مساكم ورد وفل لكل الاخوات المشتركات بالدورة
واكيد احلى مسا لاختاي حبيبة وكارمن
طيب انا كان يوم مختلف عن الاخت بنت الباهية
لانو كان يوم الميناج والعمل
لانو بحكم العمل طول الاسبوع تبقى اعمال الميناج اما ليوم الجمعة او السبت وذلك على حسب اليوم لي يجي فيه الما
لانو الخدمة من ماء العين احسن يكون الماء دافي وماشي بارد
نبدا نحكيلكم يومي على بركة الله
انا اليوم مانظتش بكري
راحت عليا نومة
والعمل اكيد مقسم بيني وبيني الوالدة ربي يحفظهالنا
نظت لقيت ماما تغسل في الحوايج
رحت نطيب في الغدا و عملت كسكسي وسلاطة وبسبوسة لانو ممكن يجيونا ضياف المساء
منها تحلية للدار منها نوجد اذا جا ضيف مفاجئ
في نفس الوقت رحت حطيت الفراش فوق التيراس باه يتشمس
والوالدة خرجت الزرابا نتاع زوج غرف يتشمسو
انا في هاذاك الوقت حكمت مسحت لغبار على اثاث المنزل كاااامل ما خليت والو
الخزاين الاسرة الكوادر البيبليوتاك
وكل شيء
بعدين جاء وقت الغدا حطيت تغدينا
خليت اختي الصغيرة هي لي تغسلن المواعن منها مساعدة ليا منها تتعود على الشغل
و العمل الاضافي لي قمت بيه هو اني مسحت الفور مليح من الداخل و مسحتلو الزجاج نتاعو
وماما مسكينة مازالت حاصلة في غسيل الحوايج تعرفو في الشتاء كيفاش لحوايج يكونو برشة
بعدين رحت نسيق في الدار
سيقت بالنشافة ثلاث مرات وفي الاخيرة حطيت المعطر
للاسف مانقدرش نصب الماء لانو الغرف معمرين اثاث والماء يهربلي في الكوانات مانقدرلوش غير في ايام الميناج الكبير برك
سيقت ثلاث غرف وصالون
بعدين الكولوار هاذاك حكيتو بالبالية ونظفتو مليح واكيد عطرتو
بعدين سلمت بقية التسياق لماما نتاع الكوزينة والدوش حاشاكم
و طلعت انا فوق التيراس و كنستها و زدت كنست الدروج لي يهبطو للدار
و نظفت للقط و عطيتو الاكل لاني بانيتلو دار صغيرة في التيراس
هبطت الفراشات وكانت ماما كملت التسياق هبطت معايا
عاودنا فرشنا الديار و حطينا الزرابا و عطرنا الدار
كملنا قبل العصر بشوي
رحت اهتميت بروحي راكم على بالكم
وجيت ضربت طلة عليكم وعلى المواضيع نتاعي واجبت على استفسارات الاخوات
وخليت الميكرو شاعل وساعة ساعة نطل
بعدين سخنت العشا وحطيتلهم يتعشاو بعد المغرب
تعشينا وغسلت المواعن
اخر شيء صليت صلاة العشاء و قريت حزبين نتاع القران باه باذن ربي نختم القران في نهاية الشهر
كانت عندي خدمة في الميكرو لماما
لانها معلمة كتبتلها التوزيع الشهري نتاعها و طبعتهولها
بعدين رحت درت العشاء للقط نتاعي
وجيت نحكيلكم النهار نتاعي كيفاش عدا
هاااه واش رايكم
وبعد شوي نروح نحكم بلاصتي نتفرج شوي ونروح نرقد
( تقرير عن مشاركة سيئة )، و الموجودة أسفل كل مشاركة .
2012-03-03, 22:28
العرض المتطور
