الى ام اسيد1 وكل وحدة حاصلة واش الطيب - الصفحة 124

ام حمزة22 · 2015-01-04, 10:05

واش راكم لبنات ان شاء الله تكونو كامل بالف خير
طبقي اليوم هو بسباس فالكوشة والطريقة فالصفخة82
زوجي ربي يحفضو جابلي البسباس وقالي عاوديهلنا ختى وليدي لي ما يكلش الجاج يعجبو هاد الطبق
راه قريب يطيب فالاول يبت الخضرة وغطيتها بورق الالومنيوم منبعد نحيت الورق وضفت الجاج الطايب والصوص نتاعو وؤجعتو فالكوشة بدون ورق الالومنيوم باه يحمار شوية من الاعلى

روح مراد · 2015-01-04, 10:11

zصباح الخير أم حمزة واش أحوالك ربي يشفي بنتك و يحفظ أولادك و باباهوم
أنا من النوع اللي ما يحبش يرقد حتى كي نكون مريضة نكره نرقد
صحيتي على البسباس راني نخمم نديرو لعشية و لكن لازم نسقسي الراس المدبر (عجوزتي) كي نسقسيها مثلا ندير هاذ الحاجة تقولي طيبي واش تحبي أحنا ناكلو برك و لكن بمجرد ما نطيب الحاجة تقولي أنا ما نحبش هاذي
آخر مرة قلت لها تاكلي شخشوخة نطيبها قالتلي ‘يه ناكل كل شيء هاهاهاها أنا حطيتها و كانت عندها ختها معانا قالت لي هاذي ما نكلهاش أنا

صدفات · 2015-01-04, 10:33

صباحكم سعيد حبيباتي كل عام و أنتن ب1000 الف خير و عام سعيد 2015 يا رب يكون عام خير لنا و لأولادنا

روح مراد · 2015-01-04, 11:11

صدفات هنا يا مرحا يا مرحبا
وين هربتي صدفات عندي شحال ما شفتكش
أخواتي رايحة نحكيلكم حاجة تستغربو فيها
عجوزتي عندها كلورسترول بنسبة كبيرة و لكن أنا ما كنت علابالي من هار تزوجت و هي تاكل معايا و لكن عمرها ما قال لي
تقولي ما نحبش البيض، ما نحبش الزبدة، ما نحبش الفرماج، الجاج نحيلو الجلدة نعيفها ..... و لكن تاكل عادي اللحم و الجاج الكبش نتاع العيد كلاتو كامل هي و وليدها حتى البارح رحت عند عروستها الكبيرة و سقسيتها قلت لها جيبيلي كامل أوراقها باش نعرف واش بيها و باش ندوها للطبيب و أنا نشوف التحاليل اللي دارتهوم من قبل عندها نسبة عالية جدا نتاع كوليسترول
وليدها قالي ما تقوليلهاش علاش ما تقوليش نقصيلها في الماكلة و خلاص و لكن أنا ما نقدرش نحطلها سلاطة ليها و أنا ناكل حاجة أخرى لازم تعرف
و زيد على هاذي أنا كي منكونش في الدار الطيب كل شيء بالشحم و تاكل
ربي يهديها و يعطيني العقل و الصبر حرت فيها نتاع الصح

صدفات · 2015-01-04, 11:29

شكرا حبيبتي روح مراد على الترحيب ما تتقلقيش كامل العجايز يخبو مرضهم ما علبالش علاه نقص ثقة في عرايسهم تخاف تخرجي سرها

صدفات · 2015-01-04, 11:49

أم حزة يعطيك الصحة على طبق البسباس هايل و لكن حبيبتي لا تستعملي الألومنيوم لتغطية الطبق راه غير صحي
ضربي طلة على مشاركة حطتها الأخت لويزة ناد في موضوع الأخت زينب83
هذا هو الرابط
https://www.djelfa.info/vb/showthread...710055&page=11

ام حمزة22 · 2015-01-04, 12:56

اقتباس:

المشاركة الأصلية كتبت بواسطة روح مراد

zصباح الخير أم حمزة واش أحوالك ربي يشفي بنتك و يحفظ أولادك و باباهوم
أنا من النوع اللي ما يحبش يرقد حتى كي نكون مريضة نكره نرقد
صحيتي على البسباس راني نخمم نديرو لعشية و لكن لازم نسقسي الراس المدبر (عجوزتي) كي نسقسيها مثلا ندير هاذ الحاجة تقولي طيبي واش تحبي أحنا ناكلو برك و لكن بمجرد ما نطيب الحاجة تقولي أنا ما نحبش هاذي
آخر مرة قلت لها تاكلي شخشوخة نطيبها قالتلي ‘يه ناكل كل شيء هاهاهاها أنا حطيتها و كانت عندها ختها معانا قالت لي هاذي ما نكلهاش أنا

شكرا على السؤال حبيبتي بنتي راهي مليحة تحسنت وراحت لثانوية
عندك الحق اختي لازم الواحد ما يرقدش للمرض راه يزيد يطيحو
روح مراد انا كي كنت مع عجوزتي دايما تقولي دبري راسك حتى وانا عروسة جديدي عندي غير 20 كنت ندبر ونطيب ونقسم ونسقي لجميع العائلة

اقتباس:

المشاركة الأصلية كتبت بواسطة صدفات

صباحكم سعيد حبيباتي كل عام و أنتن ب1000 الف خير و عام سعيد 2015 يا رب يكون عام خير لنا و لأولادنا

اهلييييييييين بزهرة الموضوع والله كنت منورتنا ورحتي وخليتينا كل عام وانت والعائلة بالف خير

اقتباس:

المشاركة الأصلية كتبت بواسطة روح مراد

صدفات هنا يا مرحا يا مرحبا
وين هربتي صدفات عندي شحال ما شفتكش
أخواتي رايحة نحكيلكم حاجة تستغربو فيها
عجوزتي عندها كلورسترول بنسبة كبيرة و لكن أنا ما كنت علابالي من هار تزوجت و هي تاكل معايا و لكن عمرها ما قال لي
تقولي ما نحبش البيض، ما نحبش الزبدة، ما نحبش الفرماج، الجاج نحيلو الجلدة نعيفها ..... و لكن تاكل عادي اللحم و الجاج الكبش نتاع العيد كلاتو كامل هي و وليدها حتى البارح رحت عند عروستها الكبيرة و سقسيتها قلت لها جيبيلي كامل أوراقها باش نعرف واش بيها و باش ندوها للطبيب و أنا نشوف التحاليل اللي دارتهوم من قبل عندها نسبة عالية جدا نتاع كوليسترول
وليدها قالي ما تقوليلهاش علاش ما تقوليش نقصيلها في الماكلة و خلاص و لكن أنا ما نقدرش نحطلها سلاطة ليها و أنا ناكل حاجة أخرى لازم تعرف
و زيد على هاذي أنا كي منكونش في الدار الطيب كل شيء بالشحم و تاكل
ربي يهديها و يعطيني العقل و الصبر حرت فيها نتاع الصح

روح مراد ساعفي عجوزتك هادي حالت لعجايز راه الانسان كي يكبر تتبدل طبيعتو ويولي مثل الاطفال وكامل نوصلو لهاد المرحلة ربي يتبتنا ان شاء الله
اختي لازم تقوليلها على مرضها لازم تعرف هاد يساعدك ويريحك
ربي يكون فالعون ويعطيك القوة حبيبتي

اقتباس:

المشاركة الأصلية كتبت بواسطة صدفات

أم حزة يعطيك الصحة على طبق البسباس هايل و لكن حبيبتي لا تستعملي الألومنيوم لتغطية الطبق راه غير صحي
ضربي طلة على مشاركة حطتها الأخت لويزة ناد في موضوع الأخت زينب83
هذا هو الرابط
https://www.djelfa.info/vb/showthread...710055&page=11

شكرا اختي على المعلومة درك نروح نشوف موضوع زينب
والله كنت شاكة فيه خاصتا كي يولي كحل مع طياب

ام حمزة22 · 2015-01-04, 13:15

راني قريت موضوع زينب يعطيها الصحة على الموضوع
ويعطيك الصحة على الرابط وعلى معلومة زيت الزيتون بارك الله فيك اختيييييييييييي

غزالة الصّحراء · 2015-01-04, 13:44

أهلا وسهلا بكّل عضوة من عضوات الصّفحة الرّوناقة. الزّاهيّة الباهيّة ببهاء عضواتها. أهلا بكل من التحقت بنا واهلا بكلّ من ستلتحق قريبا.
أم حمزة الحمد اللّه كبرات بنتك. وياربّ العائلة الصغيرة أنتاعك والكبيرة كلّهم بخير. قوليلي واش راه راجلك. ؟واش أختي أم حمزة كاش طبق أجديد. أنا مدخلتش البارح على خاطر أولادي بسلامتهم طلبوا منّي نعمل لهم لمثقبة في الدّقيقة الأخيرة. وزدت حضرتلهم كلّ حاجياتهم. تعرفوا اذراري. يتكلوا بزاف على ألأمهات. ثمّ كملت التخمال أنتاع الدّار. ودرت العشاء. هذا كذلك فريد من نوعه وماتعرفوهش.
رايح نشرح
المقادير. الدقيق+ الماء+ الملح.
الطريقة نعجن العجينة مثل عجينة الرخساس. ثمّ نعملها قرصات. ، ونخليها ترتاح.
نأخذ قرصة واحدة ونحلها قليلا فقط، أندير من فوقها الزيت بواسطة بانسو. ثمّ أضيف عليها قرصة أخرى. ونحلهم مع بعض على شكل عجينة واحدة. أنطيبها في طاجين الحديد. أتطيب مثل خبز سوريا. رايح تتنفخ، ولما اتطيب من الجهة الأولى نقلبها. ماش لازم يتحرقوا. ومباشرة أنحلهم . يصبح عندي جزءين. ، ومباشرة أنفتتهم. أنا اللّه غالب يدّ وحدة . أندير كلّ هذه المراحل لوحدي. والأحسن لو ايكون ألي يساعدك. باش تزربي في الطياب
ملاحظة. تحضر بطريقتين. ممكن اتطيب طبقها وهي ماش يابسة . أو أتيبسيها ثمّ تعملي طبق بيها.
طبقها الأوّل كالتالي، حبة بصل + ثوم + حبة طماطم مرحيّة+ فلفل أكحل+ فلفل حار+ الزيت +قطع لحم يابسة. نقلي الكلّ ثمّ اضيف مقدار من الماء . يعني على حساب واش أتحبي اتحضري. ولما ايطيب المرق أضع هذاك ( الشُّبَاطْ ) ألي أعجنتو وفتَتْتُ ) إلى أجزاء لايجب فقط أن تكون صغيرة جدا . يعني متوسطة. ولمّا أنسربي في الصّحون أضيف زيت الزّيتون. الشّتاء البارد القارس. هاذي لعجينة تتباع في المحلات. وأنا أنفضل نعملها في داري. نشري غير واش مانعرفش أنديروا أخلاص أخلاص.
الطريقة الثانية، أندير الحليب في كاسرونة وندير هذاك الشّباط المفتّت. الكلّ على نار جدّ ضعيفة+ قرصة سكر+ قرصة ملح. رايحين يعطوها بنّة خاصّة. . ولما يشرب أشويا أنطفي ونسربيه في صحن ونزيدلو زيت الزيتون والقليل من الزبدة. وبالصحّة والهناء. وهل تعرفنّ هذا النّوع من الطبّق. أو هو جديد وغريب أيضا.؟؟؟؟

غزالة الصّحراء · 2015-01-04, 13:50

اقتباس:

المشاركة الأصلية كتبت بواسطة روح مراد

صدفات هنا يا مرحا يا مرحبا
وين هربتي صدفات عندي شحال ما شفتكش
أخواتي رايحة نحكيلكم حاجة تستغربو فيها
عجوزتي عندها كلورسترول بنسبة كبيرة و لكن أنا ما كنت علابالي من هار تزوجت و هي تاكل معايا و لكن عمرها ما قال لي
تقولي ما نحبش البيض، ما نحبش الزبدة، ما نحبش الفرماج، الجاج نحيلو الجلدة نعيفها ..... و لكن تاكل عادي اللحم و الجاج الكبش نتاع العيد كلاتو كامل هي و وليدها حتى البارح رحت عند عروستها الكبيرة و سقسيتها قلت لها جيبيلي كامل أوراقها باش نعرف واش بيها و باش ندوها للطبيب و أنا نشوف التحاليل اللي دارتهوم من قبل عندها نسبة عالية جدا نتاع كوليسترول
وليدها قالي ما تقوليلهاش علاش ما تقوليش نقصيلها في الماكلة و خلاص و لكن أنا ما نقدرش نحطلها سلاطة ليها و أنا ناكل حاجة أخرى لازم تعرف
و زيد على هاذي أنا كي منكونش في الدار الطيب كل شيء بالشحم و تاكل
ربي يهديها و يعطيني العقل و الصبر حرت فيها نتاع الصح

أهلابيك أختي روح مراد. شوفي حنونة . أغلقي وذنيك. ودري ألي تقدري عله باش ماتربحيش العيب من اعجوزتك أو دعوات شرّ انجانا اللّه منها. وديري على راي راجلك اللّه ايخليهولك. دريلها الرّجيم بلا ماتفيق. ولمّ ماتكونيش اللّه غالب. المهم ديري الي تقدري عليه.
الحمد اللّه الي راكي أصبحتي بخير. وياربّ دائما أتكوني بخير. باش أتمتعينا بمواضيعك المميّزة.

غزالة الصّحراء · 2015-01-04, 13:55

اقتباس:

المشاركة الأصلية كتبت بواسطة صدفات

أم حزة يعطيك الصحة على طبق البسباس هايل و لكن حبيبتي لا تستعملي الألومنيوم لتغطية الطبق راه غير صحي
ضربي طلة على مشاركة حطتها الأخت لويزة ناد في موضوع الأخت زينب83
هذا هو الرابط
https://www.djelfa.info/vb/showthread...710055&page=11

أهلا بيد أختي صدفات وشكرا لك على النّصيحة. بصّح إذا حبيتي الصّراحة واللّه غير نعرفها . بصّح في بعض الحالات نستعمل الألمنيوم . لمّا نصنع الحلوى في مول دائري. وفي الحقيقة هناك الكثير من الأمور المطبخيّة التّي تعتبر مضرّة . وهذا جاء من التّكنولوجيا الحديثة. هل تظنين أنّ ليمول أنتاع السيليكون جيّدة للصحّة؟؟ لا طبعا ورغم ذلك نستعملها. هناك الأنواع الرّفيعة .لكن لاتصلنا إلى بلادنا. عندنا سلعة الشينوا راهي عمرت العالم كامل. ماخلات حتّى بلاصة. وين الهربة وين كيما ايقول الشّاب خالد. واش أتقولي؟؟؟؟؟؟؟؟؟؟

صدفات · 2015-01-04, 14:03

نقول لا إله إلا الله أختي غزالة الصحراء
أما في ما يخص المول نتاع سليكون ما نعرفش بلي ضار ما ذابيك تحطيلنا التفاصيل

غزالة الصّحراء · 2015-01-04, 14:08

اقتباس:

المشاركة الأصلية كتبت بواسطة روح مراد

صدفات هنا يا مرحا يا مرحبا
وين هربتي صدفات عندي شحال ما شفتكش
أخواتي رايحة نحكيلكم حاجة تستغربو فيها
عجوزتي عندها كلورسترول بنسبة كبيرة و لكن أنا ما كنت علابالي من هار تزوجت و هي تاكل معايا و لكن عمرها ما قال لي
تقولي ما نحبش البيض، ما نحبش الزبدة، ما نحبش الفرماج، الجاج نحيلو الجلدة نعيفها ..... و لكن تاكل عادي اللحم و الجاج الكبش نتاع العيد كلاتو كامل هي و وليدها حتى البارح رحت عند عروستها الكبيرة و سقسيتها قلت لها جيبيلي كامل أوراقها باش نعرف واش بيها و باش ندوها للطبيب و أنا نشوف التحاليل اللي دارتهوم من قبل عندها نسبة عالية جدا نتاع كوليسترول
وليدها قالي ما تقوليلهاش علاش ما تقوليش نقصيلها في الماكلة و خلاص و لكن أنا ما نقدرش نحطلها سلاطة ليها و أنا ناكل حاجة أخرى لازم تعرف
و زيد على هاذي أنا كي منكونش في الدار الطيب كل شيء بالشحم و تاكل
ربي يهديها و يعطيني العقل و الصبر حرت فيها نتاع الصح

شوفي حنونتي روح مراد. راكي في قسم المخابرات السريّة. أنت أمريكا وهي روسيا. ووليدها اللّه غالب راه كيما الدوّل العربيّة مانعدوا مايدير. ايحب ايرضيك ويرضيها . مايحبش يخسركم في زوج. ربّي ايخليهولك. راه باين حكيم. مايحبش ايدير سياسة فرّق تسود. ايحب العدالة. وبصّح لعجايز. لازم غير تسكتي. أنا أعجوزتي اللّه يرحمها. دائما ساكتتلها. وبصّح ثاني ماكنتش أندير راي. وكنت دائما شادة في ربّي ونخذم الدّار بنيّة صادقةوصافيّة. . واليوم الحمد للّه راني بين أولادي وراجلي كالملكة. ديري كيما أخيتك. تربحي دنيتك وآخرتك ياربّ.

غزالة الصّحراء · 2015-01-04, 14:17

اقتباس:

المشاركة الأصلية كتبت بواسطة صدفات

نقول لا إله إلا الله أختي غزالة الصحراء
أما في ما يخص المول نتاع سليكون ما نعرفش بلي ضار ما ذابيك تحطيلنا التفاصيل

أهلابيك أختي صدفات. وشكرا لك على الرّد.وفعلا ماعسانا نقول غير لا إله إلاّ اللّه.
شفتها في وحدة القنوات الفرنسيّة عن إنتاج الصّين. وهناك عدم احترامها للمواد التّي تصنع بها. تعرفي الصينيّن. يهتموا بالكمّ وليس بالنّوعيّة. وحتى في المحلات تلاحظين أنّه هناك النّوع الجيّد زعم كيما انقولوا. وهناك النّوع الرّديئ نظرا لكثرة المواد الكيماوية فيها. أولادي نبهوني ورفضوا نشريها. بصّح واش أنقولك راكي اتشوفي الكثير من الحلويات تصنع بتلك القوالب واش أندير. بسيف لازم نستعملها رغم أني نعرف أضرارها. بصّح نستعملها فقط في الحلويات. الأطباق الأخرى لا لا . نستعمل الزّجاج.
إذا جيتي للحقيقة بما أنّك اتحدثتي عن الألمينيوم. ماشي غير الكاغط. قالوا أيضا الكاسرونات والقدرة والكسسكاس وزيدي وزيدي وزيدي. والقائمة طويلة . والبيئة أصبحت مريضة ونحن أكثر مرضا. أمراض العصر كثرت والأدويّة قلّت.

منال ومنير · 2015-01-04, 15:07

مساء الخير وشراكم وشراكي زوح مراد و ام حمزة والله راني مكورجيا بكم نحب نسمع اخباركم