الجزء 121 من كوزينة واش طيبتي اليوم

[oum islem]

صباح النور على الجميع في كوزينة ام الاء سالتني ام رشدي على عصير الكوبيا بصح حتى اليوم باه كتب ربي معذرة اختي على التاخير اولا نحضر معجون الكوبيا تقشري كمية من الكوبيا وتقطعيها مربعات صغيرةحطيها في اناء ثقيل وافرغي فوقها كمية مليحة من السكر خليها 4الى5 ساعات او ليلةوالغد منذاك زيدي عصير ليمونة وحركي جيدا حطيها على النارمن اول غلية نقصي وخليها على نار هادئة1سا ثم زيدي زاست ليمونة وبرتقالة وقطع برتقال مقشر 3او4حبات وخليه حتى يطيب مليح1سا ارحيه لما يبرد خبيه اما العصير حطي كاس معجون كوبيا وكاس عصير ليمون برتقال وليمون هندي pamplemousse وياوورت ذوق مشماش و1ل ماء بارد ومميكسيه وتتحصلي على الذ عصير طبيعي والكوبيا ابدا ما تحسيش بالذوق نتاعها وما تبخلوش في الحمضيات خاصة البرتقالراه وقتو استغلوه وحضرو العصير لاولادكم وعصير الكوبيا صدقوني لما تحضروه بهذي الطريقة مستحيل ما تعاوديهش

[lyzzabel]

كاوكا هادي طريقتي في الكرنب المحشي ،، تقطعي بصلة شوية صغيرة بالطول شرائح رقيقة و تقليها في شوية زيت طبعا فالكوكوت ولا الطاجين ما يهمش و تبلي بالملح و الفلفل الاسود و شوييية زعفران و عود قرفة و نصف م ص كمون و تحركي بالملعقة على نار هادية و ترمي كمشة حمص و تمرقي ما تكثريش الما بزاف
و من جهة اخرى تنقي راس تاع كرنب و تنحي الاوراق الكبيرة بالعقل بلا ما تتقطع و اغسليها مليح و فوريها في كسكاس مغطي و لي بقى مالكرنب قطعيه قطع صغيرة و ارميهم فالمرق و اغلقي الكوكوت
مين يفور الكرنب حطيه في اناء واسع يبرد شوية و بالموس نحيله الجزء الغليظ لي يجي في الوسط
و تكوني وجدتي الحشو لي هو كمية من اللحم مرحي متبل بالملح و الفلفل الاسود و سنة ثوم رابي و معدنوس مقطع رقيق و شابلير و كمشة روز تقدري تديري البيض انا ما ندريهش و احشي ورقات الكرنب بطريقة البوراك لازم الجوانب يكونو مغلوقين
حلي الكوكوت بالعقل و ستفي المحشي حبة حدا حبة باش ما ينفتحوووش فالطياب و لي بقى مالحشو دريه دي بولات و خليي كلشي يطيب على نار اقل من متوسطة و في النهاية لاصوص تكون قليلة
و مرات نبدل ،، مين نحشي الكرنب نستفه في بلا تاع فرن و نصفي المرق و نصبه عليه و ندير فوقه قطع صغيرة من المارغرين و رشه فلفل اسود و نغطيه بالالمنيوم و ندخله يطيب فالفرن
تاني ديفوا نخلي كلشي يطيب فالكوكوت و من بعد نحط الكل فالبلا تاع الفرن و بلا ما نغطيه نخليه يتجمر و ندير عليه كمية مليحة تاع فرماج رابي
انشالله الطرق واضحين و اي حاجة قوليلي حبيبتي



سكرتي الحلللوة مازال ما رحتش للدردشة نشوف المفاجأة بصح راني عرفتها هههههه ربي يكملك بالخيييير يا العميرة موااااااح نروح نزيد نتاكد لا نخربط كلشي ههههههه

ام عاصم مممممممممم قتلتيييني بالصابلي يعطييييك الصحة و الكيكة تاني تشهي بصحتكم غاليتي سلميلي على لجين و بصحتها عيد الميلاد ربي يحفظهالك و يخليهالك نظن عندها نفس الحالة كيما بنت اختي و كيما سمية بنت الغالية ام هبوبة ،، ربي يقدركم و يوفقكم و يجازيكم الجنة على التعب لي راكم تتعبو فيه حبيباتي

[lyzzabel]

وهيبة الطيوبة صباحك اسعد غاليتي بصحتكم البواقي و ربي يشفي صاحب زوجك و يعافيه و كل مرضى المسلمين اميييين

سكرتي الحلللوة على جال هداك تلشي ما سجلتش والله كنت فرحاااانة مين غادي نحفظو قاع مع بعض مي راكي تشوفي حالة النت و راني عارفة ما نكونش معاكم à jours ،، قلت ل ن ع يجيبلي المصحف نبدا وحدي و مين تطون عندي النت نطل على البنات ربي يوفقنا جمييييعاااا

ام اسلام مالوصفة راه باين بلي عصير لديييد و منعش و زيادة على فوائد الحمضيات راهي الكابويا او اليقطييين ذو فاااائدة لااااا تووووصف اذ انه كان غذاء سيدنا يونس عليه السلام عندما خرج من بطن الحوت مما عوضه عن سنيييين من الحرمان من الاكل و الحمد لله على نعمه

انا نخليكم نروح لفطوري انشالله ما تديرهاش بيا النت راني ما نقدرش نصبر عليكم حبيباتي موااااااااااح ليكم كاااامل


اللهم اهدنا فيمن هديت و عافنا فيمن عافيت و تولنا فيمن توليت و اصرف عنا شر ما قضيتالله

[fofol]

صباح الخير

أخت وهيبة من فضلك المقادير تع سبلي شامية

شكرا

[saja hamed]

صباح الخير علي احباءي هذا وين لحقت ديت بنتي للكراش وجيت قلت نصبح عليكم ونروح لاشغالي

[kaouka]

‫رســـالـــة فيها بيان لكل زوجة تجحد حق عشيرها (زوجها) ...روى البخاري عَنْ عَبْدِ اللَّهِ بْنِ عَبَّاسٍ رضي الله عنهما قَالَ : قَالَ صلى الله عليه وسلم : « إِنِّي رَأَيْتُ الْجَنَّةَ ، فَتَنَاوَلْتُ عُنْقُوداً ، وَ لَوْ أَصَبْتُهُ لأَكَلْتُمْ مِنْهُ مَا بَقِيَتِ الدُّنْيَا ، وَ أُرِيتُ النَّارَ ، فَلَمْ أَرَ مَنْظَراً كَالْيَوْمِ قَطُّ أَفْظَعَ ، وَ رَأَيْتُ أَكْثَرَ أَهْلِهَا النِّسَاءَ » . قَالُوا بِمَ يَا رَسُولَ اللَّهِ ؟ قَالَ : « بِكُفْرِهِنَّ » ، قِيلَ : يَكْفُرْنَ بِاللَّهِ ؟ قَالَ : « يَكْفُرْنَ الْعَشِيرَ ، وَ يَكْفُرْنَ الإِحْسَانَ ، لَوْ أَحْسَنْتَ إِلَى إِحْدَاهُنَّ الدَّهْرَ كُلَّهُ ، ثُمَّ رَأَتْ مِنْكَ شَيْئاً قَالَتْ مَا رَأَيْتُ مِنْكَ خَيْراً قَطُّ » .و كفى بهذا الحديث الشريف جواباً على ما ورد في السؤال ، و فيه أنَّ أكثَرَ أهل النار من النساء ، و لكن ليس كلّ النساء ، بل أولئك اللاتي يَكفُرن ( أي يجحَدنَ حقَّ ) العشير ( و هو الزوج ) ، أما القانتات الصالحات فهنّ ممّن لا خوفٌ عليهم و لا هُم يحزنون ، و قد جاءت أحاديث كثيرة تُبشِِِّرُهُنَّ بحُسنِ الجزاء ، و من ذلك ما رواه أحمد في المسند عَبْدِ الرَّحْمَنِ بْنِ عَوْفٍ قَالَ قَالَ رَسُولُ اللَّهِ صلى الله عليه وسلم : « إِذَا صَلَّتِ الْمَرْأَةُ خَمْسَهَا وَ صَامَتْ شَهْرَهَا وَ حَفِظَتْ فَرْجَهَا وَ أَطَاعَتْ زَوْجَهَا قِيلَ لَهَا ادْخُلِي الْجَنَّةَ مِنْ أَيِّ أَبْوَابِ الْجَنَّةِ شِئْتِ » .جعلنا اللهُ و السائلةَ من أهل الجنّة ، و ختم لنا بالحسنى . آمين .‬

[omselma]

مبروك عليك اختي وان شاء الله نستفادو من بعضانا وصور جميلة اللي حطيتيها لمدينة قسنطينة

[kaouka]

شكرا جزيلا ليزا كفيتي وفيتي نروح نبدا العمال الشقة لي متخﻻصش ربي يعنكم

[ام رشدى]

لحراير حاب نخدم عجينة البيتزا ونخبيها في المجمد حتي العشيا باه نستعملها يادرا تصلح لانو سمعت انو تقدري تكونجليها وقت الاستعمال تجبديها ارجو الاجابة من فضلكن

[om kamilia]

مبروووووك الكوزينة زينب ان شاء نربحو عليها

[om kamilia]

صباحكن سعيد حيباتي
اشغال كثرة تنتظرني وراني مريضة بla grippe

[*أم ثازيري*]

صباح الخير
الأخت لي سقسات على لاكريم فريش نتاع الطبخ و الحلويات
اختي ماكانش فرق بيناتهم كريم فريش الطبخ هي نتاع الحلويات بصح كاين الفرق في الكثافة
كاين كريم فريش ثقيلة و كاين السائلة
انا نشري hopla ولا واحد اخرى تجي لابوات نتاعها بج نسيت اسمها بالإيطالية وقيلة

[wahibaazel]

صباح الخير لكل الملتحقات ،اختي fofol الصابلي بالشامية انتاع الاخت ام عاصم ذك تدخل وجاوبك عزيزتي .

[ام فراس اصيل]

صباح الخير زينب وكامل لبنات يعطيكم الصحة راكم 444444444444444حابة تعطيوني عجينة انتاع سوفلي تكون مجربة حاب نديرها في العشاء راني نستنى في الرد

[سعيدة8888]

شكراااااااااااااااااااااااااااااااااااااا: 19:
كامل كل وحدة بإسمها ام تاجو ليزا زينب توكيو ام ثازير لي نسيتها تيسمحلي
كنت رايحة نجرب قغاتا شفتها في سميرة البارح سهلة و اقتصادية بصح بلاكرام فراش