ورشة انجاز تروسو سموكس

[crono]

الساتان غوايال بي 170.5دج

[manoula23]

حتى في عنابة ساتان روايال يعمل 20 الف راه كلش في السما

[-رودينا-]

المشاركة الأصلية كتبت بواسطة crono

الساتان غوايال بي 170.5دج

جزالك الله الجنة اذا كنت مقيمة بالجزائر العاصيمة افيدينا باعنوان مشكورة مقدما

[bladi dz]

السلام عليكن

الساتان روايال عندنا في وهران يدير 20 الف من بكري ثابت على نفس السعر مزاد منقس

[isawts]

الميتيس شريتو في ديسمبر ب 45 الف و ستان مركان شريتو ب 30 الف

[nouna-12]

المشاركة الأصلية كتبت بواسطة fifiarch

يعطيك الصحة اختي
راكي قسمتي بطريقة اخرى لكن المهم تحصلت على القطع لي طلبتها منك
و عملت كيما هكا صح

لكن على فكرة انا ماقلتلكمش ابداو
لازم تبداو كامل مع بعض باه تكونو في نفس الريتم
اما اذا كنت تكنبسي برك مازال ماقصيتيش يعطيك الصحة انا تاني قلتلكم كل وحدة تبدا تخمم مع المخطط و كيفاش تبدى مع القماش لكن الخدمة حتى نعطيكم انا الانطلاقة باه تكونو كامل في نسق واحد
اوك

سلا حبيبتي فيفي
اييه هادي هي الطريقة اللي قسمت بييها
لكن في ورقة برك درت التخطييط علييها
ماشي علي القماش
راني غير نبحث لون غامق شباب مالقيتش
بالاك هاد الايام نزييد نحوس
مشكورة

[fifiarch]

المشاركة الأصلية كتبت بواسطة [center

لؤلؤة الغرب الج;8859506]السلام عليكن كراكم لبنات بخير وصحة وسلام كراهي قمر المنتدى حبيبة الكل كراهي خالتي عمي بقية العائلة لباس توحشتكم وبالأخص أنت فيفي والله عيت باه حكمت المنتدى والله بغيت نبكي قلت كي بغينا نبدو راح ههههههههههههههههه الله يهنيك حبيبة وفرحك بديتو ولا مزال كاش جديد

اهلا اختي والله راني الحمد لله هبلني المنتدى برك
هههههه
والعائلة كامل بالف خير
الف شكر ليك على السؤال
وان شاء الله تكوني انت تانا بخير والعائلة كامل
كاين غير الدرس النظري الاول راهو في الصفحة الاولى

المشاركة الأصلية كتبت بواسطة هــــــــــــــاجر

شكرا ألف شكرا الفازا تحفة نديها معايا مع التروسو نشبح بيها
وندير بنصيحتك نخدم دك صوالح للدار وكي تجري يدي عالخدمة نعاودها ليا يعطيك الصحة فيفيتا
والله دخلتي قلبي تع الصح

الله يخليك اختي هاجر
مبصح على فكرة انا ما قلتلكش ديري حوايج للدار و انساي الدورة
انا قلتلك اشري غير شوي ساتان جربي بيه الغرز معانا واول ماتقدري اشري الساتان روايال وابداي تداركي واش يفوتك
لانو لو ماتخدميش معانا في الورشة تبقاي وحدك تتكاسلي و ماتخدميشو فهمتيني

المشاركة الأصلية كتبت بواسطة doli/m

حبيبتي فيفي انا ليامات هادو ما عنديش الوقت باش نتابعكم
بابا في المستشفى وحماتي رايحة للعمرة
الله يكون في عوني راني ميتة من التعب
ارجو منك فيفي ان تعدريني وان شاء الله انظم ليكم في اقرب وقت

الله يجيب الشفاء للوالد نتاعك
ان شاء الله
و مبروك على حماتك
بالنسبة للطلب نتاعك نتاع الشكل
اختي دولي راكي مميزة معي في دورة السموكس واكيد على بالك بروحك واش لازم تخدمي
نقبل العمل نتاعك لاني ماراحش نتعب في الشرح ليك لانك اكيد على بالك واش راح تخدمي
انا فقط نقيم العمل من حيث الجودة
ياك

المشاركة الأصلية كتبت بواسطة عبد القادر28

السلاااام عليكم

ان اختكم زوزو_بعضوية الوالد_ المهم انا من عاشقات منتى شقائق الرجال

وارجووكن اريد مساعدة انا عملت كوفرلي سموكس موف يجنن

ونحوس نكملو التوابع_لي ناب _تعليقات المفاتح_

طلبت منكن المساعدة مترودونيش

اهلا بيك اختي الكريمة
بعد لا نكملو الكوفرولي نخدمو هاذوك لحوايج
كوني متابعة وراح نخدمو منهم وتتعلمي معنا

المشاركة الأصلية كتبت بواسطة fifi180

صباح الخير البنات
اخيرا فتح المنتدى والله هبلت ان شاء الله نصورلكم واش شريت قماش كبير 3+3متر موف غامق و 2فاتح والسمسم وقت ماكتب ربي اما البونج عندي شوي مقصوص وشوي كامل نروح نخدم مع السلااااااااااااااااااااامة

اهلا و مرحبا
عندك الحق رانا كامل هبلنا المنتدى مع الصيانة
مبصح الحمد لله رانا نقدرو ندخلو مرة على مرة

المشاركة الأصلية كتبت بواسطة manoula23

صبـــــــــــــــــــــــــــــاح الخير عليكم
نهاركم مبروك

الله يبارك فيك وان شاء الله نهار سعيد ليك انت تانا
[/center]

[fifiarch]

المشاركة الأصلية كتبت بواسطة [b

جزائرية197;8861022]صباح الخير عليكم
وقتاش كتبتو كامل هاذو الصفحات، انا كل ما نجي ندخل ما نلقاش المنتدى
عموما اختي انا رايحة دوكا نشري القماش بصح اللوازم لخرين حتى نشوف كيفاش رايحين تستعملوهم
ما زال ما فهمتش مليح
مي كي نشوف نقدر نخير مليح ، حنا اصلا ما يبيعوش هادوك العفايس حاجة شابة
حقة انا عندي لاوات من قبل
بصح انا كيما قلت لك حابة نخدم هاذيك الغرزة تاع 4 مربعات مع بعض و تكمشيهم الي حطت ام أنس البترون
ما شكيتش نستحق لاوات؟؟؟
و اسم الغزرة هاذيك يا ريت تقوليلي عليها باش من بعد نعرف نسميها

اهلا بيك اختي
معليش المهم كي تشري القماش حطيلنا الصور نتاعو
انا ماعرفتش الغرزة لي راكي تحكي عليها
هل تقصدي هاذيك لي تشبه للياسمينة
على فكرة في غرز السموكس اغلبها رانا نحنا نختارولها اسماء على حساب الشكل لي تعطيه
اما عن الغرزة والله اختي انا وضعت فقط ثلاث انواع
هي الياسمينة العادية
الياسمينة المقلوبة
الياسمينة المقلوبة مع ياسمينات كبار
يعني مانقدرش نتابع اي نوع اخر للغرز
اسفة لازمك تخيري وحدة من هاذو

المشاركة الأصلية كتبت بواسطة حراوية وافتخر

صباح الخير جميعا واش راكم هاهي الادوات التي طلبتيها جميعا ماعدي الماشينة ماعنديش والبستولي سلفتو لبنت عمي كي تكمل ترجعولي وراني حذفت الصور لي قبل
بصح عندي سؤال مهم ارجوكي جاوبيني عليه كل مرة نسالك ومافيش جواب على التيل وجدت كل الالوان بصح سامبل. مالقيتش لي يلمع ومن فضلك اما لون نشريه لون القماش او ابيض انت في الادوات محطيتيش اللون
ومن فضلك السمسم لازم ابيض انا شريت ارجون لاخطرش الدوانتيل فيه الارجون

معليش المهم جبتي اهم الادوات
اما بالنسبة للسمسم المهم يكون يتماشى مع لون القماش و الدونتال
اما عن التيل العشية نديرلك الصورة نتاعو مقربة لان الكاميرا ماعنديش ضك ان شاء الله نكون افدتك واللون ماذا بيا ابيض او من لون القماش

المشاركة الأصلية كتبت بواسطة ام مرية

سلام على كل البنات توحشتكم ياسر مين نجي ندخل في المنتدى نلقى الباب مغلوقة ندقدق والو نرجع لداري وبنيتي هههه واش احوالكم لاباس كا ثلج حنا راه داير حالة ورجعت الطريق انغلقت راني مقلقة مازال ما شريتش اللوازم وراجلي قالي ما نعرف نري القماش كي يصحى الحال اطلعي للمدية وري وحدك

ان شاء الله تقدري تشري اختي و تتحسن الاحوال راهو قتلنا البرد هههههه

المشاركة الأصلية كتبت بواسطة isawts

صباح النور للجميع
واش راكم لاباس غاية ؟
فيفي راح نسقسيك على البترون كل و حدة دير تاعها ولا نتيا ليتعطينلنا وخاصة راني نشوف غير انا لي راح نخدم الياسمينة راح تلتاي بيهم و تخليني

انا اصلا عطيتكم المخططات في الدرس النظري الاول و كل وحدة تختار الشكل لي راح تعمل بيه
و تفكر كيفاش تقص لقماش لانو هاذ المرحلة فتناها
اما عن الغرز وباترونها و كيفاش نعملوها
هاذي اكيد راح نشرحها في الدرس التطبيقي
و ماتخافيش نشرحلكم كامل تعرفي علاه
لانو الياسمينة هي الاساس
مبعد هي لي نخدمو بيها الغرزتين لاخرين
اوك
و ماتخافيش الشرح يكون ليكم كامل كيفكيف

[/b]

[fifiarch]

المشاركة الأصلية كتبت بواسطة doli/m

اختي فيفي راني رايحة نخدم هاد الكوفرولي لاختي ان شاء الله
وهي اللي خيرت اللون وطريقة وضع السموكس
ارجوكي فيفي ان تقبلي اختيارها
وحتى الدونتال راح ندير لوغقونزا في بلاستو

كيما جاوبتك قبل اختي دولي

المشاركة الأصلية كتبت بواسطة جزائرية197

لبنات حابة نسقسيكم
خرجت قبيل كيما قلتلكم باش نشري القماش و الحق اتخلعش كلشي زايد ما فهمتش القماش غلى ولا راهي السرقة
في نوفمبر شريت ستان غوايال بـ 14 او دوكا لقيتو بـ 18 ، الفو الدان كان 15 او دوكا شريتو بـ 22 ، الساتان ماروكا قالي 22 ، الميتيس قالي 45 ألف مع انو الصباح قريت رد واحد الأاخت على الميتيس بـ 35 ألأف
ما فهمت والو
عابة نعرف مشحال راه يدير الساتان غوايال و الساتان ماروكان
اذا هاذي سومتهم ولا راهم يخطفوا عندنا

انا شريتو بعشرين الف هاذي مدة بالنسبة للساتان روايال كان باقي القماشات والله ماعلابالي

المشاركة الأصلية كتبت بواسطة nouna-12

سلا حبيبتي فيفي
اييه هادي هي الطريقة اللي قسمت بييها
لكن في ورقة برك درت التخطييط علييها
ماشي علي القماش
راني غير نبحث لون غامق شباب مالقيتش
بالاك هاد الايام نزييد نحوس
مشكورة

ايه معليش
انا قلت غيبت راكي بديتي تخدمي ههههه:1

:

[crono]

المشاركة الأصلية كتبت بواسطة حراوية وافتخر

جزالك الله الجنة اذا كنت مقيمة بالجزائر العاصيمة افيدينا باعنوان مشكورة مقدما

أختي أن من الجزائر العاصيمة

[جيهان13091991]

سلام لبنات واش حوالكم هبلني الندى مانجمتش ندخل مالقاوا غير هذا الوقت للصيانة , المهم اختي فيفي نقصو القماش و الا مازال و كي نقصوه نخيطوه و الا كيفاش والمخطط نرسموه فالقماش , اسمحيلي تعبتك مي الاشغال هادو ميش متعودا نديرهم و شكرا و البنات ادعيوا يتصلح المنتدى قبل بداية الدروس

[-رودينا-]

المشاركة الأصلية كتبت بواسطة crono

أختي أن من الجزائر العاصيمة

مرحبا بيك اين بقية الجواب قصدي العنوان وين سبتي ساتان رويال يتباع ب17.5

[crono]

المشاركة الأصلية كتبت بواسطة حراوية وافتخر

مرحبا بيك اين بقية الجواب قصدي العنوان وين سبتي ساتان رويال يتباع ب17.5

ههههههههههه مفهمتكش
سمحلي لقيتو يتباع في سوق تع حميس

[fifi180]

[crono]

ختي فيفي رني حبة نخدم هاد
عندي القماش في أللون عسلي فيه 2م ونزيدلو أللون gruna بي 4م للي نخدم عليه ألغرزة
حب نقولك معليش ندير هد الغرزة ولا نبدلها بي غرزة يسمينة مقلوبة
وهدي وردة حبيت نرشها فوق الكفرولي
سمحلي قوليلي عجبك أللون ولالا
ولا معجبكش قوليلي قبل منصورهملك