مساعدة الدهان القديم

mzzmimi · 2012-05-08, 13:37

السلام عليكم و رحمة الله و بركاته حبيت نسال عن طريقة صنع الدهان القديم الي بالزبدة تاع البقر الي تعرف تعلمنا راه يجي مع الشخشوخة و الكسكسي رائع الرائحة و المذاق لا يقاوم انا في الانتظار هيا اسالو جداتكم و امهاتكم

hanaa zahra · 2012-05-08, 17:50

نذوبوا الزبدة فوق النار ثم نفرغها في اناء غامق به ماء ونتركها قليلا حتى تتماسك ثم نصفيها من الماء جيدا ونضيف لها كمبة من الملح الخشن ونضعها في بلارة زجاجية.وبالهناء والصحة.

سيرينا لبنينا · 2012-05-08, 18:32

نذوبها وننزعو الرغوة والماء نحطولو شوية ملح وخليها في بلارة لمدة حتى تولي عندو الريحة المميزة. هذا مكان.

mzzmimi · 2012-05-08, 19:12

شكرااااااااااااااااااااااااااا بارك الله فيك

ايناس55 · 2012-05-08, 23:25

salam merci 3la lmawdou3 hta ana kont nhawass 3lih

♥كاتمة الأحزان♥ · 2012-05-09, 15:52

اقتباس:

المشاركة الأصلية كتبت بواسطة hanaa zahra

نذوبوا الزبدة فوق النار ثم نفرغها في اناء غامق به ماء ونتركها قليلا حتى تتماسك ثم نصفيها من الماء جيدا ونضيف لها كمبة من الملح الخشن ونضعها في بلارة زجاجية.وبالهناء والصحة.

شكــــــــــــــــــــرا لك

hanaa zahra · 2012-05-10, 10:18

ملاحظة فقط عند الاستعمال يجب ان نذوب السمن على النار حتى ننزع منه الملح الزائد .

ام ظافر · 2012-05-10, 14:22

شفت تاع الصحراء يعملوه بطريقة رايعة
يغليوفيه الدشيشة ومن بعد يصفيوها وهذيك الدشيشة يطيبو بيها واش يحبو من بعد المهم دورها في الدهان انها تمتص كامل الماء لدرجة انها تتنفخ شوي ( الدشيشة هنا تاع الزرع او الشعير يعني ) الي يعملوها في الحريرة
ثم يحطولها شوي من الكليل والزعتر ويخليوها طيب مليح حتى تكتاسب لون مائل للاخضر ويخبيوها بعد ما يصفيوها
والله طعمتها لاتنسى
ومن بعد غير شوي منها ويزيدولها شوي سمن حتى يفوحو بيها الكسكس لانها قاوية والكغ ب 200 الف يحكملك مدة طويييلة
ملاحظة يعملوها بكثرة من دهان النعجة

هباهبا · 2012-05-10, 14:41

اختي كي نحيو الزبدة من البن نديرولها الملح ونخبيوها في بلار
وكل مرة هكاك لازم نديرولها الملح قبل ما نذوبوها حتى نلمو كمية كبيرة
ونذوبوها على النار كي دير الرغوة هاديك واللي هو الملح الي حطيناه منقبل
انحيوه بالمغرف كامل مانزيدوش نديرولها الملح
لأنو تبقى فيها شوية طعم الملح
وتخبيها في الثلاجة وتبداي تستعملي فيها نورمال
لأن هذاك الطعم والرائحةراهي تكتسبهم في الفترة ألي كانت فيها الملح على خاطر في هذه الفترة ماتتخباش في الثلاجة
واتمنى انك فهمتي عليا
و بالتوفيق

mzzmimi · 2012-05-12, 15:33

شكرااااااااا لكن اخواتي ربي يعطيكم ما تتمناو

ommido · 2012-05-13, 21:55

Salam kont haba njawbek mais lebnat ya3tihom saha kamo belmohima