الى ام اسيد1 وكل وحدة حاصلة واش الطيب - الصفحة 125

ام حمزة22 · 2015-01-04, 16:42

مساءكم سعيد لبنات واش راكم
سامحوني ما قدرتش نقرا الردود
هاد اليومين تعبت عينيا بالتبلات واليوم كي رحت ندير قيلولتي درت على عيني شرائح بطاطا انا عمري ما درتها
عينيا كانو يوجعو وسارني كي درت الباطاطا قلت نرقد ونوض نتحسن لاكن واقيل وخدت روحي الكتيبة صغيرة راني نشوف فيها فلو
طمنوني يا الغاليات رايحين يرجعو عادي مثل ما كانو ولا توخدت في عويناتي

ام هاديل وياسين · 2015-01-04, 20:21

السلام عليكم

بشفى عليك ام حمزة متزتهزيش بروحك وروحي لطبيب يطمنك العينين مامعاهمش الزعاقة

والبطاطا بلاك كي فيها هذيك النشاء اثرت عليهم انا نسمع بالخيار يقولو مليح بصح عمري ماستعملتو
الله لا يحرمنا نعمة البصر تعرفي عندي خال فيه مرض السكر في عام واحد تدهورت صحتو وبدا ينقص النضر عندو
العام هذا فقد البصر تماما ولله كي نروح عندو نزوره غير نجي مريضة وهوا دمعتو قاع ماتنشفش الله يرجعلو صحتو ويشافيه

نسلم على الاخوات كل وحدة باسمها

ام حمزة22 · 2015-01-04, 22:10

اقتباس:

المشاركة الأصلية كتبت بواسطة غزالة الصّحراء

أهلا وسهلا بكّل عضوة من عضوات الصّفحة الرّوناقة. الزّاهيّة الباهيّة ببهاء عضواتها. أهلا بكل من التحقت بنا واهلا بكلّ من ستلتحق قريبا.
أم حمزة الحمد اللّه كبرات بنتك. وياربّ العائلة الصغيرة أنتاعك والكبيرة كلّهم بخير. قوليلي واش راه راجلك. ؟واش أختي أم حمزة كاش طبق أجديد. أنا مدخلتش البارح على خاطر أولادي بسلامتهم طلبوا منّي نعمل لهم لمثقبة في الدّقيقة الأخيرة. وزدت حضرتلهم كلّ حاجياتهم. تعرفوا اذراري. يتكلوا بزاف على ألأمهات. ثمّ كملت التخمال أنتاع الدّار. ودرت العشاء. هذا كذلك فريد من نوعه وماتعرفوهش.
رايح نشرح
المقادير. الدقيق+ الماء+ الملح.
الطريقة نعجن العجينة مثل عجينة الرخساس. ثمّ نعملها قرصات. ، ونخليها ترتاح.
نأخذ قرصة واحدة ونحلها قليلا فقط، أندير من فوقها الزيت بواسطة بانسو. ثمّ أضيف عليها قرصة أخرى. ونحلهم مع بعض على شكل عجينة واحدة. أنطيبها في طاجين الحديد. أتطيب مثل خبز سوريا. رايح تتنفخ، ولما اتطيب من الجهة الأولى نقلبها. ماش لازم يتحرقوا. ومباشرة أنحلهم . يصبح عندي جزءين. ، ومباشرة أنفتتهم. أنا اللّه غالب يدّ وحدة . أندير كلّ هذه المراحل لوحدي. والأحسن لو ايكون ألي يساعدك. باش تزربي في الطياب
ملاحظة. تحضر بطريقتين. ممكن اتطيب طبقها وهي ماش يابسة . أو أتيبسيها ثمّ تعملي طبق بيها.
طبقها الأوّل كالتالي، حبة بصل + ثوم + حبة طماطم مرحيّة+ فلفل أكحل+ فلفل حار+ الزيت +قطع لحم يابسة. نقلي الكلّ ثمّ اضيف مقدار من الماء . يعني على حساب واش أتحبي اتحضري. ولما ايطيب المرق أضع هذاك ( الشُّبَاطْ ) ألي أعجنتو وفتَتْتُ ) إلى أجزاء لايجب فقط أن تكون صغيرة جدا . يعني متوسطة. ولمّا أنسربي في الصّحون أضيف زيت الزّيتون. الشّتاء البارد القارس. هاذي لعجينة تتباع في المحلات. وأنا أنفضل نعملها في داري. نشري غير واش مانعرفش أنديروا أخلاص أخلاص.
الطريقة الثانية، أندير الحليب في كاسرونة وندير هذاك الشّباط المفتّت. الكلّ على نار جدّ ضعيفة+ قرصة سكر+ قرصة ملح. رايحين يعطوها بنّة خاصّة. . ولما يشرب أشويا أنطفي ونسربيه في صحن ونزيدلو زيت الزيتون والقليل من الزبدة. وبالصحّة والهناء. وهل تعرفنّ هذا النّوع من الطبّق. أو هو جديد وغريب أيضا.؟؟؟؟

يعطيك الف صح وعافية حبيبني غزالة مشكورة على الاطباق ان شاء الله تعودي تحطيلنا الصور ونشوفها
هاد الطبق جديد عليا بصح يشبه لطبق قطع وارمي

اقتباس:

المشاركة الأصلية كتبت بواسطة منال ومنير

مساء الخير وشراكم وشراكي زوح مراد و ام حمزة والله راني مكورجيا بكم نحب نسمع اخباركم

مساء الانوار منال ومنير ربي يحفضك ويقدرك

اقتباس:

المشاركة الأصلية كتبت بواسطة om hadil

السلام عليكم

بشفى عليك ام حمزة متزتهزيش بروحك وروحي لطبيب يطمنك العينين مامعاهمش الزعاقة

والبطاطا بلاك كي فيها هذيك النشاء اثرت عليهم انا نسمع بالخيار يقولو مليح بصح عمري ماستعملتو
الله لا يحرمنا نعمة البصر تعرفي عندي خال فيه مرض السكر في عام واحد تدهورت صحتو وبدا ينقص النضر عندو
العام هذا فقد البصر تماما ولله كي نروح عندو نزوره غير نجي مريضة وهوا دمعتو قاع ماتنشفش الله يرجعلو صحتو ويشافيه

نسلم على الاخوات كل وحدة باسمها

وعليكم السلام اختي ام هديل
ربي يجيب الشغاء العاجل غير للاجل لخالك حبيبني وربي يطمنك عليه وان شاء الله كي تروحي المرة الجاية تصيبيه يشوف
ما نكدبش عليك والله كي شفت روحي هاكداك خفت وجاتني القنطة قالتلي اختي علاه درتي البطاطا راهي معمرة مواد كيماوية
زادت خلعتني بصح درك تحسنت والحمد لله وبادن الله في هاد الاسبوع نروح لطبيب العيون
اخلام سعيدة للجميع
تصبحون بالف خير

mon espoir · 2015-01-04, 23:10

اقتباس:

المشاركة الأصلية كتبت بواسطة ام حمزة22

مساءكم سعيد لبنات واش راكم
سامحوني ما قدرتش نقرا الردود
هاد اليومين تعبت عينيا بالتبلات واليوم كي رحت ندير قيلولتي درت على عيني شرائح بطاطا انا عمري ما درتها
عينيا كانو يوجعو وسارني كي درت الباطاطا قلت نرقد ونوض نتحسن لاكن واقيل وخدت روحي الكتيبة صغيرة راني نشوف فيها فلو
طمنوني يا الغاليات رايحين يرجعو عادي مثل ما كانو ولا توخدت في عويناتي

سلام الله عليكن جميعا.. و سلام خاص اليكي اختي ام.حمزة.. لا بأس طهورا ان شاء الله..حاولي تريحي عينيك و خاصة في اليل ما لازمش تعبيهم بالقراة ة او الخياطة..جربي تكحلي بالعسل و اذا حبيتي استفسري عليه قبل ما تديريه..ربي يرزق الشفاء العاجل.

روح مراد · 2015-01-05, 09:01

صباح الخير للجميع إنشاء الله تكونو كامل لاباس
منال و منير يعطيك الصحة أحنا في الخدمة
أم حمزة ماكاش اللعب بالعينين و بلاكي تبقاي جربي فيهوم روحي للطبيب مباشرة ما تجربي حتى شيء
غزالتي يرحم باباك طيبي حاجة مافيهاش الخليع أنا غير نبدا نقرا في أطباقك نلحق وين كاين اللحم اليابس نحبس ما نكملش الله غالب

صدفات · 2015-01-05, 09:27

صباحكم سعيد يا بنات
أم حمزة ربي يشافيك ما تتقلقيش ولكن لازم لك زيارة عند الطبيب
و على حساب لي قلتي الكتبة الرقيقة تعبت لك عينيك هذا الشيء عادي بعد الأربعين لازم لك نظارات

ام حمزة22 · 2015-01-05, 09:44

سلام
صباحكم سعيد ويومكم اسعد حبيباتي
شكرا ليكم جميعا على الاهتمام بارك الله فيكم
اليوم تحسنت ماشي مثل البارح وفي هاد الاسبوع بادن الله نروح للطبيب
صح صدفات في الاربعينات يتعبو العينين بصح كنت لاباس عليا من يوم خيطت جبة وشال بغرزت لحساب وزادت مولاتها قالتلي زربيلي فيها عياو عينيا غلطتي اني كنت نخدم فالليل ونزيد نوض على 5نتتع صبح نخدم
واد نهارات كملت على عينيا بالتبلات صغيرة شوية
المهم ربي يجيب الخير لينا وليكم ان شاء الله

لبنات فطوري طاب
طيبت جواز شيفلور والطريقة على مااضن فالصفحة 17