صابلي بكريمة الزبدة روووووعة لعيونكم غالياتي

[ام اماني77]

بسم الله الرحمان الرحيم

السلام عليكم اخواتي


وصفة اليوم عبارة عن صابلي بكريمة الزبدة وصفة اقتصادية وساهلة والاهم ذوقه اكثر من رااااائع كنت عملتو عند رجوع والدي الغالي من العمرة كاااامل عجبهم وطلبوا الوصفة .


https://

المقادير:

العجينة:

500غ مرقرين
كاس سكر رطب
2بيض
كاس نشا
1خميرة
فاني
فرينة

كريمة الزبدة:
علبة زبدة ستار(200غ)
كمية من العسل الاصطناعي
كمية من السكر الرطب
كمية من حلوة الترك اختياري
فاني
ملون وردي

للتزيين :

كاوكاو محمص ومرحي خشين
سكر رطب

الطريقة:


اولا نحضر عجينة الصابلي


بواسطة الخلاط الكهربائي نخلط المرقرين مع السكر الرطب جيدا نضيف البيض ونستمر في الخلط واخير الفاني والخميرة والنشاء ونشيح بالفرينة حتى نتحصل على عجينة متماسكة ماتكون طرية بزاف ماتكون قاسحة نغطيها ونخليها ترتاح في الثلاجة .

بعدها نرش طاولة العمل بشوية فرينة ونبسط العجينة ونقطع دوائر تكون صغيرة شوية

https://

ندخلها للفرن تطيب من تحت من بعد نشعل عليها من فوق مالازمش تحمار بزاف مالازمش تبقى بيضا هكذا


https://

نخليها تبرد في هذا الوقت نحضر كريمة الزبدة بواسطة الخلاط الكربائي نخلط زبدة ستار مع كمية من السكر الرطب وكمية من العسل وزوج م ك حلوة ترك والحلاوة على حسب الذوق وفي الاخير نضيف الفاني وملون وردي ونحرك

https://

نلصق كل زوج حبات صابلي بشوية من الكريمة لي حضرنا

https://

من بعد ندهنها ساير داير بكريمة الزبدة يعني من فوق ومن تحت وعلى الاطراف ونحطها في الكاوكاو المرحي


https://


نغطي الحبة كامل بالكاوكاو

https://


بعد مانكمل كل الكمية نرش عليها القليل من السكر الرطب ونحطها في ليكيسات ونقدمها


https://



https://



https://








هذا شكلها من الداخل الكريمة مع الكاوكاو وعجينة الصابلي امممممم ولا اروووووووع


https://


نتمنى تجربوه حبيباتي راه سهل ويقطع كمية مليحة وذوقه اممممممم ولا تنسوني من صالح دعائكن ولكن بالمثل

في امان الله