آخر تطبيقاتي - الصفحة 3

my lamis · 2012-03-27, 18:57

اقتباس:

المشاركة الأصلية كتبت بواسطة ام محمد ميدو

حبيبتي الغالية ام لميس نعرفك اقوى من هاك وبالاك كان قصدها تضحك معاك برك تزعق تروحي انت تحرمينا من ابداعاتك والله انك ملكة التطبيقات الله يبارك عليك ارجوك وفي خاطري اذا كان عندي خاطر ما تطبيقش كلامك لي قلتيه على خاطر ما كانش حاجة تستاهل وراني متاكدة بلي قع الاخوات كي يدخلو هذا القسم يدورو على اسمك وتطبيقاتك بشوق خلاص عودتينا الله غالب ههههههههه

ايا اضحكي شوية وفرحيني معاك راني قنطت قع وكرهت

يا الغالية خاطرك و خاطر خواتاتي على العين و الراس
و مشكورة على كلامك العسل

my lamis · 2012-03-27, 19:01

اقتباس:

المشاركة الأصلية كتبت بواسطة natacabell

wech nzid nkoulak mel fouk makaloulak haya yasidi fachi ya sidi zaafak fiya ou hiya frat matrohich alina bark rabi yahafdak welah nhabkoum fi lah bla manaarafkoum rabi yahfadkoum kamel ana manaokhrejch kamel nahi bikoum dikat el khatar rabi li yaalam safi loukan koul wahda fikoum tazzaf ou troh wech yokkad

تعيشي يا الغالية و الله أنا اللي نحبكم قاع و راكم كامل مونسيني و كي منصيب شندير ندخل للمنتدى نحي على روحي
و صايي زعافي رراح بيكم منفشوش فيك و صح و كان تروح كل وحدة تزعف ميبقاش منتدى
تحياتي لك

my lamis · 2012-03-27, 19:05

اقتباس:

المشاركة الأصلية كتبت بواسطة أم مالك*

الحمد لله على سلامتك عزيزتي
البارح قريت موضوعك وتقلقت وكنت حبا نرد عليك لكن الوقت ما سمحليش
واليوم عاودت شفت قرارك الصائب
بارك الله فيك
راه ربي عالم محبتك في قلبي وأنت حبا تروحي وتخلينا ؟
ربما لي نواتك ماكنتش تقصد صراحة حنا نقولوها لواحد صار خير منا وحنا لي علمناه من باب الإفتخار
المهم على بالنا بلي قلبك كبير حتى ولو كانت تقصد راح تتجاوزيها في خاطرنا هههههههههه
نزيد نقلك أنا من ذاك ندخل منتدى أخر أو نخرج فيه صدفة
نحس روحي غريبة وفي مكان موحش
أما منتدنا الغالي منتدى الجلفة نحس روحي مع عايلتي وحبابي

الله يسلمك غاليتي و ربي يخليك و يعليك
و الله خاطركم غالي عندي بزاف و قلبي ميش غير كبير صح غاضتني الكلمة حنا عندنا عندها معنى آخر
بصح ميهمش و الله كلنا خواتات و رانا نتعلمو من بعضانا
و المنتدى هذا لمنا و دارنا خواتات منقدروش نستغناو على بعضانا

my lamis · 2012-03-27, 19:08

اقتباس:

المشاركة الأصلية كتبت بواسطة remadna

ام لميس الحمد لله على السلامة

ربي ينجحك دنيا و آخرة
ام مالك نفس الإحساس

الله يسلمك يا الغالية
أجمعين يا رب و ربي يخليكم و يعليكم

*ام رامي* · 2012-03-28, 10:53

يا عزيزتي يا ام لميس
اولا ان بعض الظن اثم.. الله اعلم بنيتها حسنة او سيئة
انت كان لازم تردي وتقوليلها جزاك الله كل خير وبارك الله فيك
اذا كانت نيتها حسنة كان ردك حسن وما تجرحيهاش بسوء الظن
واذا كانت نيتها سيئة كنت احسن منها وتخليها تحس بان العيب صدر منها وكيما يقول المثل المصري
امشي عدل يحتار عدوك فيك
اما انك تبطلي المشاركات لاااااااااااااا هو دخول الحمام زي خروجه ؟؟؟ تسرقي قلوب العضوات وتكسبي محبتهم وتروحي ؟؟؟
والله نجي نحوس عليك شبر شبر بيت بيت ونعطيك طريحة ونرجعك للمنتدى بالسيف عليك

يللا روحي طبقيلي كاش وصفة وانا نجي نتقلش عليك ونقولك ...علمناهم في الصلاة سبقونا للجامع ههههه
سلامي ليك يا عزيزة

linat · 2012-03-28, 13:16

بارك الله فيك
l la resete please

شمس 15 · 2012-03-28, 13:32

awalan nachakrek ala tatbikatek,thaniyan 3lach ya khti la3ziza ma tzidiche t3almina 3lach 3ala jel hadi hna nkhalssou,ya khti diriha kili ma saratche ana rakoum mwanssini fi ghorebti kayan des noms ghir naqra assamhoum ndir el wassfa diyalhoum nthik fihoum rabi 3aza wajel ykoul idfa3 bilati hiya ahsaan.

azade · 2012-03-28, 18:03

شلام ام لاميس الله يحفظك على الوصفات انا تعلمت من عندك بزاف حوايج و من المنتدى وانت من العضوات لنحبهم ونتمنى تقعدى معانا يارب

OU SS AMA · 2012-03-29, 18:11

بارك الله فيك تطبيقات جد رائعة بارك الله فيك وربي يخليك لينا

islam1aya · 2012-03-29, 20:00

واش راكي حبيبتي وصديقتي الغالية
راني رجعت باذن الله
انقطعت النات لمدة شهر وتم اصلاحها
كيفك وكفها لميس والعائلة كامل بخير
والله فرحتيني بسؤالك عني حبيبتي

ام نظال · 2012-03-31, 10:58

ييييييييياختى كل وصفة تحطيها تدى عليها اجر من رب العالمين مش على وجه الناس جزاك الله اللللللللللللللللللللللللللللللللللللللللللللللللل لللللللللللللللللللللف خير يعيك صحتك اننننننننننننننننننششششششششاء الله اكون الجديد

my lamis · 2012-03-31, 13:55

اقتباس:

المشاركة الأصلية كتبت بواسطة *ام رامي*

يا عزيزتي يا ام لميس
اولا ان بعض الظن اثم.. الله اعلم بنيتها حسنة او سيئة
انت كان لازم تردي وتقوليلها جزاك الله كل خير وبارك الله فيك
اذا كانت نيتها حسنة كان ردك حسن وما تجرحيهاش بسوء الظن
واذا كانت نيتها سيئة كنت احسن منها وتخليها تحس بان العيب صدر منها وكيما يقول المثل المصري
امشي عدل يحتار عدوك فيك
اما انك تبطلي المشاركات لاااااااااااااا هو دخول الحمام زي خروجه ؟؟؟ تسرقي قلوب العضوات وتكسبي محبتهم وتروحي ؟؟؟
والله نجي نحوس عليك شبر شبر بيت بيت ونعطيك طريحة ونرجعك للمنتدى بالسيف عليك

يللا روحي طبقيلي كاش وصفة وانا نجي نتقلش عليك ونقولك ...علمناهم في الصلاة سبقونا للجامع ههههه
سلامي ليك يا عزيزة

صح و الله كلامك صح بصح حتى و تكون النية حسنة ولا سيئة ملزمش تتقال أي وحدة تحط و صفة نحطها بنيتها و تفرح بتطبيقها المهم مشكورة على الرد تاعك و الله نفرح بوجودك في مواضيعي
غير أرواحي هذاك يوم السعد كي نشوف المبدعة قدامي و نشالله نطبق وصفة من وصفاتك
سلامك العزيز وصل و نبعثلك أحلى و أغلى منو

my lamis · 2012-03-31, 14:01

اقتباس:

المشاركة الأصلية كتبت بواسطة linat

بارك الله فيك
l la resete please

و فيك بارك الله
يا الغالية و الله ملقيت رابط الوصفة بصح مندلك لاروسات
العبر تاعو نتي واش تحبي ديري تكثري ولا شوية
جيبي نواة كوكو و لميه بالنيسلي برك شكلي كرة و حشيها بحبة جوز أو لوز أو بكاش مكسرات و بلعي عليها من بعد رمديها ثان فالنواة كوكو و دخليها الثلاجة تشد روحها
أنا خممت المرة الجاية كي نعاودو نرحي نواة كوكو و نغطسها فالشيكولا البيضاء و نرمدها فالنواة كوكو

my lamis · 2012-03-31, 14:04

اقتباس:

المشاركة الأصلية كتبت بواسطة chamchouma1

awalan nachakrek ala tatbikatek,thaniyan 3lach ya khti la3ziza ma tzidiche t3almina 3lach 3ala jel hadi hna nkhalssou,ya khti diriha kili ma saratche ana rakoum mwanssini fi ghorebti kayan des noms ghir naqra assamhoum ndir el wassfa diyalhoum nthik fihoum rabi 3aza wajel ykoul idfa3 bilati hiya ahsaan.

نورتيني يا الغالية و مشكورة على مرورك
و مشكورة على كلامك و على الثقة اللي درتيها فكل أخت و نشالله نبقاو مونسينك في غربتك و متحسيش بيها قاع
تحياتي لك

my lamis · 2012-03-31, 14:07

اقتباس:

المشاركة الأصلية كتبت بواسطة azade

شلام ام لاميس الله يحفظك على الوصفات انا تعلمت من عندك بزاف حوايج و من المنتدى وانت من العضوات لنحبهم ونتمنى تقعدى معانا يارب

و عليك السلام
ربي يخليك حنونة و الله أنا اللي نحبك و نعزك يا الغالية و الله راني معاكم منخطيكمش
تحياتي يا الغالية