خليةالنحل من مطبخي

ابتغي الجنة · 2012-04-30, 14:43

السلام عليكم واش راكم توحشتكم وتوحشت المشاركة
ف المنتديات بصح الله غالب مشغولة

اكيد راكم سمعتو بهاد الحلوة ولا شفتوها ف المنتديات
انا فضولا قلت والله نجربها ومن اول مرة الله يبارك جاتني تحفة
تاكلي صبعتيك ويديك كامل موراها
اكيد هاد الحلوة تعجب عشاق البريوش و العجاجن كيما انا

راني وليت اسكتو برك نسمن ونزيد
ليت الرشاقة تعود يوما فاخبرها مافعلته السمنة بيا ههههه
افففففففففففففففف شحال تهدري ايا خلاص

الحلوة هادي راكم تلقاوها بزاف وصفات للعجينة وغالبا يديروها بعجينة 10 دقائق
بصح انا عجينة 10 دقائق نحب نديرها ف المملحات
اما حاجة حلوة فنختار عجينة من عجينات البريوش لحلوة و كاين بزاف الوصفات
المهم تاخدي اي عجينة موالفة تخدمي بيها تكون تخمر
خليها تخمر مليح يتضاعف حجمها بزاف
اموبعد كسريها
وديريها كويرات صغار

اافتحي كل وحدة واحشيها بالشيكولة اي نوع تختاري انا كانت عندي نوتيلا وجربتها مرة بالمعجونة جات تاني بنبنة
ستفيها في سنيوة بهاد الطريقة وخلي بيناتها شوية فراغ لانها تخمر ويزيد حجمها
ادهنيها بصفار البيض ورشي عليها الجلجلان السمسم

خليها شوية ربع ساعة تقريبا ودخليها ف الفرن
ربع ساعة لولة تكون النار متوسطة باش تخمر مليح وتطيب يعني لعجينة تنشف مليح كي تشوفي طلعت مليح زيدي النار باش تحمار كي تخرج مباشرة اسقيها بشوية سيرو تقيل ماشي تغرقيها لالا شوية باش يجي لونها شباب
شوفيها راهي تتشوط ف الفرن مسكينة

دوكة سيداتي وسادتي راح تخرج لعروسة مالفرن
خخخخخخخخخخ كنت في قسم لعرايس مازالي متاثرة هههه

يويو يويو يويو

يويو يويو

لولاوي معايااااااا

ههههههههههههههه راهي حشمانة ماقدرتش تخرج
هههههههههههههه

وهادي باش تريg وو ملييييح

جربوها وادعولي ربي يحفظ هاد المتتبعة الجديدة لمنتديات الجلفة ههه حنونتي الصغيرة

salima14 · 2012-04-30, 14:50

يعطيك الصحة تشهي و ربي يخليلك هاذ الوردة و يفرحك بيها

مريم07 · 2012-04-30, 15:15

روعة الله يبارك اختي اعطيني العجينة

ايام متمردة · 2012-04-30, 16:52

بدون مجاملة اختي الغالية والطيبة ومن خلال حديثك ظهر ذلك
رائعةةةةةة وطريقة تقديمك اكثر روعة وجمالا وجذبا
بارك الله فيك وجعل المتتبعة الجديدة ذخرا لك

zahra ayoub · 2012-04-30, 18:12

السلام عليكم وصفة رائعة و انت اروع بحديثك الجميل شكرا جزيلا

janino · 2012-04-30, 18:48

halwa aasle kima molatha rabi yahfed hadik el popona merciiiiiiiiiiiiiiiiiiiiiiiiiiiiii

janino · 2012-04-30, 18:50

ah nsite hotili nefse la pate diyalek w el tarika merci2

miri_27 · 2012-04-30, 18:59

بنت الحاج · 2012-04-30, 19:12

مشكووورة يا أختي الكريمة على الوصفة اللذيذة
وعلى طريقة تقديم الموضوع الطريفة
بصراحة عجبتني خفة دمك ما شاء الله
ربي يحفظلك البنوتة الصغيرة وينبتها نباتا حسنا
تحياتي ليك

ادرارية · 2012-04-30, 23:24

يعطيك الصحة