هل تقبل الزواج بهذه الصطريقة ؟؟؟؟

[النايلية الأصيلة]

المشاركة الأصلية كتبت بواسطة أم البراء السلفية

السلام عليكم ورحمة الله وبركاته
هل الشرع يقبل هذا الزواج؟؟؟؟

الله اعلم درت سؤال في وحد الموقع اسلامي قريب ان شاء الله يجابونى ونحطلك الفتوى هنا
هل سينجح الزواج ؟؟؟؟

نعم لانو كيما النت كيما الواقع تبالى هاك والله اعلم
هل سيتقبل الأهل زواجك من الأنترنت ؟؟؟؟

هادا هو المشكل نضن مايقبلوش والله اعلم
هل تقبل زواجك من شخص لا تعرف عاداتهم وتقاليدهم؟؟؟؟

عادى لانو حتى في خارج النت وتصرى الطفلة تتزوج في ولاية ماتعرف عليهم والو
وهل تقبل أوتقبلي أن تتزوجي بهذه الطريقة ؟؟؟؟
مانيش مفتنعة بيها مليح مليح

وعليكم السلام ورحمة الله وبركاته

شكرا أختي على طرح رأيك

تحياتي لك

[محمد...عبد النور]

و الله ما أدري لكن هذه الأفكار تُتداول كثيرا هذه الأيام
و ظني في النت أنه مستنقع للتماسيح و قليل هم الجادون و الله أعلم ضف الى ذلك رأي الوالدين نحو هذا الزواج ؟؟؟؟؟؟؟؟؟؟؟؟؟؟؟؟؟
و تبقى الطريقة التقليدية هي الصح و الله أعلم
ســــــــــــــــــــــــــــلام

[amira_alger]

فكرة الزواج عن طريق الأنترنت مرفوضة رفضا مطلقا بالنسبة لي

[hadjer.m]

هل الشرع يقبل هذا الزواج؟؟؟؟
هل سينجح الزواج ؟؟؟؟
هل سيتقبل الأهل زواجك من الأنترنت ؟؟؟؟
هل تقبل زواجك من شخص لا تعرف عاداتهم وتقاليدهم؟؟؟؟
وهل تقبل أوتقبلي أن تتزوجي بهذه الطريقة ؟؟؟؟

1- الشرع لم يحدد الوسيلة ، و الضوابط الشرعية رانا كامل نعرفوها ، يعني لا داعي لذكرها
2- ما دخل نجاع الزواج بطريقة تعارف الزوجين ؟؟؟ لم أفهم المغزى من السؤال ، يعني لو يكون زواج تقليدي لازم ينجح ؟؟ اكيد لا شوفي النجاح في الزواج مرتب اولا بتوفيق الله عزوجل و تكافؤ الزوجين( ثقافي و اجتماعي و مادي ووو) و محاولة كل منهما في اسعاد الآخر
3- الأهل مش رح يقبلو اسم في منتدى او موقع اختي راهم لازم يروحو يشوفو الطفلة و يسقسو عليها على هادا الاساس يقبلو او يرفضو ، هي الخطوة الاولى برك نت ، مبعد خلاص تمشي الامور وفق الخطوات لي نعرفوها كامل
4- ربي خلقنا شعوبا و قبائل لنتعارف ، و راهي تربطنا حاجة اهم بزاف من العادات و التقاليد ، و هي الاسلام !! و يبانلي هادا اهم من عادات حطها المجتمع و اغلبها غالط و خارج اطار الشرع
5- انا لا أرى مانع ، يعني بصراحة بالنسبة ليا كيما هو كيما اي طريقة اخرى ، ما نيش حساتو مشكل تماما ، و الله راني مستغربة من طرحه كأزمة اجتماعية ( مش نحكي عليك صاحبة الموضوع لاكن الموضوع تكرر كذا مرة و لقيت بزاف مهاجمين للفكرة - و هذا حقهم طبعا- لكن انا مقدرتش نقتنع بأسبابهم لاني شايفتها نابعة من تخوفين من الامر لانو جديد على ثقافتنا برك)

في الختام تمنياتي التوفيق للجميع

[hadjer.m]

المشاركة الأصلية كتبت بواسطة FM 18

و الله في بعض الأحيان أقتنع بأنها الطريقة الوحيدة المتبقية لي للزواج، لكن لما أفكر و أطرح على نفسي الأسئلة التي طرحتها و أزيد :

• هل أستطيع اخبار أهلي بطريقة التعارف ؟؟؟
• هل أخبر أولادي فيما بعد ؟؟؟
• ماذا لو شاهدتها و لم أرتح لها أو لم تعجبني ؟؟؟
• في حال انسحبت ألا يعتبر هذا تلاعبا بالفتاة ؟؟؟

يختلط علي (لافونس مع الروتار).

ما رأيكم ؟؟؟

1- يعني كون تقول لاهلك شفت طفلة في الجامعة عجبتني يقبلو ، و كون تقلهم من النت لا؟؟ و علاش ؟؟ حتى تاع النت راح تشوفها اكيد ، يعني مش فاهمة وينو الفرق ؟؟ و انت إذا كنت مقتنع بالفكر تقدر تقنع أهلك بيها ، قصدي اذا حنا ابناء عصر النت مش مقتنعين اكيد اولياءنا لي منهم من لا يعرف يشغل الكومبيوتر رح يحسبك تتمسخر بيه
2- اييييه الدنيا تمشي و تطور و لاد 2000 درك رانا حايرين فيهم ، ما لا لا أضن انهم رح يشكلو مشكل بالعكس بالاك هوما يقترحو يزوجوك الثانية عن طريق الفيس بوك و لا كاش حاجة جيدة تخرج
3-هديك عليها و عليك ، يعني تقدر نتا ما تعجبهاش او العكس ، و هذا امر عادي بزاف ناس تخطب و تدي والديها و مبعد ما تعجبوش او العكس ، عادي فهذا امر مشرع لك و لها
4- اكيد لا يعتبر تلاعبا خاصة اذا ما تخطيتوش الضوابط الشرعية في تعارفكم ، و تسماش انسحاب لانو التعارف يكون مبني من الاول على الاساس اذا كان اعجاب و توافق متبادل من الطرفين اوك اذا لا ربي يسهل لكل واحد ، و زيد لازم يذكر كل طرف الموافات لي حابها يعني في حالة تكون حاب مثلا بنت جميلة من الاول كن واضح في طلبك و هكذا ما تكونش تلاعبت بيها

و انا شخصيا اعرف تجربة ناجحة في هذا المجال و علاقة من اجمل ما رايت و في زوج ملتزمين ماشاء الله و تعرفو عن طريق موقع زواج و في الصيف القادم عرسهم
تمنياتي التوفيق للجميع

[abdu99]

المشاركة الأصلية كتبت بواسطة النايلية الأصيلة

زواج
نعم زواج الأنترنت

هل تعتقدون أنا زواج الأنترنت طريقة صحيحة وسليمة؟

هل الشرع يقبل هذا الزواج؟؟؟؟

هل سينجح الزواج ؟؟؟؟
هل سيتقبل الأهل زواجك من الأنترنت ؟؟؟؟
هل تقبل زواجك من شخص لا تعرف عاداتهم وتقاليدهم؟؟؟؟
وهل تقبل أوتقبلي أن تتزوجي بهذه الطريقة ؟؟؟؟
تحياتي
.........أختكم النايلة .........

موضوع جيد اختي وإن كان فيه كثير من الاسئلة وطرحتي رائك الشخصي مسبقا
الانترنت هو طريقة تواصل فرضت نفسها على الجميع اذا استغلت بالشكل الصحيح كانت لخير او اسئ استغلالها كانت وبالا..
- (زواج الانترنت) يعتمد على عدة عناصر:
*اقتناع الطرفين بالطريقة كوسيلة تعارف
*الصدق بين الطرفين في طرح انفسهم
*هل هي بداية علاقة تكمل بالطرق الشرعية من سؤال كل منهما عن اصل وفصل الاخر؟
هناك عدة عوامل للحكم عليها او لها هل طريقة صحيحه اما خطا
- الناحية الشرعية لها اهل الاختصاص.. لكن على العموم طريقة التخاطب وطريقة التعامل بين الطرفين تحدد الحدود الشرعية
- تحديد نجاح الزواج من عدمه دا شئ في علم الغيب .. على الانسان أن يستخير بعد الاستقصاء لان الاقرباء لايعرفون بعض الا بعد الزواج حسب ما سمعت من المتزوجين.. قد يتزوج ابناء العمومة ويختلفوا لانهم يجدون بعض بعد الزواج غير ما كانوا يحلمون
- تقبل الفكرة .. في عالمنا الاسلامي والعربي ما اعتقد يتقبل الاهل الفكرة لان المجتمعات لم تصل للفهم الكامل لحسنات الانترنت وحسن استخدامها لكن الطرفين يمكن ان يتقبلوها حسب تقييمهم
- قبول الطرف الاخر دون تعرف عادته ..بعتمد على مدى التفاهم في النقاط الشرعية وهي الاهم والاختلاف دائما موجود بين البشر انما تفهم وتقبل الطرفين لبعضهما بحسناتهم وسيئاتهم هو الاهم.. ولله حكمة في خلق البشر مختلفي العادات والتقاليد طالما انها ليس فيها خروج عن الشرع
- القبول او عدم القبول يعتمد .. حتى بين الجنس الواحد كرجال من دولة واحده قد تكون لك صداقات امتدت للواقع من خلال الانترنت وقد تكون مع من هم من غير لغتك او بلدك وقد تكون لا.. كل شئ بعتمد على الانسان وليس الاداء
ولكم تقديري واحترامي

[abdu99]

المشاركة الأصلية كتبت بواسطة hadjer.m

1- يعني كون تقول لاهلك شفت طفلة في الجامعة عجبتني يقبلو ، و كون تقلهم من النت لا؟؟ و علاش ؟؟ حتى تاع النت راح تشوفها اكيد ، يعني مش فاهمة وينو الفرق ؟؟ و انت إذا كنت مقتنع بالفكر تقدر تقنع أهلك بيها ، قصدي اذا حنا ابناء عصر النت مش مقتنعين اكيد اولياءنا لي منهم من لا يعرف يشغل الكومبيوتر رح يحسبك تتمسخر بيه
2- اييييه الدنيا تمشي و تطور و لاد 2000 درك رانا حايرين فيهم ، ما لا لا أضن انهم رح يشكلو مشكل بالعكس بالاك هوما يقترحو يزوجوك الثانية عن طريق الفيس بوك و لا كاش حاجة جيدة تخرج
3-هديك عليها و عليك ، يعني تقدر نتا ما تعجبهاش او العكس ، و هذا امر عادي بزاف ناس تخطب و تدي والديها و مبعد ما تعجبوش او العكس ، عادي فهذا امر مشرع لك و لها
4- اكيد لا يعتبر تلاعبا خاصة اذا ما تخطيتوش الضوابط الشرعية في تعارفكم ، و تسماش انسحاب لانو التعارف يكون مبني من الاول على الاساس اذا كان اعجاب و توافق متبادل من الطرفين اوك اذا لا ربي يسهل لكل واحد ، و زيد لازم يذكر كل طرف الموافات لي حابها يعني في حالة تكون حاب مثلا بنت جميلة من الاول كن واضح في طلبك و هكذا ما تكونش تلاعبت بيها

و انا شخصيا اعرف تجربة ناجحة في هذا المجال و علاقة من اجمل ما رايت و في زوج ملتزمين ماشاء الله و تعرفو عن طريق موقع زواج و في الصيف القادم عرسهم
تمنياتي التوفيق للجميع

أؤيد طرحك الجيد اختي الكريمه حفظك الله.. وهذا الواقع .. نحن نتعامل مع اناس افتراضيين ونقدر نعرف من هو الجيد والعاطل من طريقته وخبرتنا .. العيب ما في النت بل في الشخص المسئ لا ستخدام النت

[النايلية الأصيلة]

المشاركة الأصلية كتبت بواسطة لذريق

و الله ما أدري لكن هذه الأفكار تُتداول كثيرا هذه الأيام
و ظني في النت أنه مستنقع للتماسيح و قليل هم الجادون و الله أعلم ضف الى ذلك رأي الوالدين نحو هذا الزواج ؟؟؟؟؟؟؟؟؟؟؟؟؟؟؟؟؟
و تبقى الطريقة التقليدية هي الصح و الله أعلم
ســــــــــــــــــــــــــــلام

وعليكم السلام ورحمة الله وبركاته

شكرا أخي الفاضل

[النايلية الأصيلة]

المشاركة الأصلية كتبت بواسطة amira_alger

فكرة الزواج عن طريق الأنترنت مرفوضة رفضا مطلقا بالنسبة لي

شكرا على طرح رأيك

[فتـ حييةـاة]

المشاركة الأصلية كتبت بواسطة النايلية الأصيلة

السلام عليكم ورحمة الله وبركاته

أما ل ضوء الخيال

شوفوا ما فهمتش ردكم او بالأحرى ما نيش حابة نفهم
قولولي بصراحة ما عجبتكمش خلاص
واذا عجبتكم ما كاين حتى مشكل
ههههه
ندير بحث في المنتدى ونجبلكم خيار الرجالة
ههههههه
راني نزعق برك
بصح اذا ممكن اوكي

..سلامي لكم..

وعليكم السلام ورحمة الله وبركاته
خلاص راني نستنى وموافقة واثق في اختيارك
ياا ختي من هذاك الوقت للان راني غيرت الفكرة الزواج مكتوب وكي يكتبلك ربي زوج يكتوبلك النت غير سبة برك

[النايلية الأصيلة]

المشاركة الأصلية كتبت بواسطة amal2000

وعليكم السلام ورحمة الله وبركاته
خلاص راني نستنى وموافقة واثق في اختيارك
ياا ختي من هذاك الوقت للان راني غيرت الفكرة الزواج مكتوب وكي يكتبلك ربي زوج يكتوبلك النت غير سبة برك

هههههههه
شكرا على الثقة
يا ختي وش نقولك ندير احصائية ونشوف وش يناسبك
بصح وريلي شروطك حنونتي
ايه المكتوب ما تقولي لازواج النت ولا زواج تقليدي
المهم الي فيه الخير ربي يجيبوا يارب ان شاء الله يرزقك بزوج صالح يارب

[فتـ حييةـاة]

المشاركة الأصلية كتبت بواسطة النايلية الأصيلة

هههههههه
شكرا على الثقة
يا ختي وش نقولك ندير احصائية ونشوف وش يناسبك
بصح وريلي شروطك حنونتي
ايه المكتوب ما تقولي لازواج النت ولا زواج تقليدي
المهم الي فيه الخير ربي يجيبوا يارب ان شاء الله يرزقك بزوج صالح يارب

اللهم آمين يااارب وليك ولجميع بنات المسلمين يااارب

[النايلية الأصيلة]

المشاركة الأصلية كتبت بواسطة amal2000

اللهم آمين يااارب وليك ولجميع بنات المسلمين يااارب

أمين يارب
شكرا لك
....تحياتي ليك ....

[SOUSOU. DZ]

انا اختي لااوفق هذا الزاواج نهائيا

كيف يستطيع البنات يتزوج عبر النت غير معقول زعما عارفين كلشي على لي لقاوه وعارفين سلبياتو واجابياتو حصيحة ام خاطئة

والله يااختي هذا المجرد راي الشخصي وارجو ان تقبلي مروري

[مريم الصابرة]

المشاركة الأصلية كتبت بواسطة راجي رضوان الرحمان

أنا لا أقبل هذا النوع من الزواج إلا إذا كانت نايلية حرة ، لأني أثق فيهن كثيرا في زمن اللاثقة
أيا شوفيلي وحدة نايلية ،وجربي صدق كلامي.هههههههههههه

السلام عليكم خويا زعفني كلامك واش معناها النايليات محترمات فالنت وإحنا لالا يا خويا ما يهمش الفتاة وين تسكن المهم واش يسكن قلبها وتفكيرها واخلاقها والزواج مكتوب الله واشبيها فتاة النت اللي محترمة محترمة ولو تكون وسط الف راجل وشكرا وما نحكيش معاك ظانا تيبازية ما رانيش نايلية وشكرا