكيد راح نشرحها في الدرس التطبيقي
و ماتخافيش نشرحلكم كامل تعرفي علاه
لانو الياسمينة هي الاساس
مبعد هي لي نخدمو بيها الغرزتين لاخرين
اوك
و ماتخافيش الشرح يكون ليكم كامل كيفكيف

[/b]

doli/M · 2012-02-15, 11:54

اختي فيفي راني رايحة نخدم هاد الكوفرولي لاختي ان شاء الله
وهي اللي خيرت اللون وطريقة وضع السموكس
ارجوكي فيفي ان تقبلي اختيارها
وحتى الدونتال راح ندير لوغقونزا في بلاستو

جزائرية197 · 2012-02-15, 12:07

لبنات حابة نسقسيكم
خرجت قبيل كيما قلتلكم باش نشري القماش و الحق اتخلعش كلشي زايد ما فهمتش القماش غلى ولا راهي السرقة
في نوفمبر شريت ستان غوايال بـ 14 او دوكا لقيتو بـ 18 ، الفو الدان كان 15 او دوكا شريتو بـ 22 ، الساتان ماروكا قالي 22 ، الميتيس قالي 45 ألف مع انو الصباح قريت رد واحد الأاخت على الميتيس بـ 35 ألأف
ما فهمت والو
عابة نعرف مشحال راه يدير الساتان غوايال و الساتان ماروكان
اذا هاذي سومتهم ولا راهم يخطفوا عندنا

-رودينا- · 2012-02-15, 12:13

اقتباس:

المشاركة الأصلية كتبت بواسطة جزائرية197

لبنات حابة نسقسيكم
خرجت قبيل كيما قلتلكم باش نشري القماش و الحق اتخلعش كلشي زايد ما فهمتش القماش غلى ولا راهي السرقة
في نوفمبر شريت ستان غوايال بـ 14 او دوكا لقيتو بـ 18 ، الفو الدان كان 15 او دوكا شريتو بـ 22 ، الساتان ماروكا قالي 22 ، الميتيس قالي 45 ألف مع انو الصباح قريت رد واحد الأاخت على الميتيس بـ 35 ألأف
ما فهمت والو
عابة نعرف مشحال راه يدير الساتان غوايال و الساتان ماروكان
اذا هاذي سومتهم ولا راهم يخطفوا عندنا

اهلا اختي انا ساتان روايال شريتو 200 دج للمترا وساعدني 190 للمترا ولما سقسيت الصباح واحد الحانوت قالي 200 دج ونخليهولك ب180 و الميتيس راه ب450 النوعية الاولي وانا من قبل شريتو ب350 دج غير اشري بسومت 180 علابالك مع الثلج زاد كلاش

لؤلؤة الغرب الج · 2012-02-15, 21:04

اقتباس:

المشاركة الأصلية كتبت بواسطة doli/m

اختي فيفي راني رايحة نخدم هاد الكوفرولي لاختي ان شاء الله
وهي اللي خيرت اللون وطريقة وضع السموكس
ارجوكي فيفي ان تقبلي اختيارها
وحتى الدونتال راح ندير لوغقونزا في بلاستو

والله راح يجيك هايل خصوصا إذا استعملتي زوج لوان يجوك هبال وبصحت أختك