السحب من moneybookers الى بنك جزائري ..

[لطفي لطفي]

المشاركة الأصلية كتبت بواسطة mendz

السلام عليكم

أعلمكم بان بنك societe generale توقف نهائيا من سحب اموال western union بالنسبة لــ google adsense

السبب : تعليمة جديدة في كافة فروع societe generale مفادها : لا يمكن للأفراد في الجزائر استقبال الاموال من طرف الشركات بالخارج

يعني لا يمكن ان ترسل المال او تستقبل المال
و تحيا الجزائر

نفس المشكل لي حصلت فيه
الحل الوحيد هو فتح حساب بالعملة الصعبة في bea
واستقبال الاموال عن طريق الشيكات وتحويلها في حسابك
ممكن نتصل مع بعض لتبادل الخبرات

وشكر موصول لأصحاب الموضوع
راكم افدتونا بزاف عندا مشكل متشابه لحد كبير
أعذرونا

[mbkingdom]

مرحبا جميعا
انا عندي حساب في BADR باليورو طريقة فتح الحساب سهلة جدا وفي دقائق ساعة على الأكثر
مبلغ فتح الحساب 20 اورو فقط لا غير
الوثائق المطلوبة

شهادة ميلاد رقم 12 اصلية
شهادة الاقامة
2صورة شمسية
طلب خطي
20 اورو

فقط فقط فقط
لاشهدة عمل ولا شهادة مدرسة ولا اي شيء اخر

الحساب من اول يوم تقدر تستعمله
راح يعطوك وثيقة بها جميع معلوماتك الضرورية مثل swift code ورقم الحساب وعنوان البنق ورقم الشباك
المهم................
في الموني بوكر تقوم بإضافة حساب بنكي و تضع معلومات به وبمجرد انك تضع السوفت كود راح يتعرف على البنك بشكل اتوماتيكي
انا سحبت من شرتين وحدة من امريكا ولأخرى في بريطانيا و المبلغ يدخل الحساب في اول يوم لكن البنك مش راح يعطيك المبلغ الا بعد مرور 25 يوم السبب............. لا ادري
انا سحبت بالدولار و يتم تحويل المبلغ الى اليورو مباشرة وبدون اي مشاكل تكلفة التحويل 3.5 بالمئة يعني في الحساب راح تستلم الأورو مش الدولار
هذا كل ما في الأمر

بالتوفيق

[bac_2011]

المشاركة الأصلية كتبت بواسطة mbkingdom

مرحبا جميعا
انا عندي حساب في BADR باليورو طريقة فتح الحساب سهلة جدا وفي دقائق ساعة على الأكثر
مبلغ فتح الحساب 20 اورو فقط لا غير
الوثائق المطلوبة

شهادة ميلاد رقم 12 اصلية
شهادة الاقامة
2صورة شمسية
طلب خطي
20 اورو

فقط فقط فقط
لاشهدة عمل ولا شهادة مدرسة ولا اي شيء اخر

الحساب من اول يوم تقدر تستعمله
راح يعطوك وثيقة بها جميع معلوماتك الضرورية مثل swift code ورقم الحساب وعنوان البنق ورقم الشباك
المهم................
في الموني بوكر تقوم بإضافة حساب بنكي و تضع معلومات به وبمجرد انك تضع السوفت كود راح يتعرف على البنك بشكل اتوماتيكي
انا سحبت من شرتين وحدة من امريكا ولأخرى في بريطانيا و المبلغ يدخل الحساب في اول يوم لكن البنك مش راح يعطيك المبلغ الا بعد مرور 25 يوم السبب............. لا ادري
انا سحبت بالدولار و يتم تحويل المبلغ الى اليورو مباشرة وبدون اي مشاكل تكلفة التحويل 3.5 بالمئة يعني في الحساب راح تستلم الأورو مش الدولار
هذا كل ما في الأمر

بالتوفيق

بارك الله فيك أخي, و اخيرا واحد جرب, و لهذا ارجوا ان ترفع عنا اللبس في هذه النقاط :
1- أهم شيء المصدر, واش قالو وواش قلت
2- هل سحبت عدة مرات و هل كانت مبالغ معتبرة, لأنه كما أظن كيشوفوك تسحب بزاف, يديرو عليك أونكات
3- تستلم أورو و لا دينار

أخيرا هذه أسئلة تتعلق بالبنك, أولا وين جاي ثانيا هذا هو البنك الذي اسمه بنك الفلاحة أو ما شابه, بحثت شوية عليه لقيت سيت ديالو فيه رقم هاتف, عندما اتصلت بهم ردت علي امرأة و في رايكم واش قالت لي, ان الرقم الذي طلبتموه خارج الخدمة هههههه يعني بيريمي وماكانش منو, و بما أنك عميل لهذا البنك تقدر تعطينا معلومات, وين جاي أرقام هواتف تعمل ههه, فروعه وين جاية
راك أفدتنا بزاف و واقيل خويا D.ZED ( بالنقطة هههه ) غير هاذ البنك ليماشافوش, راح يفرح اذن كيما فرحنا, بارك الله فيك mbkingdom ( وقيل حبيت تقول moneybookers kingdom ) , كمل معانا يعطيك الصحة, مجرب و لا طبيب هههههههه

[bac_2011]

سمحلي mbkingdom , نسيت الصح واش صرالك من جهة موني بوكرز, طلبولك وثائق ولا لا ووقتاش وشنوهوما !!

ان شاء الله متقولش ندمت لدخلت هنا, سمحلي و ان شاء الله تفيدنا

[dzed]

بنك بدر أو BADR يعني banque d'agriculture et de develeppement rural كيما قلت خويا باك2011 اسمو بنك الفلاحة و التنمية الريفية
لأنو فيه ناس ياسر يحسابو اسمو بدر يعني البدر الي نعرفوه بصح الكلمة جات صدفة
أنا قلت نعاون في الموضوع وو لو بالقليل...
بالتوفيق

[bac_2011]

بنك بدر أو badr يعني banque d'agriculture et de develeppement rural كيما قلت خويا باك2011 اسمو بنك الفلاحة و التنمية الريفية
لأنو فيه ناس ياسر يحسابو اسمو بدر يعني البدر الي نعرفوه بصح الكلمة جات صدفة
أنا قلت نعاون في الموضوع وو لو بالقليل...
بالتوفيق

بارك الله فيك, وكيما قلت جاء صدفة

[D.zed]

المشاركة الأصلية كتبت بواسطة bac_2011

D.ZED أولا أشكرك كثيرا على جهدك ( راني درتلك شكر هههه ), يعني يمكن أن نستنتج من كلامك أنه ماكاش مشكل سحب المال , لكن لازم اثبات عمل, قلي حاجة برك, السيد ليعرف الفريلانس, مانصحكش بكاش astuce, عمبالو بلي هذي امبوسيبل , ماشي سكرين شوت هههههه
و واش خلاصتك انت , كيفاش راح دير !!

ولاش راح ندير؟؟؟ ههههههه

الكفاح مستمر اليوم راني طالع للعاصمة باش نزيد نشوف

كاين جديد بخصوص Societe General ... يقبلون فتح حساب اورو تدفع 500 اورو في الاول لفتح الحساب ثم يمكن استقبال المونيبوكرز بقيمة المهم لا تتعدى 7500 اورو يعني 10000 دولار ... عشرة الاف دولار و هذا جيد جدا الا اني لا احب الاورو

[D.zed]

المشاركة الأصلية كتبت بواسطة dzed

بنك بدر أو BADR يعني banque d'agriculture et de develeppement rural كيما قلت خويا باك2011 اسمو بنك الفلاحة و التنمية الريفية
لأنو فيه ناس ياسر يحسابو اسمو بدر يعني البدر الي نعرفوه بصح الكلمة جات صدفة
أنا قلت نعاون في الموضوع وو لو بالقليل...
بالتوفيق

كاين ديزاد اخر في المنتدى ؟؟ انا جيت قبلك

راني نعرف وين جاي المقر نتاعم ... جاي كيما مقر الحكومة في العاصمة او هادوك ايمدو الرسمي و لكن بما انه باليورو ..
و لكن اذا جزت نسقسيلكم

[D.zed]

المشاركة الأصلية كتبت بواسطة bac_2011

راك أفدتنا بزاف و واقيل خويا D.ZED ( بالنقطة هههه ) غير هاذ البنك ليماشافوش, راح يفرح اذن كيما فرحنا, بارك الله فيك mbkingdom ( وقيل حبيت تقول moneybookers kingdom ) , كمل معانا يعطيك الصحة, مجرب و لا طبيب هههههههه

صح حاجة مليحة مي انا قلت لكم .. انموت على الدولار نحب بنجامان فرنكلان .. هاداك البوراس فوق البيي نتاع 100 دولار

انا الان بين القرض الشعبي و BEA ... افكر في بيع 2000 دولار هنا في الجلفة ثم افتح حساب ... المشكل في السوق السوداء راهو ايدير 115 و خاوتنا في الجلفة راهوم 100 او يسيو ايهبطوها


نرجع لكم خبر و لست متاكد لذا كما قلت راني نوجد في روحي دورك باه نروح نزيد نزورهم ..

هههههههه .. زيارة البنوك الجزائرية اصبحت هوايتي المفضلة

[D.zed]

المرة المقبلة ما نروحش بالهيئة العادية .. نكستحها (نلبس كوستيم) .. فاليز ديبلوماتيك .. كيلو مفاتح في يدي .. نلعبها نهدر في التليفون بالانجليزية

yeah yeah go ahead .. you can sell for that price but keep in mind .. no less than 1.5 million dollars

باه يستقبلوني كما يلزم و يفتحو لي حساب دولار او ما يبداوش ازمرو عليا ...

صدقوني هذا فيه شيء من الحقيقة .. كي يشوفو واحد كيما راني نحكيلكم ايقادروه او يتهلاو فيه مي كي يشوفو شعبي بسيط ... اون ليكيد


شكون ايسلف لي كوستيم؟؟ لاطاي 38 مادابيكم ... يالله يا جماعة هذا في صالح المنتدى

[دادي84]

المشاركة الأصلية كتبت بواسطة mbkingdom

انا سحبت من شرتين وحدة من امريكا ولأخرى في بريطانيا و المبلغ يدخل الحساب في اول يوم لكن البنك مش راح يعطيك المبلغ الا بعد مرور 25 يوم السبب............. لا ادري

لن تتمكن من سحب أموالك في البنوك الجزائرية الا بعد مرور 25 يوما فما فوق و ذلك حتى يتأكد البنك من سلامة الاموال التي تم استقبالها وكذا عمل chargeback أو ما يعرف ب refund في حال ما اذا تم ارسال الاموال بالخطأ أو اشعار بنك أجنبي بوجود عملية نصب ....

[دادي84]

المشاركة الأصلية كتبت بواسطة D.zed

المرة المقبلة ما نروحش بالهيئة العادية .. نكستحها (نلبس كوستيم) .. فاليز ديبلوماتيك .. كيلو مفاتح في يدي .. نلعبها نهدر في التليفون بالانجليزية

yeah yeah go ahead .. you can sell for that price but keep in mind .. no less than 1.5 million dollars

باه يستقبلوني كما يلزم و يفتحو لي حساب دولار او ما يبداوش ازمرو عليا ...

صدقوني هذا فيه شيء من الحقيقة .. كي يشوفو واحد كيما راني نحكيلكم ايقادروه او يتهلاو فيه مي كي يشوفو شعبي بسيط ... اون ليكيد


شكون ايسلف لي كوستيم؟؟ لاطاي 38 مادابيكم ... يالله يا جماعة هذا في صالح المنتدى

ههههههههههههههههههههههههههههههههههه

[دادي84]

اخواني لدي حل سهل جدا لمن يريد سحب مبالغ مالية هامة من الموني سوكرز أي أي بنك اخر الا وهو فتح 3 حسابات على الاقل بالعملة الصعبة في بنوك مختلفة و في كل شهر ترسل في كل بنك قيمة محددة مثلا 800 يورو و بالتالي يمكنلك تسحب على الاقل 2400 يورو شهريا هذا بغض النظر عن تبرير مصدر الاموال

[bac_2011]

خويا D.ZED ( بالنقطة ) , ضحكتني تع الصح, أسلوبك في الهدرة شباب هههههه, لكن لما لم تركز على بنك بدر هذا, قال الأخ mbkingdom , يدومونديو 20 اورو برك, ايه ماشاي مشكل دولار ولا دينار و لا ارورو, المهم القيمة نفسها, متعصبش على روحك, وين سلكت فرات , شوف بنك البدر, و ماتنساش تقولنا واش صرى معاك , راك صحفي الموضوع الميداني ههههه

اخواني لدي حل سهل جدا لمن يريد سحب مبالغ مالية هامة من الموني سوكرز أي أي بنك اخر الا وهو فتح 3 حسابات على الاقل بالعملة الصعبة في بنوك مختلفة و في كل شهر ترسل في كل بنك قيمة محددة مثلا 800 يورو و بالتالي يمكنلك تسحب على الاقل 2400 يورو شهريا هذا بغض النظر عن تبرير مصدر الاموال

أظن الأمر صعب شوية , يعني كل مرة موني بوكرز نكتبلو swift. وزيد الأمر متعب و التكاليف كبيرة شوية , لكن شكرا على الإقتراح

لن تتمكن من سحب أموالك في البنوك الجزائرية الا بعد مرور 25 يوما فما فوق و ذلك حتى يتأكد البنك من سلامة الاموال التي تم استقبالها وكذا عمل chargeback أو ما يعرف ب refund في حال ما اذا تم ارسال الاموال بالخطأ أو اشعار بنك أجنبي بوجود عملية نصب ....

ميهمش 25 و لا 30, المهم يجو !!

كاين جديد بخصوص Societe General ... يقبلون فتح حساب اورو تدفع 500 اورو في الاول لفتح الحساب ثم يمكن استقبال المونيبوكرز بقيمة المهم لا تتعدى 7500 اورو يعني 10000 دولار ... عشرة الاف دولار و هذا جيد جدا الا اني لا احب الاورو

بزاف 500 اورو, وقلي لازم جيبلهم سكرين شوت و لا كيفاه !

[dzed]

أجماعة لاكان دخلوا في الشهر أكثر من 1000 أورو مالا نتيكل برك أنا
و لاكان نهفو في بعضانا نقعد نقصر معاكم
علابالكم بحكاية D.zed ؟
قالك لقا منتدى أسمو الجلفة..قال وعلاه ما نسجلش فيه
قالك كتب dzed جاه ميساج "يا أخي ما كلاه تعيي روحك راهم طارو بيه و لا كان تحب ننصحك حط نقطة بعد D"
صحيتو ولاد بلادي