اسمع حكاية بلهجتي ....

[novateen]

المشاركة الأصلية كتبت بواسطة mimi ff

ههههههههه شكرا على الحكاياتا لرائعة امتعتونا والله

الشكر ليك وعلى وعلى مرورك الرائع والعطر نورتي

[معجزة الاكوان]

المشاركة الأصلية كتبت بواسطة nabilll85

ههههههههههه مليحة يعطيك الصحة

الله يسلمك

بلا مزييييييييييييية
نحن هنا لنصنع ابتساماتكم
ههههههههههههه

[hayder07]

المشاركة الأصلية كتبت بواسطة novateen

كان في قديم الزمان بنت وولد يتيمان تزوج بوهم والمرأة الجديدة ما حملتهمش وما بغاتش تربيهم فكرت في حيلة تتخلص فيها من هاد البنت اللي كان ايسموها عشب الخضار (ماعلاباليش علاش) أعطاتها لفافة خيط طويلة وقالتلها راني باغية نصنع جلابة أي قندورة أو قشابية " كيما يسميها البعض" ويلزمني خيط طويل روحي ادي هاد الطرف تاع الخيط وامشي حتى وين يكمل عاودي ولي " أي ارجعي" راحت هاديك الطفلة تمشي وتمشي حتى تاهت . لقات في طريقها شيباني "شيخ" قاللها وين راكي رايحة يا بنتي ضرك تصيبك الغولة تاكلك وخبرها على حيلة باش تقدر بيها تهرب من عندها مشات الطفلة حتى لقات الغولة اللي فرحت بزاف وعجبتها وبغات ديرها بنتها . كي رجعت الغولة للدار شافها وليدها الغول الصغير وهي وصاته باش ما يخبرش أخوته الكبار باش ما ياكلوهاش . كي قربو من الدار خزنتها " أي خبتها" تحت القصعة كي دخلو قعدو يشمو ويقولو " ريحة العربي فالدار " ريحة العربي فالدار" وخوهم الصغير يقوللهم تحت الطسعة تحت الطسعة" أي تحت القصعة" من داك خبرتهم الغولة بالحكاية وكيفاش راهي حابة ديرها بنتها . فالليل هاديك الطفلة باش تهرب قالت للغولة هاتي نديرلك الحنة . فرحت الغولة وقبلت .كي كملت الطفلة رقدتها وحطت حداها مخدة باش تحسبها هي راهي راقدةوزادت دارت لقاع المواعين باش ما يخبروش عليها كي تهرب ونسات باش تدير الحنة" للمهراز والرحى" كي جات هاربة البنت قعد المهراز يدق والرحى تدور ويقولو " دق دق خور خور " عشب الخضار راحت راحت " والغولة تفطن واتقوللهم راهي راقدة حدايا اسكتو .
كي هربت الطفلة لقات في طريقها شيخ آخر قاللها وين رايحة يا بنتي راح ياكلك الغول كي تلقايه راهو رايح يعرضك عليك طعام بالاكي تاكليه قاع ديري مرة في فمك ومرة في كمك " راحت البنت تمشي وتمشي حتى بالصدفة تلاقات خوها هو تاني دارتلو مرت بوه حيلة وطرداتو من الدار . كملو مشيهم وفي طريقهم لقاو الغول عرضهم عليهم أكل من كل الأنواع . عشب الخضار نسات باش توصي خوها ما ياكلش قاع الأكل وهي كانت تاكل مرة ومرة تخبيها في كمها . كي كملو الماكلة انقلب الغول وقاللهم كيفاش كليتو قاع الماكلة رجعو واش كليتو . فرغت عشب الخضار كمامها من الأكل وخوها ما لقاش كيفاش يدير
قرر هداك الغول باش ياكل خوها وصحيح كلاه من غير ما يمضغو
بكات الطفلة على خوها اليتيم ولامت روحها على اللي نسات وماوصاتوش باش يدير واش قاللها الشيخ
في هداك الوقت الغول كان راقد سمعت أصوات طالعة من كرشه خوها يعيط عليها باش تسلكه
فكرت عشب الخضار في حيلة وقررت باش تعجن للغول خبز ودارت في وسطه خدمي " سكين" وعطاتهاله ياكلها . أكل الغول الخبز من غير ما يمضغو فتح خوها اللي كان في كرش الغول الخبز وخرج الخدمي وفتح كرش الغول وخرج منها هو وبزاف الأولاد اللي كلاهم الغول
سارت عشب الخضار في طريقها هي وخوها باش يصيبو طريقهم لبلادهم ولدارهم

ان شاء الله تعجبكم التخريفة
علابالي الحكاية فيها الكثير من الخيال لكن هادي هي المتعة والنشوة
في انتظار حكاية أخرى تقبلو مني أجمل تحية وتقدير أختكم novateen

لله درك يا نوفاتين
كم انت راااااائعة
اشكرك جزيل الشكر
انتظر حكاياتك بكل شغف
عندي حكايات مروية بصوت عمتي فطيمة ان سمح لي الوقت ساضعها
شكرا لك مرة اخرى

[hayder07]

جاءك الفرج نوفاتين هذه لوحة مفاتيح عربية على النت
https://www.arabic-keyboard.org/

[amina derrez]

رووووووووووووووووعة

[novateen]

المشاركة الأصلية كتبت بواسطة hayder07

لله درك يا نوفاتين
كم انت راااااائعة
اشكرك جزيل الشكر
انتظر حكاياتك بكل شغف
عندي حكايات مروية بصوت عمتي فطيمة ان سمح لي الوقت ساضعها
شكرا لك مرة اخرى

أخلاقك واهتمامك هما الأروع
جد سعيدة لأن الحكاية نالت اعجابك
لا طول علينا رانا نستنو في حكاياتك
بارك الله فيك

[novateen]

المشاركة الأصلية كتبت بواسطة hayder07

جاءك الفرج نوفاتين هذه لوحة مفاتيح عربية على النت
https://www.arabic-keyboard.org/

مشكور أخي خلاص راني لقيت الحل كان عندي بصح أنا ماعرفتش كيفاش نخرجها
جازاك الله خيرا على اهتمامك ومرورك الدائم
تحياتي

[novateen]

المشاركة الأصلية كتبت بواسطة amina derrez

رووووووووووووووووعة

شكرا على مرورك واهتمامك بالموضوع

[hayder07]

هذي حكاية لقيتها عندنا في المنتدى

الحكايات الخرافية "الطامة أم سبعة روس"

خطاب الحكاية الوظائف
الوضعية الافتتاحية
كان واحد الراجل ماخذ زوج نساء جابولو في نهار واحد زوج ذراري تقول توام خلقة فريدة، يا ما تخلق
- ماتت أخرى، وبقات أخرى.
ترباوا هاذوك الذراري و كبروا
- كي كبرو عادو يصيدو مع بعضاهم
يلبسو كيف كيف، خيلهم كيف كيف
سلاقهم كيف كيف، سيوفهم كيف كيف
-المرا ما عادتش تعرف من بنها من بن المرا الميتة
- راحت للدبار، قاتلو:" ياالمدبر.. دبر علي ..
هاو ما صار.. هاو ماصار.. ابني و بن ضرتي
كيف كيف وما عرفتش من ابني ومن بن ضرتي
قال لها:" روحي كي توقتي عليهم موليين من الصيادة، كحلي عينك وحلي حزامك وارقدي وديري روحك مريضة راه ابنك يجي يجري ليك
وبن ضرتك يبقى لخر
- واسات واش قال لها الدبار. هما جاو وهي فرشت وكحلت وحلت حزامها ورقدت ودارت روحها مريضة جاء بنها يجري وبن ضرته بقى لخر علمت بنها.
- هي علماته وهي في صبحتها بدات توكل سلاق بنها الماكلة لمليحة
وهذاك تعطي لسلاقه النخالة وتعطي لعود بنها القورط والشعير ولعود لاخر التبن
بنها توكلو كسرة القمح والدهان ولاخر تعطيه المقلوبة ، الكسرة نتاع الشعير تعطي لبنها خير من بن ضرتها فهم بن ضرتها وحزن
- واحد النهار قال لخوه " أنا هاني رايح نرفد روحي من هذي البلاد هاك أدي العود والسلاق. حلله.. حلله.
- قالو أبدا خلاص ما بقالي قعاد في هذاالبلاد
- هاني نغرس مطرق في هذا المضرب كي تجيه إذا لقيتو خضر هاني حي وإذا لقيتو يبس هاني مت
-ودع خوه وراح هذاك الطفل نقل روحو مشى ، مشى. لهون، لهون.. لهون..
-حتى لحق عند وحد العجوز. قال لها:اعطيني الماء نشرب ونتوضأ".خششاتو وفرحت بيه. جابتلو الماء في الفنجال.قال لها:" لاه تجيبيلي الماء في الفنجال هذا نتوض بيه. قاتلو "يا ابني رانا نشربو غير
في الفنجال راه كاين طامة عندها سبع روس مغطيه العين وراه ما تفتحها حتى نعطوها طفلة تاكلها، وجفنة بربوشة واليوم راهي الدالة انتاع السلطان راه هو لي يدي بنته مكتفة وجفنة بربوشة"
قال لها:" يعني لو كان نقتل هذي الطامة السلطان يعطيني الطفلة هذي نزوج بيها
قاتلو:" يعطيها لك". قال لها وريهو لي وراتهولو
راح ليه لقاه مديها. قال له هذي لاه مكتفهاوهذي الجفنة وين مديها.
قال له راني ماديهم للطامة أم سبع روس باش تاكلهم وتخلينا الماء باش نشربو من العين
قال له " وكان نقتل هذي الطامة تعطيني هذاالطفلة نتزوج بيها؟ قال له:"نعطيهالك ونعطيك نص المحكمة
اداو الطفلة والجفنة للعين
- هو ولاوا وهو بقى مع الطفلة. طولت الطامة ما خرجتش جاء في حجرها ورقد هي حست بالطامة خارجه، وهي بكات طاحت دمعة من دمعاتها على خده، حرقاتو. ناض، شاف الطامة
قال لها:" ويناه لي يضرب لول يا طامة؟
قالتلو" اضرب انت لول" يضرب هويطيح لها راس، تضرب هي تطير لو قندورة
هو لابس سبع قنادر يضرب يطيح لها راس تضرب هي تطيرلو قندورة.حتى طيرلهاروسها السبعة.
-حل كتاف الطفلة تخلط الماء بدم الطامة
وزوجوه بهذيك الطفلة واعطاوه نص المحكمةونص البلاد وخوه الآخر كل ما يروح للمطرق يلقاه زايد غير يخضار.

[عآشقة غزه]

والله غير حكايات شابين ربي يحفظكم

[novateen]

المشاركة الأصلية كتبت بواسطة hayder07

هذي حكاية لقيتها عندنا في المنتدى

حكاية شابة بزااااااااف جات في وقتها
مافهمتش بعض الكلمات كيما "سلاق"
بارك الله فيك أخي حيدر على الحكاية وعلى اثراءك للموضوع
ننتظر المزيد فلا تبخل علينا

[hayder07]

المشاركة الأصلية كتبت بواسطة novateen

حكاية شابة بزااااااااف جات في وقتها
مافهمتش بعض الكلمات كيما "سلاق"
بارك الله فيك أخي حيدر على الحكاية وعلى اثراءك للموضوع
ننتظر المزيد فلا تبخل علينا

السلاق جمع كلمة سلوقي وهو نوع من انواع الكلاب
شكرا جزيلا

[hayder07]

هذه بعض الامثال الشعبية الجزائرية التي تعتبر اسلحة دمارشامل تستعملها الكنات و العجائزفي الحرب العالمية المشتعلة منذ دخول الكنة الى البيت

العجوز وهي تستفز الكنة بينما تقوم الاخيرة بشغل البيت ( الله لا يخليني لليدين الله يخليني غابة والناس حطابة ) ""تقول ربي يخلي لي صحتي واقوم بشغل البيت و اساعد الناس"" مع ان الكنة هي التي تقوم بالشغل
- نجحت العجوز في استفزاز الكنة لكن الكنة قالت ( باينة الشقة على حواشيها )
""الكنة تقول واضح جدا""العجوز ترد ( اضحك يا فمي على همي ) ""العجوز تشكي همها من كنتها هههههه ""
- الكنة صح معاك حق ( هم يبكي و هم يضحك )"" تضحك و تقهقه ههههههههههههههههههههههههههههه""
- العجوز ( يعزيك في راسك الضحك يضحك على الضحك و الضحك يضحك عليهم رحنا لدار المهابل حرنا شكون يدبر عليهم )"" تتهمها بالجنون""
-بعدما تخلص الكنة شغل البيت تتزين وتخرج لتغيظ العجوز( خصك السواك يا معوجة الحناك )""تقصد تقوللها انت اصلا لا تصلحين للتزيين""

- تقابل العجوز مراتها وتحاول تحسن مظهرها ...
- الكنة ( سيدي مليح خصو الهوى و الريح ) ( اللي فاتو وقتوا ما يطمع في وقت الغير )
- العجوز ( الدنيا بالوجوه والاخرة بالفعايل )
- يدخل الزوج تعبان من العمل و يلاقي المشاكل . كل واحدة تحكي روايتها .قال لهما (كي سيدي كي لالا )"" يعني وجهان لعملة واحدة وهي الازعاج

منقوووول

[حور2]

فكرة جيدة شكرا

[حور2]

سوف اكتب القصص التي اتدكرها قريبا ان شاء الله