إلى أم كوثر هادي هي غريبية الزيت

[زهرة البيلسان البرية]

السلام عليكم

أختي أنا تان ما نعرفش الغريبية اللي يعملوها بالزيت و جربتها مرة و جاااات يااابسة

لكن كاين اللي يديروها شوفي و قوليلي ما هو الحل :

https://www.djelfa.info/vb/showthread.php?t=868458

[*أم كوثر*]

والله يا اختي زهرة شفتها شحال من مرة لكن شخصيا ما جربتهاش وزيد معاها سكر عادي ومش ارطب؟؟؟منظنش تجي تدوب في الفم كما الاخرى و الله اعلم

[سمر نورهان]

اهلا انا دايما نعملها و جامي جاتني يابسة تجي مشقة و تتفتت لاكن لي تتعمل بالزيت دايما يجي لب الحلوة صلب لاكن سطح الحلوة دايما يكون يتفتت انا رايح نمدلك وصفتي جربيها و رجعيلي الخبر
انا نعمل رطل فرينة نديرلو سكر رطب حسب ذوقي انا ما نحبهاش حلوة بزاف لهذا ندير كاس اتاي لاكن ماشي الصغير ولاكن المتوسط ok نزيد شوا vanille للنكهة ونضيف 2 ملاعق اكل ماء الزهر و نلم العجينة بالزيت حتي تقدري تلميها كويرات نشكل هاذل الكويرات نوضع فوقهم شويا قرفة كيما نعرفو كامل و الي الفرن عند ما تتشقق و اسفل الحلوة يرجع doré ننزعها من الفرن ونتركها تبرد في الصينية نتمني تجربيها و تدعيلي في ظهر الغيب تحياتي

[زهرة البيلسان البرية]

يعطيك الصحة ختيتو راني نجربها ان شاء الله و نرجعلك الخبر