اجيبوني ارجوكم

marat ali · 2012-01-25, 15:23

هذه صرخة فتاة مغربية كتبته بالحرف اللاتيني وقمت بتحويله الى الحرف العربي ولم افهم بعض الكلمات لذى تركته كما هو

انا فتاة مغربية اعرف شاب جزائري من بلعباس واصبحت ابغيه كثير وعدني بالزواج واعطيته الورق قالى اصبري عليه حيث ان اهله ولكن انا خايفة يلعب بيا

ana fatat maghribia a3arif chab jazairi min bel abes o wlit nbghih bezf wa3adni bi zawaj o 3titou lwaar9 li kahssou yajma3 9ali nesbar 3lih hit dakahl dialo 9alil o 9oultlih wkaha bessh ana kahyafa ykoun
kil3ab o safi 3afakoum 3tiwni rayakoum

يا اختى الكريمة انت في البداية مخطئة لعدة اعتبارات اولا التعارف في النت خطأ كبير لاننا لا نعرف الا شخصا وهميا لا نعرف شكله ولا كنهه ولا اخلاقه ثانيا هو من بلد وانت من بلد وكيف تعطين لرجل لا تعرفين عنه شيئا اوراق على ما فهمت هي كلمة وحدة اطلبي منو يجي يخطبك ويتزوج بك على سن الله ان نلكع وبدأ يقلك في اعذار اقطع صلتك به وعيشي حياتك عادي

marat ali · 2012-01-25, 19:57

فهمتوني غلط انا شفت ليه الاوراق لي يلزمو يجمعهوم للزواج يعني الوثائق المطلوبة لواحد اجنبي باش يتزوج مغربية وقلتهوم ليه بصح هو ما جاوبني بحتى حاجة

princess alg · 2012-01-26, 09:23

راكي غالطة علاه ديري فيه الثقة << تامني بالحب و العلاقات تاع النت

السيدة كرمين · 2012-01-26, 10:52

مساء الخير الالة

منقدرش للاسف ننصحك لأن العلاقة اصلا غير شرعية

يا ختي اللي يحبك او معجب بيك يطرق الباب

وخلي عليك من الوسائل الاخرى خاف على قلبك اذا تجرح واااااااااااش يداويه

نقلك استهدي بالله وتعوذي من الشيطان وتوبي الى الله

واللي كاتبهولك ربي راح تشوفيه بالعين

تقبلي تحياتي ومن خلالك تحياتي لكل اهل المغرب

تبارك الله عليكم الالة

marat ali · 2012-01-26, 14:06

اقتباس:

المشاركة الأصلية كتبت بواسطة princess alg

راكي غالطة علاه ديري فيه الثقة << تامني بالحب و العلاقات تاع النت

يا اختي والله ما عرفت كيفاش حبيتو انا كنت نضحك على لي تقول حبت من النت لقت راسي بحالهوم

دعاء شيماء · 2012-01-26, 14:10

متقلقيش روحك راكي في بداية المشوار المهم انك اكتشفتي بلي ما هوش نتاع الثقة
لازم تعرفي الحب والزواج عبر النت لا يلتقيان ابد
مزقي صفحته من حياتك
ولازم تتعلمي بلي النت لا شيىء يطابق الواقع

marat ali · 2012-01-26, 14:15

اقتباس:

المشاركة الأصلية كتبت بواسطة دعاء شيماء

متقلقيش روحك راكي في بداية المشوار المهم انك اكتشفتي بلي ما هوش نتاع الثقة
لازم تعرفي الحب والزواج عبر النت لا يلتقيان ابد
مزقي صفحته من حياتك
ولازم تتعلمي بلي النت لا شيىء يطابق الواقع

يا ختي راه صعيب علي يا ربي يعاوني باش نبعد ياربي يا ربي اختي راني نتعدب بزاف

دعاء شيماء · 2012-01-26, 14:24

شوفي راكي راح تمري بمرحلة صعيبة وهي انك تتعذبي وتحسي بالفراغ والوحدة بصح لازم تكوني قوية
واذكري ربي سبحانه واستغفري كثيرا.وتاكدي ربي سبحانه راح يكون قريب اليك ويسمع دعواتك
والحياة راهي تمشي وتحبسش عندو
ممكن راح يكون مكتوبك في الطريق احسن منو بالف مرة
راكي تستاهلي كل خير
نحي من بالك وتخلش نفسيتك تاثر عليك

marat ali · 2012-01-26, 14:28

اقتباس:

المشاركة الأصلية كتبت بواسطة دعاء شيماء

شوفي راكي راح تمري بمرحلة صعيبة وهي انك تتعذبي وتحسي بالفراغ والوحدة بصح لازم تكوني قوية
واذكري ربي سبحانه واستغفري كثيرا.وتاكدي ربي سبحانه راح يكون قريب اليك ويسمع دعواتك
والحياة راهي تمشي وتحبسش عندو
ممكن راح يكون مكتوبك في الطريق احسن منو بالف مرة
راكي تستاهلي كل خير
نحي من بالك وتخلش نفسيتك تاثر عليك

اختي ندير نصائحكم و ربي كبير شكرا شكرا بزاف

دعاء شيماء · 2012-01-26, 14:31

انشاء تنسايه في اقرب وقت ونسمعو منك جديد الحياة
كوني قوية

غصون الاسلام · 2012-01-26, 21:59

اختي الفاضلة

على حسب ما شفت واش كتبتي

انا يبانلي راهو يلعب بيك

خاصة و ان اوراق الزواج و اي شيء يخص هذا الموضوع خصوصا بالزواج مع مغربية يتوفر لدى القنصلية المغربية التي هي بالاصل موجودة ببلعباس

يعني يقدر يتصل بيهم و يعمل الاوراق اللازمة هذا اذا كان ناويك للحلال و يتزوج بيك

و الله اعلم

بالتوفييييييييييييييييييييييق اختي

و سلامي لكل اهل المغرب

marat ali · 2012-01-27, 13:46

اقتباس:

المشاركة الأصلية كتبت بواسطة غصون الاسلام

اختي الفاضلة

على حسب ما شفت واش كتبتي

انا يبانلي راهو يلعب بيك

خاصة و ان اوراق الزواج و اي شيء يخص هذا الموضوع خصوصا بالزواج مع مغربية يتوفر لدى القنصلية المغربية التي هي بالاصل موجودة ببلعباس

يعني يقدر يتصل بيهم و يعمل الاوراق اللازمة هذا اذا كان ناويك للحلال و يتزوج بيك

و الله اعلم

بالتوفييييييييييييييييييييييق اختي

و سلامي لكل اهل المغرب

اختي انا عاد نهيت علاقتي به وانا دابا و الحمد الله مرتاحة نطلب من ربي يغفرلي و يعوضني احسن منه الى كان فعلا ما يلعبش بيا كيف كيقول انا عطيتو الوقت و قلتلو هادي اخر مرة نهدر معاه الى بغاني راه يعرف كيفاش يدير ما بغانيش ربي يعوضني ان شاء الله نبدا نصوم وراني نستغفر والحمد الله نحس بالراحة و شكرا لكم اختي على ارائكم لي حفزتني وشجعتني باش هدرت معاه

غصون الاسلام · 2012-01-27, 14:03

اقتباس:

المشاركة الأصلية كتبت بواسطة marat ali

اختي انا عاد نهيت علاقتي به وانا دابا و الحمد الله مرتاحة نطلب من ربي يغفرلي و يعوضني احسن منه الى كان فعلا ما يلعبش بيا كيف كيقول انا عطيتو الوقت و قلتلو هادي اخر مرة نهدر معاه الى بغاني راه يعرف كيفاش يدير ما بغانيش ربي يعوضني ان شاء الله نبدا نصوم وراني نستغفر والحمد الله نحس بالراحة و شكرا لكم اختي على ارائكم لي حفزتني وشجعتني باش هدرت معاه

ربي يوفقك اختي لما يحب و يرضى

بالتوفييييييييييييييييييق

manina_dr · 2012-01-28, 11:49

فييييييييييييق يا بريق النار تحتك
افطنو يا عباد علاقات النت هذي راهي علاقات غير ناجحة غاااااالبا و اذا نجحت و تزوجو راه زواج غااالبا مينجحش و يكون مصيرو ميش مليح
اصلا كيفاش تحبو اشخاص وراء الشاشة يعني عالم افتراضي برك و زيد كون اننا والله منامن شاب وراء الشاشة و حتى و اذا تزوجتو اكيد نبقا نشك فيه بللي راه يعرف بنات اخريات في النت مثلما عرفني و هو كذلك رايح يشك
انا نزيد معلومة بللي بربي نشالله النت و منقبلهاش في داري مور الزواج راجلي الله يخليهلي انسان مربي و ولد فاميلا و معندوش الوقت باش يقعد للنت غير اذا حب يجبدامور القانونية نتاوعو لكن والله والله والله منقبل النت تتركب في غرفتي و اذا حب يخدم حاجة يخدمها قدام ربي و عبادو في الصالون نتاع اهلو باسك رايح نسكن معاهم
يا ناس راهم ناس كانو في طريق المستقيم و فزدتهم النت بزاااااااااااااااف بزاف
اتقي مولاك ختي الزينة معندو مداك والله انا انسانة نامن بالحب بزاف ومنيش ضد ولا شيء لكن العلاقات نتاع النت منحبهمش خلاص خلاص.و لعلمك انا منردش في الاقسام اللي يشاركو فيها الرجال تفاديا لعدم اقتباس الرجال لردودي لانني مستحيل نرد عليهم بصح كلاني قلبي و حبيت نرد عليك و ننصحك لوجه الله و نتي ديري وش يخرج عليك