الى ام اسيد1 وكل وحدة حاصلة واش الطيب

[غزالة الصّحراء]

المشاركة الأصلية كتبت بواسطة ام حمزة22

لبنات طبق اليوم هو تبيخة بالفول والجلبانة والقرنون
نحضر الدرسة نتاعنا كالعادة بفلفل دريس وثوم ولي ما خبتش الفلفل تقدردير غير الثوم نضيف لهاد الدرسة فلفل عكري وزيت
من جهة اخرى نفور الفول باه يطيب بلخف وما يكحلناش المرقة
بعد ما يدخلو طياب الفول نضيفو فوق الدرسة ونضيف عليه الجلبانة والقرنون ونمرق ونخليهم يطيبو
بعد ما يطيبو نضيف حفنة نتاع روز ونضيف حشيش مقطفة بعد 5دقايق او 10 نطفي وراه وجد الطبق
لي عودة بعد قليل بادن الله

اهلا بيك أم حمزة. ياربّ اتكوني بخير انت والعايلة أنتاعك.وشكرا لك على هذا الطبق الجديد.
صراحة لأوّل مرّة نسمع بيه. وراكي سخفتيني. بالخصوص لما قلتي حار ، أنا أنموت على الحار. ولمّا تتوفر الجلبانة والفول رايح أنجربو . باش أنجّد د اشويّ.
حبيت أنسقسيك. قلتي، بعد ما يدخلو طياب الفول نضيفو فوق الدرسة ونضيف عليه الجلبانة والقرنون ونمرق ونخليهم يطيبو، يعني الجلبانة والقرنون مايكونوش طايبين اشويا كيما الفول؟والحفة أنتاع الرّوز ثاني ماشي طايبة؟ ومقدرا أنتاع الماء بالتّقريب أشحال درتي.
يعطيك الصحّة.

[غزالة الصّحراء]

إلى ام حمزة 22 وكلّ العضوات . طبقي اليوم هو طعام باللّحم اليابس أو الجاف أنتاع العيد.
المقادير.
لحم يابس.( بعض القطع )
حبة بصلة مقطّعة شرائح.
حبّة بطاطا أو 2 صغيرات الحجم بقشورها مع غسلها غسلا جيّّدا.
لوبيا يابس الصّغيرة الحجم ذات العين السّوداء . وكلّ واحد كيفاش ايسميها.
الطريقة
نأخذ طنجرة نضع فيها لتر وربع من الماء + قطع اللّحم الجاف+ حبّة بصلة مقطعة شرائح+ حبات البطاطا+ اللّوبيا الصغيرة الحجم ذات العين السّوداء. نضيف للكلّ فلفل أسود+ القليل من الكمون+ الحبق+ ملعقة صغيرة طماطم مصبرة+ ملعقة كبيرة زيت. ونغلق الطّنجرة . والكلّ على نار متوسّطة. طبعا من لحظة لأخرى تفقدي الطّنجرة إذا كانت بحاجة لزيادة الماء فأزيدي. ولمّا ايطيب الكلّ خذي من جديد حفة الحبق. وارحيها بين أيديك وأضيفيها.
اتكوني فورتي الطعام. وطريقة تقديم المرق. كالتالي . خرجي أولا شرائح اللّحم + حبات البطاطا وقشريها . وضعي الكلّ في صحن خاص. + ملاحظة هناك أيضا من يضيف حبة بصل كاملة ويقدمها مع البطاطا واللحم . وأما المرق نسقيو بيه الطعام.
وبالصحّة والهنا عليكنّ جميعا. أتمنّى أن ينال الطبق إعجابكنّ.

[روح مراد]

شكرا غزالة
أنا منحبش اللحم و خاصة اللحم اليابس ريحتو ما نحباهاش بصحتكم ممكن يكون بنين راني نباتية علا بيها ما نحبش اللحومات
أم حمزة مبروك على أختك السكنة الجديدة أنشاء تتهنى فيها و تفرح فيها ربي يجعلها فاتحة خير عليها و على أولادها
باتي باتي على الأقل تبدلي شوية من الروتين تتفكري أيامات الصغر

[غزالة الصّحراء]

المشاركة الأصلية كتبت بواسطة ام حمزة22

لا شكر على واجب روح مراد
انا تان نموت على هاد الطبق خاصتا مثل ماقلتي كي يكون حار مع شوية زيت الزيتون واش نقلك

للاسف الصور ما حبتش تتحمل نروح نريح شوية من بعد نولي اليوم درت شوية حلوة لاختي فالغد بادن الله نروح نهنيلها على السكنة جديدة ونبات عندها ليلة

لي عودة مساءا بادن الله

بصحتكم أختي ام حمزة. مبروك على أختك السّكنة لجديدة . رايحين نتوحشوك. وفي نفس الوقت أمليح اعليك اتبدلي اشويا الجوّ . رحلة سعيدة. وسلمي لنا عليها وباركيلها في بلاصتنا. ربيّ يسعدكم ويخليكم لبعضاكم.

[غزالة الصّحراء]

المشاركة الأصلية كتبت بواسطة روح مراد

شكرا غزالة
أنا منحبش اللحم و خاصة اللحم اليابس ريحتو ما نحباهاش بصحتكم ممكن يكون بنين راني نباتية علا بيها ما نحبش اللحومات
أم حمزة مبروك على أختك السكنة الجديدة أنشاء تتهنى فيها و تفرح فيها ربي يجعلها فاتحة خير عليها و على أولادها
باتي باتي على الأقل تبدلي شوية من الروتين تتفكري أيامات الصغر

شكرا على الرّد أختي روح مراد. صحيح كاين ألي مايحبوش اللّحم. ايميلوا بزاف للخضر. واما عن بنّة هاذي المرقة بزاف أبنينة.خاصّة مع الفلفل الحار. أناثاني ماعندي حاجة في اللّحم . يهمني فقط الفلفل الحار .

[ام حمزة22]

[QUOTE=ام حمزة22;3992337269]لبنات طبق اليوم هو تبيخة بالفول والجلبانة والقرنون
نحضر الدرسة نتاعنا كالعادة بفلفل دريس وثوم ولي ما خبتش الفلفل تقدردير غير الثوم نضيف لهاد الدرسة فلفل عكري وزيت
من جهة اخرى نفور الفول باه يطيب بلخف وما يكحلناش المرقة
بعد ما يدخلو طياب الفول نضيفو فوق الدرسة ونضيف عليه الجلبانة والقرنون ونمرق ونخليهم يطيبو
بعد ما يطيبو نضيف حفنة نتاع روز ونضيف حشيش مقطفة بعد 5دقايق او 10 نطفي وراه وجد الطبق
واخيرا قدرت نحمل الصور
قلت اليوم ما نرقدش حتى نبعتلكم الصور

[nina mima]

السلام على الكل الحمد الله على سلمتكم من الزلزال ويعطيك الصحة على هذا الطبق يشهي

[غزالة الصّحراء]

[QUOTE=ام حمزة22;3992342197]

المشاركة الأصلية كتبت بواسطة ام حمزة22

لبنات طبق اليوم هو تبيخة بالفول والجلبانة والقرنون
نحضر الدرسة نتاعنا كالعادة بفلفل دريس وثوم ولي ما خبتش الفلفل تقدردير غير الثوم نضيف لهاد الدرسة فلفل عكري وزيت
من جهة اخرى نفور الفول باه يطيب بلخف وما يكحلناش المرقة
بعد ما يدخلو طياب الفول نضيفو فوق الدرسة ونضيف عليه الجلبانة والقرنون ونمرق ونخليهم يطيبو
بعد ما يطيبو نضيف حفنة نتاع روز ونضيف حشيش مقطفة بعد 5دقايق او 10 نطفي وراه وجد الطبق
واخيرا قدرت نحمل الصور
قلت اليوم ما نرقدش حتى نبعتلكم الصور

يعطيك الصّحة يا أم حمزة 22 الوفيّة لوعودها ياربّ أتكوني بألف خير. ماشاء الرحمن في مواضيعك. ومن خلال الصّور راني ألقيت الأجوبة على الأسئلة الي سبق وطرحتها عليك فيما يخص ا الطبق الشهيّ. يعطيك ماتتمناي.

[طائرة الشرق]

انا انضممت ليكم عندي مدة نجي نطل و نروح انا عروسة جريرة و كل يوم نحب نوع لراجلي و لقيتكم انتم رايعين ام حمزة و روح مراد

[*أم جابر*]

السلام عليكم ورحمة الله و بركاته و شراكم لاباس و الله توحشتكم و حتى واحدة ما سقسات عليا معليش !!!!انا كنت في دارنا علا بيها ما بنتش
كيفاش راكم مع الزلازل الله يجعل الخير و نسال الله اللطف و الرحمة بنا و الثبات اللهم امين
ام حمزة بارك الله فيك على الاطباق

[غزالة الصّحراء]

المشاركة الأصلية كتبت بواسطة ام اسيد1

السلام عليكم ورحمة الله و بركاته و شراكم لاباس و الله توحشتكم و حتى واحدة ما سقسات عليا معليش !!!!انا كنت في دارنا علا بيها ما بنتش
كيفاش راكم مع الزلازل الله يجعل الخير و نسال الله اللطف و الرحمة بنا و الثبات اللهم امين
ام حمزة بارك الله فيك على الاطباق

أهلا ومرحبا بيك أم أسيد الحمد للّه الي راكي بخير. وإن شاء اللّه الكلّ ايكونوا بخير. واللّه حتّى أم حمزة خلات الفراغ . هي كانت عند اختها لعزيزة يتذكروا ليام أنتاع بكري وحلاوة الحياة فيها وبنّتها. اللّه يحفظهم لبعض. وياربّ تدخل ومعاها كاش وصفة اجديدة. على بيها اتعطلت . وقيل راهي اتدير في كاش تحريات على كاش وصفة. المهم واللّه غير استفدت بزاف من صداقتكم كلّكم وبخصوص عضوات هاذي الصّفحة الرّاقيّة. وإن شاء اللّه أهلك ايكونوا بخير إنتي ثاني.

[ام سراج وملاك]

ام حمزة ربي يبارك اختي كل يوم نضرب طلة ونشوف نقول كشما نلقى جديد عند ام حمزة بارك الله فيك اختي رووووووووووووعة سخفتني باش نجربها

[ام سراج وملاك]

المشاركة الأصلية كتبت بواسطة غزالة الصّحراء

إلى ام حمزة 22 وكلّ العضوات . طبقي اليوم هو طعام باللّحم اليابس أو الجاف أنتاع العيد.
المقادير.
لحم يابس.( بعض القطع )
حبة بصلة مقطّعة شرائح.
حبّة بطاطا أو 2 صغيرات الحجم بقشورها مع غسلها غسلا جيّّدا.
لوبيا يابس الصّغيرة الحجم ذات العين السّوداء . وكلّ واحد كيفاش ايسميها.
الطريقة
نأخذ طنجرة نضع فيها لتر وربع من الماء + قطع اللّحم الجاف+ حبّة بصلة مقطعة شرائح+ حبات البطاطا+ اللّوبيا الصغيرة الحجم ذات العين السّوداء. نضيف للكلّ فلفل أسود+ القليل من الكمون+ الحبق+ ملعقة صغيرة طماطم مصبرة+ ملعقة كبيرة زيت. ونغلق الطّنجرة . والكلّ على نار متوسّطة. طبعا من لحظة لأخرى تفقدي الطّنجرة إذا كانت بحاجة لزيادة الماء فأزيدي. ولمّا ايطيب الكلّ خذي من جديد حفة الحبق. وارحيها بين أيديك وأضيفيها.
اتكوني فورتي الطعام. وطريقة تقديم المرق. كالتالي . خرجي أولا شرائح اللّحم + حبات البطاطا وقشريها . وضعي الكلّ في صحن خاص. + ملاحظة هناك أيضا من يضيف حبة بصل كاملة ويقدمها مع البطاطا واللحم . وأما المرق نسقيو بيه الطعام.
وبالصحّة والهنا عليكنّ جميعا. أتمنّى أن ينال الطبق إعجابكنّ.

يعطيك الصحة حنانقولولو خليع نديروه في شخشوخة نتاع طبرزام منعرف تسمعي بيها ولالا ونديروه ثاني في العيش بصحتكم اختي

[غزالة الصّحراء]

المشاركة الأصلية كتبت بواسطة ام سراج وملاك

يعطيك الصحة حنانقولولو خليع نديروه في شخشوخة نتاع طبرزام منعرف تسمعي بيها ولالا ونديروه ثاني في العيش بصحتكم اختي

أهلا بيك أم سراج وملاك . وشكرا لك على ردّك القيّم. لخليع نسمع بيه. بصّح حنونتي واش هو طبرزام؟ والعيش؟
اللّه ايخليك فهميني حبيت نتعلّم أكثر. شفتي حنايا و انتوما نستعملوا اللّحم الجاف. الشّي هذا معروف عن اجدادنا القدماء . والحاجة هي التّي أوجدته. منها انعدام الثّلاجات في ذلك الوقت . وخوفا من فساد اللّحم . وتدخيرا لفصل الشّتاء وقت الحاجة. ومنه أصبحت من عاداتنا وتقاليدنا ان نفعل ذلك. وما ألذّ الأطعمة التّي تقدّم بهذا النّوع من اللّحوم. واش رايك ؟

[روح مراد]

صباح الخير عليكم واش راكم
راني سقسيت كامل عليكم كل وحدة باسمها
أم حمزة قريب جيت نفطر عندك الخميس جزت من حومتك لوكان غير جيت نربح فطور باطل
غزالة راكي نورتي المنتدى و زدتي إضافات جديدة و العروسة الجديدة ربي يهنيك و إنشاء الله تكوني في القمة إذا طيبتي فقط أطباق أم حمزة
و المنتدى راهو مليئ بالأطباق غير ديري الكوراج و طيبي