كسرة رخسيس تاع الطارف

حسينة 36 · 2011-12-04, 15:20

السلام عليكن

ليوم جبتلكم كسرة رخسيس تاع الطارف ان شاء الله تعجبكم

مقادير العجينة

نميزو الدقيق واش نحتاجو من الاحسن يكون النوع الممتاز + شوية زيت والا سمن عينك ميزانك نحك السمن او الزيت مع الدقيق + شوية ملح نفس الشيء عينك ميزانك + كربونات الصوديوم الا حبيتو نرش بماء دافئ ونخلط جيدا حتى تتلم العجينة جيدا نعجنها شوية ونخليها ترتاح في كيس بلاستسكي كل ما ترتاح كل ما تولي مليحة

من بعد نعاود نعجن جيدا ونشكلو قرصات صغار

ومن بعد نحلوها بلالحلال الي خبزات متوسطين في العرض والسمك في القصعة تاع العود تاع الخشب يعني

ومن ثم نحطو في الطاجين كي يسخن مليح تاع الطين وهذا شكله

كي نحطوها نقلبوها بعد 4 دقائق حسب درجة حرارة الطاجين ونخليهاتطيب من الجهة الثانية

وهذا شكلها كي تطيب

بالصحة ليكم

maiar · 2011-12-04, 15:32

نتشرف نكون اول وحدة ردت

الله يبارك نموت عليها لكن مقاديرنا تختلف شوية

بصحتكم

HADIL146 · 2011-12-04, 16:02

الباديسي · 2011-12-04, 16:28

شكرررررررررررررررررررررررررررررررررررررررررررررررر ا لك يا بارعة

zitoukar · 2011-12-04, 17:09

merciiiiiiiiiiiiiiiiiiiiiiiiiiii

جوهرة الايمان28 · 2011-12-04, 21:54

يعطيك الصحة يا الفحلة

my lamis · 2011-12-05, 09:52

الله يبارك و تسلم إديك يا الفحلة و هذي نبغيها بالقهوة و راجلي يبغيها باللبن حنا عادتنا منديروهاش بصح و راتهانا وحدة مالبرج و قولولها القليط و ميديروش فيها البيكاربونات و بالزيت ميش سمن و ميخلوهاش ترتاح غير إلموها يخبزوها و يطيبوها بصح بنينة بزاف

حسينة 36 · 2011-12-05, 14:44

اقتباس:

المشاركة الأصلية كتبت بواسطة my lamis

الله يبارك و تسلم إديك يا الفحلة و هذي نبغيها بالقهوة و راجلي يبغيها باللبن حنا عادتنا منديروهاش بصح و راتهانا وحدة مالبرج و قولولها القليط و ميديروش فيها البيكاربونات و بالزيت ميش سمن و ميخلوهاش ترتاح غير إلموها يخبزوها و يطيبوها بصح بنينة بزاف

شكرا ليكي على الاطراء ايه صح باللبن سخونة تاكلي ما تمليش خاصة لبن البقرة الحر والزبدة ياي واش نقلك

احنا نديرو زيت والا سمن حسب الرغبة

وبالنسبة لناس البرج ايه يديرو الزيت ياسر ويلموها ويطيبوها داروهالي بيت شيخي كي رحت للبرج نهار الي عقدت عندهم سخونة بنينة بنينة بصح كي تبرد لالا

وكي جاوني في العيد طيبتلهم الرخسيس تاعنا هبلو عليها ياكلو ويعاودو

بصحتكم