مخطط الحصيــلة الطاقوية ؟؟ كـــابوس في النهــار !

[raouf1996]

شكرا ليك اخت شهيستة جزاك الله خيراا

[شهيستة]

العفو
نبداو برسم المخطط اولا .. و ندو معادلة انشطار اليورانيوم ..ديرو ورقة و تبعو راح تفهمو ان شاء الله
بسم الله
U 235..92 + n 1..0 ==> Sr 94...38 + Xe 139...54 + 3n 1..0
نرسم مخطط الطاقة نبداو بمحور الطاقة اللي فيه E الابتدائية و النتقالية و النهائية موجه للاعلى .. حيث E الابتدائية في الوسط .. Eالانتقالية اعلاها ..و Eالنهائية في الاسفل ..ونرسم خط افقي عند كل مرحلة
في E البتدائية نكتب الطرف الاول من المعادلة ونديرو سهم للاعلى للمرحلة الانتقالية لانوفيه تغير في عدد النيكلينات عند الجمع --عدد البوتونات و النيترونات-- ونكتبو فيه هذا المجموع اللي يمثل .. p 92
(235+1) A -(92+0) Z=144n
لانو عدد النيترونات هو عدد A-Z..;وبما انو عندنا يورانيوم و نيترون نجمعو و نطرحو .. مفهوم ؟؟

ونديرو سهم للاسفل من المرحلة النتقالية حتى النهائية و نكتبو في المرحلة النهائية الطرف الثاني من المعادلة لانو في اخر التفاعل هدوك الانوية المتشكلةاضافة الى النيترون هوما النواتج النهائية

ونكتب DE1 .. عند السهم اللي مابين الابتدائية و الانتقالية ..و DE2 عند السهم اللي ما بين الانتقالية و النهائية
اما DE فهو التغير في الطاقة من الحالة البتدائية الى النهائية اي الطاقة الناتجة منjتفاعل المتفاعلات في الحالة الابتدائية وصولا الى تشكل نواتج في النهائية ولو تلاحظو هي نفسها Elib .. اي الطاقة المتحررة من اشطار نواة اليورانيوم

هذا فيما يخص المخطط ..نظن انو الاشكال كان في المرحلة الانتقالية..نزيد ملاحظة انو ممكن يكون عندنا اكثر من مرحلة انتقالية ..
يلا كان مفهوم نروحو لحساب الطاقات DE .. ويلا كاين اي اشكال راني نعاود
j'espére تكونو فهمتو

[شهيستة]

نجو لحساب الطاقات ..نحسبو عادي ..بما انها طاقة فهي تمثل حسب قانون انشتاين .. مربع E=Dm.c حيث dm هو التغير في الكتلة --كتلة النهائية ناقص البتدائية ..نركزو على هدي مليح

ناخذ c مربع ملقيتش التربيع lol

ايجادDE1 :
DE1=dm.c
..DE1=(92mp+144n)-(mU+mn) .c
...نطرح1 نيترون من 143 نيترون ..طرح عادي تصبح

DE1=(92mp+143mn-mU).c
=El U

ايجاد DE2:
DE2= (mSr +mXe+3mn) - ( 92mp +144 mn ) .c
= (mSr +mXe - 92 mp-141 mn) .c

لو نلاحظ نجد ان mp 92 هي مجموع z ل Xe .. Sr
و 141 mn هي A-Z لهمما
وبالتلي نجد ان نجد ان المجموع (92mp- 144mn-)

اضافة لكتلتي النواتين يمثلlمجموع Dm لهما

وبالتلي يصبح
DE2= -- (EL Sr +EL Xe

اما
DE= DE1+DE2
=EL U -- ( EL Sr + EL Xe

ونجده بالسالب لان الطاقة المتحررة تكون في شكل حرارة اي التفاعل ناشر للحرارة --فقد--

مفـــــــــــــــــــــــــــــــــــــــــهوم ؟؟

نظن هادا هو الشرح يلا كاش اشكال نعاودلكم

[NafidatAmel]

سلام شكرا ربي يحفظك خيتو على الشرح...حبيت نسقصيك قبل ماتكملي الدرس كيفاش ممكن تكون عندنا اكثر من مرحلة انتقالية؟

[شهيستة]

العفو هدا واجبي حتى انا ما كنتش فهماتو .. ما حبيتش نبخل عليكم ..j'éspére tفهمتي

بالنسبة لسؤالك تلقاي المثال في التمرين اللي في الكتاب و ما يخلعكش كي تكوني فاهمة تحلي عادي

فكرتني بملاحظة .. الحصيلة الطاقوية تكون كذلك في النشاطات الاشعاعية الفا و بيطا و غاما

[NafidatAmel]

صحيتـ خيتو..مازال ماضربتش طلة فالتمرين اللي قلتي عليه.*اما صفحة؟*.بصاح توافقيني في مفهوم ان المرحلة الانتقالية موجودة بسبب انو النيكليونات تعاود ترتب روحها قبل ماتنتقل للمرحلة الثانية ..ولا كاين مفهوم آخر؟

[raouf1996]

اخي حكاية مبدع...........نحن بانتظااااارك