الى ام اسيد1 وكل وحدة حاصلة واش الطيب - الصفحة 110

ام حمزة22 · 2014-12-23, 16:13

اقتباس:

المشاركة الأصلية كتبت بواسطة صدفات

أين أنتم يا بنات وين راكم أم حمزة المهم تصبحون على خير

رانا هنا صدفات

ام حمزة22 · 2014-12-23, 16:37

لبنات طبقي اليوم كنت قدمت من قبل راه فالصفحة82
لاكن اليوم بدلتلو شوية الطريقة
بدلا من نطيب الجاج فالطنجرة طيبتو في ساشي التحمير
و بدلا من ان نعمر الماء باه طيبلي الخضرة فالكوشة درت غير شوية ماء وغطيتها بورق السيلوفان وبعد ماطابت فتت الجاج ورجعت السنية للفور تزيد تجمر شوية

ام حمزة22 · 2014-12-23, 16:39

وينكم يا الغائبات ان شاء الله تكونو كامل بالف خير
ام هديل
ام سوهيل
ام ادم
تغرينية
نخلة
حنان
ان شاء الله المانع خير لغيابكم

زنجبيل11 · 2014-12-23, 21:33

الطبق رائع ام حمزة
ممكن تتبيلة الدجاج
و الخضر حطيتي البسباس و الجزر
فعلا الطبق يبان بنين يعطيك الصحة و ماكول الهنا

صدفات · 2014-12-24, 09:01

صباحكم سعيد يا بنات بلادي و كل من يحب منتدى الجلفة لي ألف بين قلوبنا رغم البعد و الماسافات
ما تستغربيش أم حمزة البارح تأثرت بك و بالخوف نتاعك من الزلزال بايتة معاك في منام ربي شفت أنا و أنت تلاقينا
في مدرسة أولادنا و قاتلي بنتي هذه هي أم حمزة صحبتك قلت لها واه جابت بنتها تقرى عندنا إن شاء الله خير

غزالة الصّحراء · 2014-12-24, 10:24

اقتباس:

المشاركة الأصلية كتبت بواسطة ام حمزة22

سلام
لبنات واش راكم
انا والله راني مدبدبة مازالت فيا الخلعة نتاع الزلزال
ان شاء الله تكونو كامل بالف خير بالخصوص لي ساكنين فالعاصمة والبليدة
غزالة ان شاء الله تكوني بخير اضن انك في البليدة وسمعت ان ناس البليدة راهم كامل فالخارج
ربي يستر الجميع

ألف سلام أم حمزة وكلّ العضوات. ايسقسي عليك الخير أم حمزة رانا ابخير وإن شا الله كلّ الجزائريين ايكونوا دايما بخير.
واللّه كثرة الشّغل هو ألي خلالي مادخلتش.

غزالة الصّحراء · 2014-12-24, 10:37

اقتباس:

المشاركة الأصلية كتبت بواسطة صدفات

مساء الخير للجميع
أم حمزة و كل لبنات ليسكنو في العاصمة ما تخافوش و ديرو ربي في خاطركم و إنشاء الله ما يكون حتى شئ
غزالة الصحراء حبيبتي ما شاءالله وليداتك كبار سلكتيهم أنا كنت حاسباتك طالبة تقراي

مساء الأنوار. الحمد للّه على سلامة الجميع.
أختي صدفات أنا ثاني مريّت بمراحل اصعيبة في تربية أولادي. بصّح هذاك الوقت عاونتني اعجوزتي اللّه يرحمها في تربيتهم. انخليهم عندها وكلّ اشغل أنتاع الدّار وبرا طايح على راسي . بصّح في خاطر أولادي الغاليين اتحديت كلّ شيّء . والحمد للّه اليوم ولاو ماشاء اللّه فيهم. وبصّح صراحة التقلاق أنتاع الأمّ دائما موجود . حتى اليوم ألي يصبحوا بولادهم. نتقلقوا عليهم. جرّبت في روحي. لمّا تتّصل بي الأم أنتاعي وتسقسي على أخبار ي. اتقولي دائما : أولادك واش راهم. حتّى لما يصبحوا بأولادهم أكيد رايح أتقول لي : أولاد أولادك واش راهم.؟؟؟
عندك الحّق لما احسبتيني طالبة . لأنّ أوليدي لكبير بسلامتو هو ألي سجّل في المنتدى باش يستفيد من الدّروس . وقال لي لازم أنخليهولك لمّا أنروح للجامعة. ولهذا راني نستفيد من هذا التّسجيل. إن شاء اللّه كاليوم اتسلكي أنتي ثاني اولادك. بصّح لازم المتابعة ثمّ المتابعة.ثمّ المتابعة. أنا دئما نحسب روحي كالرّاعي وهما كالغنم. دائما أنعس عليهم من أذى المحيط الخارجي. ربّي يحفظهم لي ويسترهم من كلّ أذى ويحفظ كلّ أولاد النّاس.

غزالة الصّحراء · 2014-12-24, 10:49

اقتباس:

المشاركة الأصلية كتبت بواسطة ام حمزة22

لبنات طبقي اليوم كنت قدمت من قبل راه فالصفحة82
لاكن اليوم بدلتلو شوية الطريقة
بدلا من نطيب الجاج فالطنجرة طيبتو في ساشي التحمير
و بدلا من ان نعمر الماء باه طيبلي الخضرة فالكوشة درت غير شوية ماء وغطيتها بورق السيلوفان وبعد ماطابت فتت الجاج ورجعت السنية للفور تزيد تجمر شوية

أم حمزة الغاليّة واللّه غير هذا الطّبق ألي عملتو البارح. بصّح بطريقة أخرى . يارب تعجبكم وهي.
البصل والثوم وصدر دجاج + الحمص + الجزر + الزّيت. أنرابي حبّة طماطم دون إضافة الملح لأنّ الدّجاج سبق وملحتو. دون مانقلي الكلّ . النّار تكون خفيفة. والكّل رايح يطلق الماء . انخلي الكلّ ايطيب . ولمّا أنحسّ بطيابو نأخذ كأس مملوء بالماء + طماطم مصبّرة + فلفل أكحل + فلفل حار مرحي. احنا انحبوا الحار + قليل من الملح إذا كان ناقص + قليل من الكمون + وحد التوابل خاصّة بالدّجاج . والكلّ داخل الطنجرة.
في نفس الوقت أنفوّر البطاطا مع البسباس. ولما اتطيب لاصوص . وتطيب البطاطا مع البسباس نأخذ مول أنتاع الفور والكلّ بعد التّستيف والترتيب إلى الفور . ونزيّن الكلّ بالمعدنوس. ولي اتحب الفرمجاج اترابي أشويا من الفوق.
ملاحظة . صحيح الأكلات المقليّة عندها طعم لكن في نفس الوقت الاكثار منها فيه خطر. على الصحّة . ولهاذا مرة على مرّة لازم نتخلاو على القلي.
ونفس الطّريقة مع اللّحم . دائما اتنقصي للنار . والكلّ يطلق الماء، وفي هذا الأخير يطيب كلّ شيئ. وإذا دعت الضّرورة أضيفي فقط القليل من الماء.

روح مراد · 2014-12-24, 12:03

سلام أخواتي العزيزات واش راكم
أم حمزة إن شاء الله تكون راحتلك الخلعة ولي كيما أنا جوزت زلزال بومرداس على المباشر و لكن من ثم رجعت ما نخافش كامل

tahiya · 2014-12-24, 12:25

شكرا جزيلا سلمت يداك اختي.

ام هاديل وياسين · 2014-12-24, 12:32

السلام عليكم
ان شاء الله راكم بخير والحمد لله كي جاتكم سلامات ام حمزة يسال عليك الخير حبيبتي

سلامي لكل البنات كل وحدة باسمها صحا فطوركم

ام حمزة22 · 2014-12-24, 13:02

سلام
صبتحكم سعيد ويومكم اسعد
حبيباتي شكرا على السؤال يسقسي عليكم الخير

صدفات ان شاء الله خير وهادا يدل على محبتنا لبعضنا البعض ربي يدومها وما نتحرمش من طلتكم عليا

روح مراد زلزال بومرداس كان كارثة وما تتنساش ربي يتبتنا برك

غزالتي الحمد الله كي راكي بخير وعلى خير
وطريقتك اخت طريقتي برك انا مانفورش الخضرة نحطها طول فالبلا ونطيبها لربح الوقت

مرحبة بيك تحية نورتي الموضوع سعدت بمرورك

اختي زنجبيل الدجاج ما نديللوش التوابل برك ملح وفلفل اكحل
والمكون الرئيسي لهاد الطبق هو البسباس نضيفلو جزر وبطاطا وطماطم راه طبق رااااااااائع وبنييييييييييين ولادي وزوجي ربي يحفضهم ياكلو ويعاودو ويشكرو

ام هديل عسلامتك هدي غيبة يسقسي عليك الخير حبيبتي ان شاء الله انت تان تكوني بخير

ام حمزة22 · 2014-12-24, 13:15

لبنات طبق اليوم هو تبيخة بالفول والجلبانة والقرنون
نحضر الدرسة نتاعنا كالعادة بفلفل دريس وثوم ولي ما خبتش الفلفل تقدردير غير الثوم نضيف لهاد الدرسة فلفل عكري وزيت
من جهة اخرى نفور الفول باه يطيب بلخف وما يكحلناش المرقة
بعد ما يدخلو طياب الفول نضيفو فوق الدرسة ونضيف عليه الجلبانة والقرنون ونمرق ونخليهم يطيبو
بعد ما يطيبو نضيف حفنة نتاع روز ونضيف حشيش مقطفة بعد 5دقايق او 10 نطفي وراه وجد الطبق
لي عودة بعد قليل بادن الله

روح مراد · 2014-12-24, 13:28

شكرا ام حمزة على الطبق اللذيذ طبيخة أنا نموت عليه خاصة إذا كان فيه شوية حار أو هريسة مممممممممممممممممممم طبقي المفضل

ام حمزة22 · 2014-12-24, 13:42

لا شكر على واجب روح مراد
انا تان نموت على هاد الطبق خاصتا مثل ماقلتي كي يكون حار مع شوية زيت الزيتون واش نقلك

للاسف الصور ما حبتش تتحمل نروح نريح شوية من بعد نولي اليوم درت شوية حلوة لاختي فالغد بادن الله نروح نهنيلها على السكنة جديدة ونبات عندها ليلة

لي عودة مساءا بادن الله