تساؤلات عدم نجاح الاصلاحات في الثانوي

[azzouz_nour]

المشاركة الأصلية كتبت بواسطة هوني لخضر

يا ودي شكون قالك الاصلاحات ما نجحتش في الثانوي
ياو نجحت و نص
ياو الدزاير قاع عندها الباك و عندها شهادة ليسانس باستثناء اساتذة و معلمي الاساسي الي ما عندهومش الباك و شهادة ليسانس وقد اتهمتنا الوزارة و معها الاينباف اننا ما نعرفوش انقرو و اننا تعلمنا الحفافة في ريسان اليتامى

يا صاحبي لخضر خلي البير بغطاه
سبابها النقابة اللي تبعتوا ، النقابة نتاع الحقارين و الطماعين
طلعوا رواحهم بالشهادة نتاع المعهد التيكنولوجي من 10 ، 11 إلى 15 ، 16
و قالولكم الشهادة نتاعكم تبيريمات (Perimé) بالصح أنتوما اللي يقري الكاثريام
و انتوما اللي قريتوا المجازين من قبل و اداو الباك و جاو يقريو معاكم هما يترقاو و انتم قعدتو في بلايصكم
دارولكم بيهم الفتنة و التفرقة في نفس الطور و كأن تدريس الرياضيات بوه الحساب و القونجيكيزو في المتوسط يحتاج للدوكتورا .
و اليوم داروهم Porte parole نتاعهم في المنتدى قالت او سربلي فلان ، من مصدر مقرب ... غدو يدير ندوة هاو واش يقول
احنا نتاع الثانوي و الله تمنينا يطبقوا عليكم القانون اللي طبقوه علينا و يدمجوكم كيما أحنا
اللي من فوق عشرين مكون و اللي من فوق عشرة رئيسي ، ياك ما تخلصوش من جيوبنا؟ و زيد انتما اصحابنا و تعانيو كيما احنا رانا في قفة وحدة واش الفرق
لكن هذو الدئاب قالوا نربطوهم في الأونز و اللي يطلع منهم للدوز نروحلوا الأقدمية هههههههه يولي جديد
كي فاقوا لقاو بعض الأساتذة مصنفين معاهم ( المديرين نتاع الليسي اللي في راس الأنباف) صعروا
قالك نوليو للشيوخة نضربولهم البرة باش يديرو الإضراب ، لاماه ؟
باش نهبطوا اللي طلع منهم
و سربوا لصحابهم دي موالفين يبندرو و يزمرو : دفدق دفدق كاين إضراب
شفت باللي رانا فايقين


اللي كا يتفلسف تحت العنوان هذا إلا حب يقرا الوضعية رانا حاضري كيما يحب بأي لغة يفهمها