مساعدة الفتاة لخطيبها

[عُضو مُحترم]

المشاركة الأصلية كتبت بواسطة maiar

بارك الله فيك اخي الكريم راني كتبت فالردود السابقة باني

والله حايرة في امري علبالي بيه ما يقبلش الحكاية هذه اصلا

و ما يقبلش فكرة انو نعاونو بصح قلت نديهم معايا فالجهاز

كاين صديقتي دات معاها الغسالة قلت انا نديهم او على الاقل

وحدة منهم ونقولو مكلاه تشريهم حنا في عادتنا نديو معنا

هاذو و خايفة كيما قلت انت تكون ردة الفعل تاعو سلبية

و يعتبر بلي اههانة و نقصان ليه و انا مش حابة نجرحو من غير قصد

هو قادر يشريهم في ثلاثة بصح انا قلت نعاونو برك والا غالطة نخليه

هو لي يديرهم واش رايك ؟

انا من رايي ( راني على حساب عقليتي انا)

لا تفعلي اي شيء لمحاولة مساعدته

الزواج بالنسبة لبعض الشباب فرصة لكي يُبرز لناس جميعا

و خصوصا زوجته و اهلها بانه مقتدر ماديا و ماليا

و يستطيع تحمُل تكاليف الزواج و البيت لوحده بدون مساعدة

يعني بذراعو و تاكل على روحو

فدعيه يحقق هدفه

رُبما ياتي يوم ويقولون له

كون ماشي مرتك عاوناتك ماتتزوجش


=================

و كما قلت لك العقليات تختلف

انا لا اقبل

هناك من يقبل

و هناك من يطلب من خطيبته المساعدة

و هناك من يتزوج بنقودها و يطلب شهريتها زيادة

============

ربي يهنيكم ان شاء الله

السعادة ليست في الغسالة او الثلاجة

و ليست في ان يقول الناس جهاز غالي و جهاز كبير او دار كبيرة او ذهب بزاف

و ليست في كلام النساء على فساتينك و التصديرة و بقية الشكليات


السعادة في التفاهم و الرحمة و الحُب بين الزوجين


ربي يوفقكم و يسعدكم و يبارك في زواجكم