مُحْرَجة ... زوجي قصير أو بالأحرى أنا طويلة

[*ملاك الليل*]

[]و الله عادي
انا نقول كل وحدة تخمم هكا المهم كي تحسي روحك راكي مع راجل عندو اخلاق و صفات انت تحبيهاانا وحدة طويلة وخطيبي مرفود شويا عليا ونلبس قدامو البلا صح في الاول كنت نتحسس لكن الان راحلي داك الاحساس و كل شيء صار عادي بالوقت

[بني بلعيد]

ولماذا لايكونان متساويان في الطول ، أليس أجمل.

[*ملاك الليل*]

المشاركة الأصلية كتبت بواسطة بني بلعيد

ولماذا لايكونان متساويان في الطول ، أليس أجمل.

والله جميل

[zahra30]

والله غير سؤال احيير طويلة ولا قصيرة سمينة ولا ضعيفة ؟
انا رايي العقل والتربية والدين والفحولية هذا هو المهم كي تكون بحال هكا هو ما يشوفش عيوبها والعكس صحيح
تحياتي

[شولاك]

وحد الخطرة .. كان راجل طويل بزاف بزاف ... بصح ما هوش شباب ما فيهش قاع الشوفة ... لي يطلبها للزواج ما تقبلش حتى لقى وحدة قبلته وكانت شابة شابة بزاف بزاف بصح قصيرة بزاف بزاف ...
فكر المسكين وفكر ... ومن بعد قال بينه وبين روحه: وعلاه نخمم ... على بالي غادية تولد لي طفل طويل كيما أنا وشباب كيما هي، بصح المخلوق كي ولدت جابت له طفل قصير بزاف بزاف كيما هي وما هوش شباب بزاف بزاف كيما هو.

الحقيقة ... يتبادر للذهن أن الأمر بسيط ولا يؤخذ محمل الجد لكن أدى ذلك إلى مشاكل زوجية وكذا عائلية بسبب قصر أو طول ملفت للنظر في أحد الزوجين، فقط وفقط لا تحدث مثل هذه الأمور الشائنة إلا إذا توفر ما قد أشرتم إليه والملخص في اكتشاف الزوجين في بعضهما القيمة الإنسانية من أخلاق ومواهب فذة مما يؤدي بالزوجين إلى قناعة لا غنى لأحدهما عن الآخر، ليعشش الحب ناشرا جناحيه عليهما.