هادو ناس زمان في كلامهم معاني

bibiyobillo · 2012-01-22, 23:20

كنت قاعد فدار كاره حياتي ماصبت واش نعمل♥♥♥.قلبي معمر غير بلمحان
واش ندير ولهموم كثرو عليا قريب رايح نهبل...♥♥♥مقدرتش نصبر عيت و انا في لحزان
قلت نروح نزور جدة بكلام لمعاني معها نستغل♥♥♥.تحكيلي شوية نفهم لمعان
فلباب قتلها ليوم جيتك ساعي راني رايح نهمل♥♥♥نجيبها في روما تم نعيش في لمان
بدات تتنهد وتقول الهم باين فوجهك قبل ماتدخل♥♥♥ماكش كيما بلادك زينة البلدان
يا وليدي دير لعقل عمرك ما تزرب روح غير بلعقل♥♥♥راعي هنا خير ما فبلاد ناس سلطان
إذا جات مصيبة تزيدك فراس فهامة نوض ماتفشل♥♥♥الشدة في ربي الرحمان
إذا أعطاك الله أشكرو. إذا دالتك طولت بلك تجهل♥♥♥لخلق ما ضيع يعيا و دور زمان
شحال مواحد غواه الشيطان حتى تقطع بيه لحبل♥♥♥ الكلمة ليا و المعنى للجيران
صرتلو كي طفل صغير لهرب من الدار و تبحر فالجبل♥♥♥ ولا براني خبر عليه ما بان
قبل ما تهدر خمم; و ماتديش الرزق في الباطل....♥♥♥..المكسي برزق الناس عريان
ما تضلمش كونك راجل لغدر و الحقرة بيهم لا تقبل♥♥♥ كيما قالو كما تدين تدان
نعطيك كلمة إذا غلطو معك ما تعندش لمهابل....♥♥♥.كي يغيب القط يلعبو الفيران
اسمح محقك إذا غلطة مع ناس أطلب السماح و قابل♥♥♥ اللّي خلّص دينو شبعان
شد في دينك تبع طريق الصحيح أ فيه غير كمل..♥♥♥..ما تبعش تالفين راهم يدوك للويدان
ما تخليش الحالة تتعقد حتى القلب أ لعقل يتقاتل♥♥♥ الشر ما يضلم غير لي ريب سيسان
أضحك في وجه أعدوك حتى من أجيحتو إمل...♥♥♥ لّي ما في كرشو التّبن ما يخاف م نّيران
أوقف مع هموم حبابك يلوكان تتعاونو كي النمل...♥♥♥. كمشة نحل خير من غاشي ذبّان
ا ديها وصاية لي طاع الولدين عمرو ما يتحل..♥♥♥.قبل ما نوصيك عليها راهي في القران
اخدم بيها حتى لو إدير يدو داخل دار النحل.....♥♥♥ قبل ما تندم و يدور عليك هادا الزمان
شحال تعيا حياتك بالغيم حتى إفرج الله و الشمس أطل.♥♥♥.تنسى الهم و تعيش فرحان

هادو ناس زمان في كلامهم معاني ربي يحفضهم و يخليهم لينا