ملاحظتي الغريبة, و جاوبوني أخواتي

[أنا أمهم]

المشاركة الأصلية كتبت بواسطة ام دودة

مشكورة اختي انا امهم تعرفي انا نطيب ونصور والميكرو تاعي معمر لالاكلات والقاطو ولاني نخاف اوراجلي خوفني من هاذ الامور مانقدر نبعث والو من الصور نكتب برك خفت يلعبولي بالميكرو ونولو في حوايج كبيرة مانكذبش عليك نخاف من هذه الامور لانه ماكانش ثقة مانقصدش تاع المنتدى نقصد الطفيليين الاخرين ولا واش رايكم راني غالطة

مرحبا بيك أم دودة, ان شاء الله تكوني في أحسن حال عزيزتي, و الله حتى انا خايفة من الطفيليين خاصة بعد ما عملت عليهم هذا الموضوع لا يبعثولي فيروسة ههههههههههههههه ربي يستر هههههه. و بالنسبة لتحميل الصور انا نستعمل الفيسبوك , يمكن هو أضمن طريقة للتحميل.

المشاركة الأصلية كتبت بواسطة ام دودة

اختي انا امهم من موضوعك عرفت بلي نرجس دخلت بالاسم هاذاك باه تعايرني برك يعني دخلت باسم تقدري تقولي مستعار باه دير فيا رايها لانها تهدر بطريقة تاع واحد يعرف واحد وقلبه معمر عليه لانه في هاذاك الوقت تقريبا ماعندها حتى موضوع وهي ذرك راهي بيناتنا باسم اخر دارت رايها وقعدت
مع العلم انها كي كانت تدخل اللي شاكة فيهم يدخلو معاها في نفس الوقت
اين الادارة عليها الحزم وتشديد عملية التسجيل
انا نحب نشارك بالصور بصح نخاف علاه الفايسبوك نقدر ندير تصاور وهنا لا

كيما قلتلك انا الصور اللي نحطهم, نكون مسجلتهم في الفيسبوك و نجيبهم من غادي. أما بالنسبة لنرجس يمكن هي تعرفك شخصيا لكن يمكن هي انسانة طبعها هجومية على الناس الكل (ما تنساش اللي هي هاجمتني انا معاك هههههههههههه, اما انا ما رديتش عليها ولات طفات روحها معايا)
ربي يهديها , و انت حاول تنساها , تبارك الله في المنتدى هذا أغلب العضوات حبوبات و يستاهلو الصداقة و الأخوة.

المشاركة الأصلية كتبت بواسطة ام دودة

تعرفو الصباح دخلت للمنتدى شحال تنرفيت البارح ماشفتش واش كاين جديد كي رحت لقسم المعجنات لقيت زوج اعضاء بايتين لنص ليل وهوما يطلعو في وصفاتهم ومالقيت والو جديد في الصفحة الاولى كلش في الثانية والثالثة
بزاااااااااااااااااااااااااااااااااااااااااااااااا اااااااااااااااااااااااااااااااااااااااااااااااف

ههههههههههه انا كي نلقاهم متصدرين في الصفحة الأولى , نولي عن قصد نرفع مواضيع الأخوات باش مواضيعهم تنزل ههههههههه حتى ضهري ولى يوجع ههههههههه, هزو معايا شوية هههه

[أنا أمهم]

المشاركة الأصلية كتبت بواسطة meriama13

عندك الصح فواش قلتي حتى انا لاحظت مي التحميل ممنوع عندي راني درست اعلام آلي و عارفة خطر التحميل
و كاين لي غير من نات و كوبي كولي انا نحوس على الوصفات المجربة
و شكرا ليك على لفت الانتباه لباقي االعضوات

شكرا على التأكيد يا مريومة

المشاركة الأصلية كتبت بواسطة khouloud 27

انا والله ما فقت بحاجة بالاك علاخاطرش
راني جديدة هنا مي عندك الصح درت
موضوع هنا حطيتو في الليل الغدوة
والله غير لقيتو في الصفحة 4
حطمولي معنوياتي مين مالقيتش
ردود واش نقولو الله يهديهم

الله غالب هذا حالنا الكل عزيزتي خلود

المشاركة الأصلية كتبت بواسطة himanlogine

الحمد لله نحسب روحي غير انا لي حاسة بهذا الشي تخيلو وليت نمل كي ندخل و نصيب مهزلة كيما هذي وقيلة غارو منا كي كلاسا المنتدي تاعنا المرتبة الاولي الله يهديهم لازم نديرو حملة هكا باش يرجع منتدانا الغالي كيما الاول

و الله يا أختي حتى انا لاحظت اللي الظاهرة هذه كثرت من وقت اللي منتدى الجلفة خذا المرتبة الأولى. يا ربي الإدارة تتصرف و تلقى الحل.

[أنا أمهم]

المشاركة الأصلية كتبت بواسطة omrami

ih walah ana sratli hata blokawli mikro rabi yahdihom

ربي يهديهم, أغلب العضوات هلكولهم الكمبوترات متاعهم , و عملو صورة خايبة للمنتدى بصفة عامة.

المشاركة الأصلية كتبت بواسطة hamida2012

و الله يا ختي غير عندك الحق منين ندخلو نلقاوهم مستعمرين المنتدى حتى عدت ساعات ما نحبش ندخل نلقاهم غير هما
اما على الفيروسات راني زبلتها مع الميكرو و زوجي حار منين هاذ الفيروس حتى قريت موضوعك باه فقت بلي من ثم
جزاك الله خيرا على التنبيه عزيزتي و نرجو من الادارة اتخاذ موقف

شفت يا حميدة, بكلنا نعانيو من هذة المجموعة, تقول فرنسا رجعت هههههههههههههه

المشاركة الأصلية كتبت بواسطة الواثقة بالله 23

بارك الله فيك اختي انا تاني هبلت منهم و من مواضيغهم و كان عندي احساس بلي راهم كل نفس الشخص لكن المفروض الاداريين تاع المنتدى ينتبهو لاعضاء كيما هدو و يشوفو معاهم حل لانهم بالفعل صمتولنا قسم الحلويات خاصة

الله يهديهم هذا ما كان و شكرا لك على الموضوع جاء في وقتو و ان شاء الله الاداريين يهتمو بيهم كما ينبغي

و أخيرا لقيت شكون عنده نفس الشك اللي هوما شخص واحد متخفي ورى عدة أسماء, ان شاء الله الإدارة تشوف هذا الموضوع و تتصرف معاهم.

المشاركة الأصلية كتبت بواسطة salima14

والله كاينة منها واللي نكرها بزاف اللي تحط صورة الحلوة
وتقولك إذا عجبتكم نحطلكم الوصفة :dيومين ونتي تستناي
فيها حتى تحصد 20رد ههههههههههههه

و الله يا سليمة حتى انا ما نحبش الطريقة هذيكة, لكن الظاهرة الجديدة اللي قتلك عليها راهي أخطر برشة!!!!!!

[أنا أمهم]

المشاركة الأصلية كتبت بواسطة سيرينا لبنينا

يعطيك الصحة على مجهودك

والله ماتولهت بصح الحمد لله الي ولهتينا أختي.

الله يخليك أختي.

و الله يا أختي أنا كتبت هذا الموضوع غيرة مني على هذا المنتدى اللي يمثللي حاجة كبيرة في حياتي

المشاركة الأصلية كتبت بواسطة *ام رامي*

واش نقولك يا حبيبتي واش نقولك
انا راهم طلعولي السكر
كنت نفكر نشكي بيهم للادارة
يردوا على مواضيعهم في اليوم اربع مرات وديما محتلين الصدارة
وما يخلوش المواضيع الجديدة تاخذ نصيبها في الظهور في الصفحة الاولى باعتبار ان جميع العضوات لما يدخلوا يحبوا يشوفوا الجديد في الصفحة الاولى
وهم شخص واحد صدقيني الظهور نتاعهم ديما يكون في نفس الوقت
يعني شخص يفتح المنتدى مرتين او ثلاثة ويشارك باسماء متعددة
الله يهديهم لازم تشوف لهم الادارة حل هاذوا المخربين هم في حد ذاتهم او هو في حد ذاته فيروس للمنتدى

مرحبا بيك عزيزتي أم رامي, حتى انت عندك نفس احساسي اللي هوما شخص واحد !!!!!!
ربي يهديهم و الله انا شاكة اللي هوما يقصدو اضعاف المنتدى و تشويهه
بالله اللي يلقاهم شاددين الصدارة يرفع مواضيع باقي العضوات حتى يبعدهم من الصفحة الأولى

المشاركة الأصلية كتبت بواسطة goumar

عندكم الحق اخواتي لكن السؤال يبقى مطروح اييييييييييييييين المشرفين و الاداره من كل هذا

شوفي عزيزتي احنا هنا نعبرو على راينا و في الأخير نقولو للإدارة تشوف تقلقنا منهم و تعمل حل, ادعي ربي باش الإدارة تحس بينا هههههههههه

[أنا أمهم]

المشاركة الأصلية كتبت بواسطة بنت الحاج

السلام عليكم أختي الكريمة "أنا أمهم"
بارك الله فيك على هذا التنبيه
أنا والله ما كنت حاطة البال وكي قريت موضوعك رحت نشوف ماشي لأني ما صدقتكش ولكن باش نعرف شكون هاذ الأعضاء المتطفلين وتلاقيت كلامك كله صح 100%
خصوصا ردودهم الباردة يعرفوا غير شكراااااااااا تسقسيهم سؤال يقولك شكرااااااااااااااا
تقوليلهم ما عرفتش طريقة التحميل يقولك شكرااااااا بزااااااااااااااااف
هههههههههههههههههه
والله البارح عندي ما ضحكت ولقيت روحي حاطة ردود في مواضيعهم ولكني عمري ما تنحشالي بعفسة تاع حمّل من هنا
الحمد لله الجهاز في مأمن من هاذ العبث الصبياني
وننصح كل الأخوات ينتبهو من مثل هاذ المواضيع المفخخة وبتنصيب أنظمة حماية فعّالة
على فكرة أختي الكريمة والله أخذتني العزة بالاثم كي شفت شا داروا فيكم ههههههههههه
وأزلت كل مشاركاتي من مواضيعهم ولوكان لقيت كي نقلع كلمة شكرا كنت ما نخليهاش
أنا دايما كي نلقى أعضاء جدد نبغي نشجعهم ونمدلهم نقاط بشكرا بصح صايي البقرة الحلوب نشفت ما نزيدش نديرها حتى نتأكد من العضو
والله خصرولنا النية حتى وليت نشوف تاريخ التسجيل في المنتدى للعضو.
طولت عليك أختي
نرجع نقولك الله يجزيك كل خيروشكراااااااا بزااااااااااااااف على قولتهم هههههههههه

أضحك الله سنك يا بنت الحاج و يخليلك الحاج تاج على راسك.
بصراحة خفة دمك خلاتني قريب نموت بالضحك هههههههههههههههههههه و انت بالذات نحب ردودك أطول من هكه هههههههههههههه
عجبتني خاصة البقرة الحلوب اللي نشفت هههههههههههه و شكرااااااااااااا بالزااااااااااااااااااااااااااف أختي

[أنا أمهم]

المشاركة الأصلية كتبت بواسطة hakim3148

احيي فيكم هذه الغيرة القوية حقيقة انا تجولت في عدة منديات مغربية وجدتها روعة فاخذتني الغيرة على بلادي وقلت احنا علاش ما عندناش منتديات صادقة وهادفة مثلهم بقيت نبحث في المنتديات الجزائرية فشدني اول مرة منتدى الجلفة وجدته رائع اصبحت نشرب قهوتي امام الميكروا ونبدا نحمل منوا كيما قالت ام اسامة حتى تعمر فيروسات وفسد وزعفوا عليا ابني وزجي قالولي انت دائما تليشارجي عمرتيه فيروسات عاودوا فرماطاوه وهذه الايام راني كلما نجي نفتح المنتى اما نلقى مشكل مايفتحش مانيش عارف من المنتدى او الانتلرنت ولما يفتح نلقى نفس الاطباق تدور يعني مكانش جديد راني بديت نمل راحلي ذاك الشغف للمنتدى وجديده ارجوكم صيبوا حل

و الله بالرغم من اني لست جزائرية الا اني اخترت هذا المنتدى لأني حسيته يعوض عليا العائلة في الغربة و الله على ما أقول شهيد, حبيت الأخوات و مواضيعهم و محبتهم لبعضهم و حب الخير اللي يجمعهم
كانت جودة المنتدى هي الحاجة اللي تميزو , خسارة من وقت اللي دخلو هالجماعة أثرو تأثير سلبي كبييييييييييييييييييييير
محاولتي هذه هي نتيجة لمحبتي الكبيرة و غيرتي عليه.


بالله لا تخذلونا, يا إدارة شوفلنا الحل!!!!!!!!!!!!!!!!!!!!!

[أنا أمهم]

ارفعو معايا مواضيع الاخوات اللي يجتهدوا , بهدف انزال مواضيع الجماعة للصفحات الأخيرة

[بنت الحاج]

بارك الله فيك أختي الكريمة والله يخليلك الناس اللي تبغيهم
إن شاء الله نتعاونوا جميع في رفع المواضيع الهادفة للصفحة الأولى وربي ياخذ الحق في هاذوك الميرسي بزاااااااااف
يعياو ما يديروا والتالية ما يبقى في الواد غير احجارو
ربي يعطيك ما تتمناي وابقاي هاكة دايما متألقة بمواضيعك.
هاذ الضحكة مهداة ليك:

[*أم ثازيري*]

والله انا تاني رماركيت الوصفات المنقولة و المواضيع الجايحة لي معندهاش فايدة.
شكرًا انا أمهم على هذه المبادرة ان شاء الله المشرفين يعطيوهم الحس هههههه

[*سماح 94*]

سلام اختي بارك الله فيك على ما تبدلينه وجعله في ميزان حسناتك
اختي وتاش رايكم كون نحطو شكوى في قسم الشكاوي راهو قسم خاص وما يقدر يشوف الموضوع غير صاحب الشكوى والادارة
بالاك يتولهو ويديرولنل حل رانا كرهنا

[ام شرفو]

شكرا يا اخت فعلا يجب حماية هذا المنتدى اللي عندو افضااااال كثيرة
انا لاتية بامتحانات اولادي لذلك لم الاحظ ذلك
واحد المرة جات واحدة حابا تبيع وصفة سحرية لانزال الوزن وتاكدت بلي حابة تكلخلنا حاربتها حتى خرجت من المنتدى
لذلك افترح كل واحدة تبعث للادارة الاسماء و نعملو قائمة سوداء
ونشجعو اخواتنا المجتهدات اكثروا من الردود

[بسمة محبة]

السلام عليكم ورحمة الله و بركاته


شكراا لك أختي لي حطيتي هذا الموضوع لأني أنا تاني لاحظت هذه الحالة لي مش مليحة خلاص خلاصوالله راهم جماعة أجشار حابين يدمرو سمعة منتدانا الغالي ان شاء الله نرسلو طلب للإدارة باش يحضروهم نهائيا و ربي يجيب الخير ان شاء الله

[بنت الحاج]

السلام عليكم أختي الكريمة أنا أمهم
لعلك لاحظت اختفاء البعض من تلك المواضيع كما لاحظت أنا وبعد استكشاف الأمر وجدت أن البعض منها أغلق والبعض الآخر أصبح صاحبه عضوا محظورا ؛ إن شاء الله نتخلص منهم جميعا ولكن مع أخذ الحيطة والحذر فربما يعودون من جديد تحت أسماء أخرى وبطرق مغايرة.
والله لولا موضوعك لما انتبه أحد منا لذلك
جعل الله كل ما فعلتيه في ميزان حسناتك

[omrami]

walah na3yaw hna nharbo fihom whoma yaralbona mafhamch 3lach ydiro hak
ana rani jdida m3akom wlahadt hadal chi rabi yahdihom

[ام خديجة1]

السلام عليكم ورحمة الله وبركاته
كيفكم حبيباتي وكيفك حبيبتي انا امهم
اشكرك كل الشكر لتفجير المشاعر التي كنت احس بها كلما دخلت للمنتدى والله شيئ عجيب
العضوات الاصليات وبنات صيل يبدلو في المجهودات نتاعهم في اثراء المنتدى واخرين يتلاعبون بمشاعرهم الفياضة
انا عن شخصي كنت افضل منتدايا الغالي ولكن بعد كل التقارير اللي بعتها مند شهرين تقريبا عن هذه المهزلة لم تكن في الحسبان
احب الوصفات المتعلقة بنا ونحب الوصفات الاجنبية والشرقية ولكن ليس بهذه الطريقة السوقية
الحمد لله كي تدخلت الادارة
والله كنت نعسر نحط موضوع وفي الاخير يروح هكدا حتى عدت نتهرب لمنتديات اخرى غير بسبب هذا المشكل
الى كل العضوات والمشرفات هذه مسؤوليتنا جميعا للحفاظ على نظارت وجمالية المواضيع في المنتدى يجب على كل واحد يدخل روحو باش ما نسمح بمثل هاته المهزلة العودة
الم تلاحظو غياب معظم العضوات بسبب هذا المشكل
اين انتن يا حبيباتي عدن الى منتدانا ورجعوه احسن من الاول