ورشة انجاز تروسو سموكس

[fifiarch]

المشاركة الأصلية كتبت بواسطة حراوية وافتخر

صباح الخير عليكم وصح فطوركم واش راكم صافا ، شكرا اخت فيفي على الدرس والشرح الوافي
1- بالنسبة ليوم عرض العمل و هو السبت علابالك بلي ماعنديش الانترنت في البيت ان نستغل متابعتكم غير في فترات الراحة ديالي من 12-13 فسوف اعرض العمل يوم الاحد ارجو ان تتقبلي عذري يا انستي فانا تلميذة مجتهدة والله ومتابعة لك جيدا فلا تعتبيره تهاون اثناء التقييم
2- شريت التيل كما طلبتي ابيض يلمع شحال شباب شريت مترا يكفي ولا نزيد؟؟؟؟؟
3- جاتني فكرة على انى نرسم المربعات على النيلون الابيض الخشين لي يتباع بالمترا قلت نشري مترا و1/2 ونضعها على القماش ونعمل التنقيط هكا نربح الوقت ونتحصل على اكبر عدد من النقاط فكرة هايلة واش رايك وهكا نتحصل على بترون ونحتفظ بيه على طول
4- وهذا الاهم لما نطبق النقاط على القماش نقوم بربط النقاط الاربع ثم ننتقل للنقاط الموالية كيما وضحتي في الفيديو ولا نترك 4 نقاط على اساس مربع فلا نطبق نظرية مربع و مربع لالا (انا سميتها نظريه هههههه) كما قلتي في الشرح لانو انا صراتلي كي جيت نتعلم الغرزة قبل ما نبداو جمعت4 نقاط وتركت 4 نقاط على اساس مربع ايه و مربع لالا مخرجتليش الغرزة ولما عملت كيما انت جمعت النقاط 4 وانتقلت للنقاط الموالية وهكذا خرجتلي هايلة انا حبيت انوضح يمكن الاخوات يفهموا النظرية هكا .فهي صحيحة لما نعمل بالمربعات وليس بالتنقيط ارجو تكوني فهمتي قصدي
وفي الاخير نتمنى انو نكون في الموعد لاخطرش عندي 100 شغل نديروا راني خايفة مانلحقش

معليش المهم نهار الاحد نلقاو العمل نتاعك هكا باه نقيمو
ولك العذر كله
اعتقد انو متر يكفيك بالنسبة للتيل شفت شحال شباب
انا اصلا نهار لي شريتو عجبني شكلو و ما كنتش لاقيتلو فكرة
لكن الان ان شاء الله نديرلكم واش تديرو بيه و يجيكم شبااااب
راني بقيت الفكرة مبصح ماتسالونيش عليها ضك
بالنسبة لفكرة النيلون اكيد اي شيء يصلح تقدري تخدمي بيه خصوصا لو كانت الابعاد نتاعو كبيرة هكا باه تقتصدي الوقت
و كيما قلت تربحي النقاط
اختي النقاط الاربع معناها مربع صح
مانقدروش نرسمو المربع لانو تجي الخدمة بشعة و تبان الخطوط واصلا رانا اعتمدنا طريقة التنقيط
كي تلاحظي الفيديو راح تلقايني عاملة ياسمينة قبل
و مبعد كي جيت نعمل لي جنبها مباشرة حوست على نقاط المربع لي بعدها
يعني كي ترجعي للرسم الاول تلقاي روحك عملت مربع و مربع لا
لانو القماش يتلم و المربع لاخر لازمك تسوطيه اتمنى تكوني فهمتيني
اما عن الشغل اكيد لازمك تلحقي في الوقت راني عطيتكم الترتيب نتاع الاعمال بحيث كل يوم تخدمو حاجة و في ساعة واحدة فقط و كل حاجة راها تتخدم في اقل من ساعة يعني تخدمو مرتاحين باه تتقنو العمل