ورشة انجاز تروسو سموكس - الصفحة 83

fifiarch · 2012-02-28, 21:56

اقتباس:

المشاركة الأصلية كتبت بواسطة ام مرية

هاذي خدمتي لنهار اليوم اختي فيفي محتاجة تشجيعك انت وكل البنات
هادي عن بعد

وهادي من الخلف

وهادي من الامام عن قرب

يعطيك الصحة اختي ام مرية
على التيزانة باه نجربها لان انا تانا دايما صاري فيا
و على الخدمة نتاع الصح في المستوى واصلي
مبصع عودي كملي السطر كامل ماتخدميش نصو برك

ام مرية · 2012-02-29, 00:21

انا حسابلي نخدمو بالقطعة ومن بعد لخرى ولكن ماعليش نزيد نكمل القطعة لخرى اصباح راني غير قاعدة نكمل برنامج الرقي لمدبرة منزل مثالية ونرجع ليه اختي فيفي ما شفتكش لتم ارواحي نضمي لينا كاين بزاف اخوات ما يتخيروش عليك سيرتو الاخت حبيبة راهي حبوبة كيفك وكلامها عسل في عسل راح تفرحي معانا

نور الصفاء · 2012-02-29, 09:41

السلام عليكم
هاهي خدمتي

هذو الياسمينات مقلومبين ...الى حد اليوم راني خدمت القطعة الاولى كاملة وراني بديت فالثانية

وهنا أقرب باش يبانو أحسن

ام مرية · 2012-02-29, 09:45

صباح الخير على الحبايب جزت قبيل وسبتكم راقدين ما حبيتش نوضكم وكي ناضت اختي نور الصفاء حبيت نقسر معاها
خدمتك هايلة وراح نوفو الاستاذة واش تقول انتي تاني درتي كروفات ولا مراهش يبانلي مليح

-رودينا- · 2012-02-29, 09:45

[QUOTE=fifi180;9018541]

اقتباس:

المشاركة الأصلية كتبت بواسطة حراوية وافتخر

كي شفت حراوية و افتخر قلت اكيد نسيتي صاد انا منن تقرت و انت؟

صباح الخير على الجميع
خيار الناس حبيبتي انا من الاغوووووواط 03

-رودينا- · 2012-02-29, 09:47

اقتباس:

المشاركة الأصلية كتبت بواسطة ام مرية

هاذي خدمتي لنهار اليوم اختي فيفي محتاجة تشجيعك انت وكل البنات
هادي عن بعد

وهادي من الخلف

وهادي من الامام عن قرب

كل شئ مبروك عزيزتي ماشاء الله

نور الصفاء · 2012-02-29, 09:54

اقتباس:

المشاركة الأصلية كتبت بواسطة ام مرية

صباح الخير على الحبايب جزت قبيل وسبتكم راقدين ما حبيتش نوضكم وكي ناضت اختي نور الصفاء حبيت نقسر معاها
خدمتك هايلة وراح نوفو الاستاذة واش تقول انتي تاني درتي كروفات ولا مراهش يبانلي مليح

السلام عليكم
راني نايضة من الصباح وراني فالخدمة تاعي
شكرااا ليك أختي أم مرية أنت تاني خدمتك رائعة .......لاكولار تاعي موف ماشي كروفات ........شفتي الابراي فوتو تغش ماتخرجش لى كولار نيشان

ان شاء الله الاستاذة تعجبها خدمتي

وشكرااااااااااا ام مرية

ام مرية · 2012-02-29, 10:17

شكيت بلي موف مين شفت الفوطو الثانية حتى الموف باهي ماعندك ما تقولي فيه كاشما عندك في الدار واحد يعاونك كي كملتي قطعة كاملة انا من شغل الدار ومرية راني في حالة
على فكرة انا راني في داري لاني ماكثة في البيت راجلي ما يحبش المرى الخدامة ما نعرف علاه

ام مرية · 2012-02-29, 10:19

حراوية حنونتي شفتيني كي نجحت يشدلي في الاحباب والله يكترهم
هكدا باش نسفاد اكتر ههههههههههههه

نور الصفاء · 2012-02-29, 10:30

ربي يقدرك أم مرية
عندي اختي منين تشوفني مدابزة مع الياسمينات تجي تخدم معايا نغيضها ...بانلها كبير باش نخدمه قاع وحدي

-رودينا- · 2012-02-29, 10:32

ما عرفتش واش نقولك انساتي فيفي وكل الاخوات والله غير حشومة حاولت شحال من مرة تبعت كل الخطوات يمكن السبب هو انو نقط ثم نكمل في اليوم الموالى علابيها يصرالي الدكالاج البارحة قلت اختي تنقط قلت يمكن انا لي فيا الديفوا بدات رسمت مربعات امبعد صرالها دكالاج جا خويا قتراح بعض الطرق وكي فاتني الوقت قلت نطبقها اليوم كي نخرج من الخدمة راني نغيظ
وعندي اقتراح لوكان تقبلي وما تخذلينيش والله غير حابة نكمل معاكم قلت نبدل المودال الغرزة تبقى نفسها اذا امكن ارجوكي، مانديروش كامل سموكس راني نتكلم على الكوفرولي الغطاء اما الباقي كيما ديري اندير وحطيت صور باش تتوضحلك الفكرة حبيت لوكان تعطيني القياسات :
1 - طول وعرض الكوفرولي اظن يكون 1.5 عرض و2.2 طول اي نفس القياسات لوكان جا مخدوم بالغرزة
2-المعين لي في الوسط ايكون شحال طول وعرض كيما الصورة الثانية اي كبير نخدموا ياسمينة مقلوبة + ياسمينة كبيرة وكذلك المعينات الصغار لي في الجوانب الصورة الاولى يمكن هكا نصيب راسي نخدموا ان شاء الله كيماالصورة الثاني ماتزعفيش عليا وتقولي درات كيما تحب انا لجئت لهذا الحل كي ذاقت بيا فرجيها عليا والله غير المودال الاول راهو بين عينيا

ملاحظة هذي في حالة منجحتش اليوم اما لو ننجح نكمل في المودال الاول كلو سموكس
اسمحيلى كثرت عليك علابالي عندك بزاف انشغالات ويا حبذا لو تعطيني القياسات اليوم او غدا باش نتفرغلو في الوكاند والاحد نحطلك العمل ديالي كامل مكمول ان شاء الله ،باذن الله ونطبق الدرسين في نفس الوقت ارجوكي لاتتخلى عني اختى فيفي ماتطرطينيش من الدورة اعطيني فرصة اخري تعيشى

-رودينا- · 2012-02-29, 10:38

اقتباس:

المشاركة الأصلية كتبت بواسطة ام مرية

حراوية حنونتي شفتيني كي نجحت يشدلي في الاحباب والله يكترهم
هكدا باش نسفاد اكتر ههههههههههههه

اميين حبيبتي استعملت الموقع لي بعتلك ولا حاجة اخري باش نستقيدوا معاك

batoul2000 · 2012-02-29, 10:40

اقتباس:

المشاركة الأصلية كتبت بواسطة fifiarch

لانك ماكش موالفة تحطي اعمالك اختي بتول
مانقدرش نحكم

السلام عليكم
اختي فيفي نحاول نحط الصور ....و ان شاء الله ننجح
يسلمووووووووووووو

جزائرية197 · 2012-02-29, 12:38

السلام عليكم
اليوم اكتشفت بلي الغرزة الي خيرتها تنقص القماش للثلث مشي للنص
يعني 1.5 راها مدتلي يقريبا 50 سم خدمة تاع سموكس
و الطور خلوه على ربي ما زال ما بانش
شكيت راني نخدم في مخدة و انا لا خبر
المهم وقيلة تخرج لي القطعة صغيرة بزاف، نديرها في الوسط و الاطراف لخرين كلهم بالطرز ولا واش رايكم

ام مرية · 2012-02-29, 12:55

ستعملت موقع اخر للامانة ولكن الموقع الي عطيتيني ثاني يخرج الصور المشكل كان فيا انا ما نفاسيش واحد الرمز في المربع الاصفر وندير فوقو