ورشة انجاز تروسو سموكس

[جيهان13091991]

مساء النور اختي فيفي و كل الاخوات واش راكم انا ماعنديش بزاف ملي روحت , و هذا وين كنت نشوف فالدرس دوختني شوية الياسمينة الكبيرة مي خلي حتى نوصلها و نشوف , ايه اختي فيفي نديرو غير 2 سطور بالبونج هكا و لا غالطة هههه بانتلي ميش راح نسقسي بزاف اذا لقيت اشكال راح يكون فالياسمينة الكبيرة , انا نروح نكمل الفيديو

[-رودينا-]

المشاركة الأصلية كتبت بواسطة fifiarch

مساء الخير اختي
علاه هكا
راني من قبيل نقرا في الردود نتاعك ولقيت المورال طايح خلاص
قربي نقلك
اولا الخياطة نتاع القماش كي جات زايدة معليش
قصي بالمقص على طرف الخياطة و هكا تجيك الخياطة على الحاشية
ثانيا التنقيط صح يجيك بالزاف لكن غير بالشوي عليك ماتقلقيش روحك
اما عن الكادر نتاع عشرة سنتيمتر انا تانا عوجتو
لكن كي عادت الخدمة من خلف معليش الديكالاج لي صرا تداركتو و مابانش
ياك شفت الخدمة
حطي قماشك في مكان واسع و سويه مع الكارلاج وابداي على بركة الله
ماتتقلقيش ماهمش فايتينك بالزاف
اولا لانك راح تخدمي الفراش كامل بالسموكس
ماراحش تخدمي كيما انا نلصق القطعة نتاع الوسط ونزينها
يعني عندك الوقت باه تلحقينا
ماتتقلقيش
ياك غير بالشوي
و ماعادش نحب نسمع حكاية راح ننسحب
كاين بالزاف مازالو كيف انت ملبصح راهم يخدمو
ماتطيحيش المورال لروحك
اخدمي بالتنقيط وبلعقال وراح توصلي لنتيجة باذن الله

تسلمي حبيبتي على الرد بالنسبة لدكالاج لما حطيت البترون على الكادر انتاع 10سم باش انقط ماطاحش معه امالا قلت راني غالطة ايبشرك بالخير يا وجه الخير ، ونقطة تجى الفوق واخري التحت صافي نورمال
الدوروس ماهيش خلعتنى وانت راك مبسطتها الى اقصى درجة لي مايفهمش معاك يولي فاهم لوكان يخرجي برك الكادر مستقيم وتخرجلى المربعات الاولى صحيحة الباقي ساهل

[fifiarch]

المشاركة الأصلية كتبت بواسطة جيهان13091991

مساء النور اختي فيفي و كل الاخوات واش راكم انا ماعنديش بزاف ملي روحت , و هذا وين كنت نشوف فالدرس دوختني شوية الياسمينة الكبيرة مي خلي حتى نوصلها و نشوف , ايه اختي فيفي نديرو غير 2 سطور بالبونج هكا و لا غالطة هههه بانتلي ميش راح نسقسي بزاف اذا لقيت اشكال راح يكون فالياسمينة الكبيرة , انا نروح نكمل الفيديو

معليش بلعقال جربي واي اشكال راني رهنا

[fifiarch]

المشاركة الأصلية كتبت بواسطة حراوية وافتخر

تسلمي حبيبتي على الرد بالنسبة لدكالاج لما حطيت البترون على الكادر انتاع 10سم باش انقط ماطاحش معه امالا قلت راني غالطة ايبشرك بالخير يا وجه الخير ، ونقطة تجى الفوق واخري التحت صافي نورمال
الدوروس ماهيش خلعتنى وانت راك مبسطتها الى اقصى درجة لي مايفهمش معاك يولي فاهم لوكان يخرجي برك الكادر مستقيم وتخرجلى المربعات الاولى صحيحة الباقي ساهل

ربي يسهلك غير بالشوية

[جيهان13091991]

المشاركة الأصلية كتبت بواسطة fifiarch

معليش بلعقال جربي واي اشكال راني رهنا

merci rabi ykhalik normalement makanach ichkal ki ndir lyasmina lma9louba toukhraj lyasmina lakbira wahadha na3dalha brk walaho a3lam

[fifiarch]

كي تجربي اختي جيهان ضك تفهميها اكثر
راكي تخرجي الورقات نتاع الياسمينة لي اسقل و ترتبيهم وتخيطييهم

[ام مرية]

ربي ينجح كل ابناء المسلمين وقتاش تروح مرية للمسيد ونراجعلها دروسها ربي يبلغني هذاك النهار
اخواتي انا التنقيط جاني ساهل وكملت في 3 سوايع او اقل وعلاش عندكم مشكل فيه
ولا نقولكم انا مشكل تنزيل الصور بزاف عليا لوكان نزيد التنقيط وقيلا نهبل

[هاجر 76]

[QUOTE=fifiarch;9001249]

اهلين بترا
واش الغيبة هاذ شحال مابنتيش
تم التصحيح مشكووورة


ahline okhti fifi inchaallah raki miha okhtek rahi ghir m3a khadma bareh chadou micro makdertech nconecter kolte nkamel khadma jabtha hata 11.30 rassi dekh

[هاجر 76]

المشاركة الأصلية كتبت بواسطة حراوية وافتخر

صباح الخير على الجميع
النجدة ساعدوني
انساتي واخواتي ارجوا المساعدة البارحة جبت القماش من عند الخياطة
اولا -غلطت باش تخيطوا بالعرض خيطت بالطول اي ولا كيما شريتو 8 امتار قلبي حبس عاودنا فتحناه
ثانيا -كي جات تخيط القطعتين قلتاها ماتخليش بزاف اقل من 1سم كيما طلبت الاستاذة لكن الاسف خليت 1.5 سم لاخطرش كانت لاليزيار مثقوبة وخفت يخرجوا الثقابي كي نخدم
وغير ادخلت لدار بديت فية خليت 10سم من الجوانب تحصلت على مربع كبير مانقولكمش شحال عيتت من الخدمة وكملت على روحي بالتروسو هدة المرحلة جازت عليكم وقلت معليش نتحمل لكل بداية نهاية ولما كملت شحال فرحت كنت معولا عليه باش نكملوا يالوكان نموت باش نلحق بيكم المفاجئة انو لما حطيت البترون تاع المربعات حصلى واحد الدكالاج فشلت كنت عيانة وزدت عيت اكثر معرفت واش اندير صورت الدكالاج بصح منقدرش نحط الصور اليوم غدا ان شاء الله
معرفتش العيب وين واش ندير من فضلكم ساعدوني المورال راهو هابط -00000000 خاصة لما تحط الدرس الثاني

choufi okhti matkalkiche rouhak hata anna sratli malgrer rani moilfa m3a tankite kararte nsatar derte des caré
w bdi kifi derte yassmina fi wasste bech tghati 3a khiata



fifi ki kasste katane m3a matrah lkite khassni chuiya amala khalite 6 santim mna joinebb bark

[fifiarch]

المشاركة الأصلية كتبت بواسطة petra imad

choufi okhti matkalkiche rouhak hata anna sratli malgrer rani moilfa m3a tankite kararte nsatar derte des caré
w bdi kifi derte yassmina fi wasste bech tghati 3a khiata



fifi ki kasste katane m3a matrah lkite khassni chuiya amala khalite 6 santim mna joinebb bark

معليش بترا راكي موالفة بالخدمة

[ام مرية]

اختي فيفي ما عليش خي خليت في الكادر 12سم هدا وين فقتلو وراني كملت تنقيط معليش ولا يجي مزعوق

[جزائرية197]

السلام عليكم ورحمة الله
حراوية ماكان لاه تتقلقي ، كل شي يجوز
انا ثاني سليت مي مازالني حتى لدوكا ما سليتش القماش كامل سليت وين نخدم برك او مبعد نكمل البااقي لأنو من بعد السل يبقى ساهل تبعي لا تراس برك
او نزيدك حاجة انا راني دايرة مربعات تاع 3 سم يعني بالعشرة انتوعك تحقيني و تفوني ، راني درت خدمة الفكرون
يا من عاش و كمل الخدمة هههههه
فيما يخص موضوع الرسم كي نحطي اعمالك راني نتناقش معاك او بلاك بدروس انتوعك نشري او نتعلم معاك
الحرفة تاع اليد مش خسارة فيها الدراهم
يعني الواحدة تخدم حاجة على كيفها وتزيد تكسب حاجة ما كانش لا في الحوانت لا في البيوت/حاجة سبيسيال
اليوم راني مريضة و مع رومافاد راني مصروعة الفهامة او راحتلي
لاباس عليك فيفي

[batoul2000]

المشاركة الأصلية كتبت بواسطة حراوية وافتخر

والله يا بتول غير طحت ولا وحدا سمت عليا كي شفت ردك بانلي بصيص من الامل ربي يعطيك ماتتماناي راهو اقولى راسي ننسحب من الدورة بكل هدوؤؤؤء ونمد الادوات لكاش وحدة نستاجر فيها وتدعيلي بالخير مش من عادتي نستسلم بصح ضاقت بي خلاص
بقلاي حل وحيد النسل الخيط اذا مانجحتش ابقاو على خيييييييييييير
ربي اكون في عونك حبيبتي

السلام عليكم ..اختي و الله انا الحمد لله سليت الخيط و تهنيت منه.و الله ساهل يدي شوية وقت بصح تكملي ان شاء الله
اما الخدمة جاتني ساهلة راني في السطر الخامس...........اياك تنسحبي .......لا تستسلمي ابدااااااااااا.........ايا انعلي الشيطان و ارواحي الحقينااااااااااااا...........بركاي من الكسل
سلااااااااام

[جيهان13091991]

المشاركة الأصلية كتبت بواسطة fifiarch

كي تجربي اختي جيهان ضك تفهميها اكثر
راكي تخرجي الورقات نتاع الياسمينة لي اسقل و ترتبيهم وتخيطييهم

ايه شكرا اني جربت كيفاش و لقيتلها حل بصح مانيش رايحة نبدا الخدمة بالاك حتى لغودوا ليوم عندي fiche td راني حاصلة زاد قالك المذكرة ندفعوها في افريل مي اني نحاول نخدم و بربي نكون ديما فالموعد

[batoul2000]

سلااااااام..........اختي فيفي الله يسلمك.........سايي كينسحق الخاتم نجي نديه من عندك
اما على الخدمة راني جاية ما تتقلقيش..........راني في السطر 5
سلااااااااااام