اقتباس:
المشاركة الأصلية كتبت بواسطة wahibaazel
صباح الخير يا غاليات ،ام تاجو ما تقلقيش روحك باذن الله يتحل المشكل فيما،يخص حفط القران انا نقترح عليك اكتبي لي حفظتيهم في كراس وكي تتعدل النت حطيهم وبالتوفيق للاخوات كامل ،لازم نغتانمو الوقت لحفظ كتاب الله ربي يوفقنا كامل .ليزا كيف الاحوال .الغدا بقالي من البارح ،ونزيد نعمل شوية حساء انتاع البصل لالهام رائع لصديق زوجي راهو في السبيطار ربي يشفيه ويرجع لوليداتو سالم امين.
|
ربي يشفي جميع المرضى يا رب والحمد لله على الصحة
اقتباس:
المشاركة الأصلية كتبت بواسطة oum islem
 صباح النور على الجميع في كوزينة ام الاء سالتني ام رشدي على عصير الكوبيا بصح حتى اليوم باه كتب ربي معذرة اختي على التاخير اولا نحضر معجون الكوبيا تقشري كمية من الكوبيا وتقطعيها مربعات صغيرةحطيها في اناء ثقيل وافرغي فوقها كمية مليحة من السكر خليها 4الى5 ساعات او ليلةوالغد منذاك زيدي عصير ليمونة وحركي جيدا حطيها على النارمن اول غلية نقصي وخليها على نار هادئة1سا ثم زيدي زاست ليمونة وبرتقالة وقطع برتقال مقشر 3او4حبات وخليه حتى يطيب مليح1سا ارحيه لما يبرد خبيه اما العصير حطي كاس معجون كوبيا وكاس عصير ليمون برتقال وليمون هندي pamplemousse وياوورت ذوق مشماش و1ل ماء بارد ومميكسيه وتتحصلي على الذ عصير طبيعي والكوبيا ابدا ما تحسيش بالذوق نتاعها وما تبخلوش في الحمضيات خاصة البرتقالراه وقتو استغلوه وحضرو العصير لاولادكم وعصير الكوبيا صدقوني لما تحضروه بهذي الطريقة مستحيل ما تعاوديهش  |
ربي يحفظك على الوصفة امممممممممممممممممم
اقتباس:
المشاركة الأصلية كتبت بواسطة lyzzabel
كاوكا هادي طريقتي في الكرنب المحشي ،، تقطعي بصلة شوية صغيرة بالطول شرائح رقيقة و تقليها في شوية زيت طبعا فالكوكوت ولا الطاجين ما يهمش و تبلي بالملح و الفلفل الاسود و شوييية زعفران و عود قرفة و نصف م ص كمون و تحركي بالملعقة على نار هادية و ترمي كمشة حمص و تمرقي ما تكثريش الما بزاف
و من جهة اخرى تنقي راس تاع كرنب و تنحي الاوراق الكبيرة بالعقل بلا ما تتقطع و اغسليها مليح و فوريها في كسكاس مغطي و لي بقى مالكرنب قطعيه قطع صغيرة و ارميهم فالمرق و اغلقي الكوكوت
مين يفور الكرنب حطيه في اناء واسع يبرد شوية و بالموس نحيله الجزء الغليظ لي يجي في الوسط
و تكوني وجدتي الحشو لي هو كمية من اللحم مرحي متبل بالملح و الفلفل الاسود و سنة ثوم رابي و معدنوس مقطع رقيق و شابلير و كمشة روز تقدري تديري البيض انا ما ندريهش و احشي ورقات الكرنب بطريقة البوراك لازم الجوانب يكونو مغلوقين
حلي الكوكوت بالعقل و ستفي المحشي حبة حدا حبة باش ما ينفتحوووش فالطياب و لي بقى مالحشو دريه دي بولات و خليي كلشي يطيب على نار اقل من متوسطة و في النهاية لاصوص تكون قليلة
و مرات نبدل ،، مين نحشي الكرنب نستفه في بلا تاع فرن و نصفي المرق و نصبه عليه و ندير فوقه قطع صغيرة من المارغرين و رشه فلفل اسود و نغطيه بالالمنيوم و ندخله يطيب فالفرن
تاني ديفوا نخلي كلشي يطيب فالكوكوت و من بعد نحط الكل فالبلا تاع الفرن و بلا ما نغطيه نخليه يتجمر و ندير عليه كمية مليحة تاع فرماج رابي
انشالله الطرق واضحين و اي حاجة قوليلي حبيبتي
سكرتي الحلللوة مازال ما رحتش للدردشة نشوف المفاجأة بصح راني عرفتها هههههه ربي يكملك بالخيييير يا العميرة موااااااح نروح نزيد نتاكد لا نخربط كلشي ههههههه
ام عاصم مممممممممم قتلتيييني بالصابلي يعطييييك الصحة و الكيكة تاني تشهي بصحتكم غاليتي سلميلي على لجين و بصحتها عيد الميلاد ربي يحفظهالك و يخليهالك نظن عندها نفس الحالة كيما بنت اختي و كيما سمية بنت الغالية ام هبوبة ،، ربي يقدركم و يوفقكم و يجازيكم الجنة على التعب لي راكم تتعبو فيه حبيباتي
|
نجربها اكيد لانها روووووووووووووووووووووووووووعة
اقتباس:
المشاركة الأصلية كتبت بواسطة fofol
صباح الخير
أخت وهيبة من فضلك المقادير تع سبلي شامية
شكرا
|
صباحك فل وياسمين
اقتباس:
المشاركة الأصلية كتبت بواسطة saja hamed
صباح الخير علي احباءي هذا وين لحقت ديت بنتي للكراش وجيت قلت نصبح عليكم ونروح لاشغالي
|
صباحك اطيب وربي يعينك يا حبوبة
اقتباس:
المشاركة الأصلية كتبت بواسطة kaouka
رســـالـــة فيها بيان لكل زوجة تجحد حق عشيرها (زوجها) ...روى البخاري عَنْ عَبْدِ اللَّهِ بْنِ عَبَّاسٍ رضي الله عنهما قَالَ : قَالَ صلى الله عليه وسلم : « إِنِّي رَأَيْتُ الْجَنَّةَ ، فَتَنَاوَلْتُ عُنْقُوداً ، وَ لَوْ أَصَبْتُهُ لأَكَلْتُمْ مِنْهُ مَا بَقِيَتِ الدُّنْيَا ، وَ أُرِيتُ النَّارَ ، فَلَمْ أَرَ مَنْظَراً كَالْيَوْمِ قَطُّ أَفْظَعَ ، وَ رَأَيْتُ أَكْثَرَ أَهْلِهَا النِّسَاءَ » . قَالُوا بِمَ يَا رَسُولَ اللَّهِ ؟ قَالَ : « بِكُفْرِهِنَّ » ، قِيلَ : يَكْفُرْنَ بِاللَّهِ ؟ قَالَ : « يَكْفُرْنَ الْعَشِيرَ ، وَ يَكْفُرْنَ الإِحْسَانَ ، لَوْ أَحْسَنْتَ إِلَى إِحْدَاهُنَّ الدَّهْرَ كُلَّهُ ، ثُمَّ رَأَتْ مِنْكَ شَيْئاً قَالَتْ مَا رَأَيْتُ مِنْكَ خَيْراً قَطُّ » .و كفى بهذا الحديث الشريف جواباً على ما ورد في السؤال ، و فيه أنَّ أكثَرَ أهل النار من النساء ، و لكن ليس كلّ النساء ، بل أولئك اللاتي يَكفُرن ( أي يجحَدنَ حقَّ ) العشير ( و هو الزوج ) ، أما القانتات الصالحات فهنّ ممّن لا خوفٌ عليهم و لا هُم يحزنون ، و قد جاءت أحاديث كثيرة تُبشِِِّرُهُنَّ بحُسنِ الجزاء ، و من ذلك ما رواه أحمد في المسند عَبْدِ الرَّحْمَنِ بْنِ عَوْفٍ قَالَ قَالَ رَسُولُ اللَّهِ صلى الله عليه وسلم : « إِذَا صَلَّتِ الْمَرْأَةُ خَمْسَهَا وَ صَامَتْ شَهْرَهَا وَ حَفِظَتْ فَرْجَهَا وَ أَطَاعَتْ زَوْجَهَا قِيلَ لَهَا ادْخُلِي الْجَنَّةَ مِنْ أَيِّ أَبْوَابِ الْجَنَّةِ شِئْتِ » .جعلنا اللهُ و السائلةَ من أهل الجنّة ، و ختم لنا بالحسنى . آمين .
|
يا رب يجمعنا فيها اجمعين
اقتباس:
المشاركة الأصلية كتبت بواسطة omselma
مبروك عليك اختي وان شاء الله نستفادو من بعضانا وصور جميلة اللي حطيتيها لمدينة قسنطينة
|
مرحبا ام سلمى يا رب تكون فال خير على الجميع
اقتباس:
المشاركة الأصلية كتبت بواسطة ام رشدى
لحراير حاب نخدم عجينة البيتزا ونخبيها في المجمد حتي العشيا باه نستعملها يادرا تصلح لانو سمعت انو تقدري تكونجليها وقت الاستعمال تجبديها ارجو الاجابة من فضلكن
|
والله ما جربت ممكن يفيدوك لبنات
اقتباس:
المشاركة الأصلية كتبت بواسطة om kamilia
مبروووووك الكوزينة زينب ان شاء نربحو عليها
|
منورة يا رب نربحو كامل عليها
اقتباس:
المشاركة الأصلية كتبت بواسطة *أم ثازيري*
صباح الخير
الأخت لي سقسات على لاكريم فريش نتاع الطبخ و الحلويات
اختي ماكانش فرق بيناتهم كريم فريش الطبخ هي نتاع الحلويات بصح كاين الفرق في الكثافة
كاين كريم فريش ثقيلة و كاين السائلة
انا نشري hopla ولا واحد اخرى تجي لابوات نتاعها بج نسيت اسمها بالإيطالية وقيلة
 |
صباحك فل باتيلا منورة
اقتباس:
المشاركة الأصلية كتبت بواسطة سعيدة8888
|
مرحبا سعيدة وبالتوفيق حطنا الطريقة نتشاركوها معاك
( تقرير عن مشاركة سيئة )، و الموجودة أسفل كل مشاركة .
2015-03-10, 09:51
صباح النور ام فراس ديري تاع ninafret هايلة انا معتامدتها من سينين وما نبدلهاش خفيفة
العرض العادي
