كرهت و فقدت الثقة في نفسي

imymene · 2012-03-13, 20:22

انا من شعبة علوم تجريبية
زعما نقرا فالقسم الممتاز
"classe d'elite"
مي هاد العام سبحان الله ما فهمتش واش صرالي
جبت 11.98 فالفصل الاول
و 10 فهاد الفصل مي هاد الفصل مرضت و فقدت جدي الله يرحمو
فيامات الاختبارات علابيها ما خدمتش
مي 10 المعدل كي تكون طامع في 16 فالباك يحبطلك المورال
راني غيرنبكي فقدت الامل في التفوق فالباك
عاونونييييييييييييييي ربي يحفظكم

secret2009 · 2012-03-13, 20:38

راهو عادي نحكيلك انا كنت كيفك العام لي فات هاي معدلاتي في الفصول 11 12 10 وفي الباك جبت 15 صدقيني ثقي بنفسك وكفاك من هذه الافكار السلبية التي تؤثر عليك اختي الفاضلة لك مني كل النصح لوجه الله لاتستسلمي تخيلي لو استسلمت ومازلت تفكرين بهذه السلبية ستبرمجين نفسك على أنك لا تستطيعين لين هو الامل عش بالامل عش بالطموح لا تستسلمي انها فترة عابرة صدقي أخاك المجرب

imymene · 2012-03-14, 13:54

الله يبارك
خويا الله يسترك اعطيلي نصائح
انا الكبيرة فالدار ماكاش لي يوجهني
صدقني راني تايهة
و والدية راهم تاكلين عليا ندير صيدلة
و بادن الله راني ناوية نفرحهم

asma4 · 2012-03-14, 16:46

املا راكي كيفي انا تاني علوم تجريبية و حابة ندير صيدلة قلت وقيلة في الفصل الثاني ندي غير 13 لاخاطر ما خدمتش في الرياضيات و الفيزياء بزاااف بصح اديت 14 و ما يهمنيش راح ندير نفسي اديت المعدل كيفك باه ما نطمع لاخاطر راكي خير مني راح تكون عندك رغبة باه تدي اكثر يا بنتي اديها نصيحة من عندي البااااك راه قضية نفسية و ثقة صدقيني الاسئلة بسيطة 100/100 ما تديها فيفي المشاكل اللي يصراو لك بدل التخمام فكري في معادلة في مخك و الا درس الاجتماعيات تا اقتصاد امريكيا و الاتحاد الاوروبي خير لك
المهم تشرفناااا بما انو هدفنا واحد هو الصيدلة الصيدلة نتمنى يتحقق حلمنا حنونة
****كل الود اسماء*****

سلطان ج · 2012-03-14, 17:11

التوكل على الله والثقة بالنفس والرضا بما أعطاك الله....والتحدي وقانون التوقع والانجذاب..........والتعرف على كل العباقرة كيف كان مسلكهم الدراسي يعطي لكم أبنائي وبناتي القوة لمواجهة ذالك الامتحان البسيط والذي ضخمته ظروفنا المحيطة وضغط بعض الاولياء( صيدلة..طب...طيران..صحة عسكرية...............ماهذا الذي يحدث من حولنا.) موفقون إن شاء الله

Mustapha93 · 2012-03-15, 13:08

انا كيفكم بــــــــــــــــاك بصح منيش صيدلة ههه هههههه
مهم ننصحك اختي بااااااااااااك اسهل من الامتحااانااااااااااات وهاذي لازم تكون عندك قناعة
اقري شويا شويا
وفكي روحك من هالضغط دير كانك وحدك تقري لانو بابا وماما يستنو في معدل قوي بحد ذاتو ضغط رهيب
لازمك تتحرري منو ومنبعد ساهل الخال حلي باكالوريات سابقة ونظمي وقتك
بربي ننجحو كلــــــــــــــــــــــنا
باك 60 بالمئة نفسة

REDOUANOV-2010 · 2012-03-16, 11:16

اختي لا تياسي الباك مزال عليها الحال وحتى لو كان تبدا من جديد تلحقي

غلا الروح · 2012-03-16, 14:16

انا ثاااني باك ونحوس ندير صيدلة
ان شاء الله يا ربي يوفقنا ونديو الباك بمعدل مليح

غلا الروح · 2012-03-16, 14:20

انا ثاااني باك ونحوس ندير صيدلة
ان شاء الله يا ربي يوفقنا ونديو الباك بمعدل مليح

imymene · 2012-03-17, 16:58

بدلت رايي لوووول
صيدلة والديا لي قالولي ديريها انا راني حابة اعلام الي ان شاء الله
و كيما علابالكم لازم 17 فالباك و رغم معدلاتي ما رانيش فاقدة الامل
علابالي نقدرلها دوك نبدل العقلية خلاص اللعب والفايسبوك
دوك لحق وقت الصح
ادعولي خاوتي
الطموح و الارادة كاينين و ان شاء الله تكون نتيجة

samtadjine · 2012-03-19, 20:14

nn okhty shwiya hakka oushwiya hakka mat9olish irada ou tomo7 ounty tel3by outgassry akid ned3olek meme ana bac mais manish mkesra rassy bezzaf mais je ss sur belli neddih