لن أتزوج واحدة دايرة بورتابل !!!!!!!

[حمدي212]

أنا معك فيما كل ماقلته يا أخي 100 بالمئة

[sourour30]

اليلام عليكم
انا وحدة ملي يشوفو بالي البورتابل مخدوم لحوايج بزاف
بصح مشي على جال وحدة ولا زوج يستعملو البرتابل على جال احوايج مش ملاح تعممها
نقولك حاجة خويا نحي الشك من بالك
وزين نيتك ومتنساش الطيبون لطيبات
وليس كل ما يلمع ذهبا
والمليح مليح والقبيح قبيح ولي عينها في المنكر تديرو بلا بورتابل عليك
المتربي متربي
زين نيتك ومتخافش كاين بزااااااااااااااااااااااااااااااااااااااااااااااف بنات الفاميليا الى دايرين البورتابل
على جال حوايج بزاف
تسقسي على خاوتها باش تحكي مع صحاباتها
دير النية وصفي قلبك وتكل على ربي
ولا بقيت تخمم كيما هاك راح تبقى طول حياتك عازب

[أم البراء السلفية]

هذا راي غير صحيح تماما

[أم رقية نسرين]

يا أخي إنّ بعض الظنّ إثم قل له أن يحسن الظنّ بالله وسيجد مبتغاه إنشاء الله
و الطّيبون للطيبات

[فاطمة هديل]

المشاركة الأصلية كتبت بواسطة موح دادي

هاذ لأنك فتاة يا أختي perle du mer تقولين هكذا

لالا اخي محمد بغض النظر على انها فتاة ام لالا الصح يقال
فيهم وعليهم ليس كل فتاة يكون عندها بورتابل فهي انها تكلم اصدقائها ذكوور اقصد
واسمحلي على هذا التدخل : " معناه هذا صااحبك الله يباارك عليه
قااعدة ديرها في بالك المسقم صدقني غير يطيح في وحدة مسقمة وتخااف ربي ..... وافهم ؟؟؟

[naima88]

انا في رايي ان صديقك هذا مع احترامي له
معندوش ثقة في نسه و ليس في البنات الي عندهم بورتابل
لان البورتابل ليس اداة للتسلية و التحلي بالصفات السيئة
و لان البنت الي تكون مربية حتى و يكون عندها الف هاتف ة هاتف تبقى مربية

[دعاء الملائكة]

وين علابلك بلي تحكي مع الرجال الا ادا جربت انت شكون لي خلاها توصل هدا الشيئ ماشي انتوما الرجال كون جا كل واحد يدير الحد لروحوا وميقبلش يحكي مع اي وحدة لولاو البنات ميستعملوش البورتابل بطريقة سلبية انتوما الداء وفي نفس الوقت الدواء راك تخلص درك

[إمتنان]

تفكير خاطيء ليس مئة بالمئة لكن فيه الكثير من المبالغة
على كل حال يجب أن يحسن الانسان نيته ويتوكل على الله فالطيبات للطيبين والطيبون للطيبات
وكذلك يتذكر القول الشهير عفوا تعف نساؤكم
وإذا بقى صاحبك يفكر هكا غادي مايزوجش
شكرا لك على الموضوع

[thorpe]

سلام عليكم

موضوع مهم فعلا

طبعا الهاتف النقار اصبح من الضروريات

وهو سلاح ذو حدين كيفي كيف النيت كيف البارابول

يعني هذا يرجع للبنت في رايي

اذا كانت صالحة راحية تعرف حدود استعمالو واذا كانت غير ذالك الله يهديها


خويا فقط المرة الجاية كي تلقاه قولو

اختك عنها تيليفون ولا لا ؟؟
اذا جاوبك راني عارف بلي تعرف وش تسقسي بعدها

سلام عليكم وجازاك الله كل خير

[larbone]

لي بنت أصل بنت أصل ولو وضعناها في اي مكان
ولي ما تسواش ما تسواش ولو كفلت علاها النوافذ والبيبان وحرمتها من الموبايل...........

..

[sidali1988]

صاحبك عندو الحق نرجعو لبداية البورتابل في حياة الناس سنة 2002 تقريبا كي تهدرلو على البورتابل يقولك كيفاه انا بنتي تدير بورتابل تحوس نقتلها يعني كان البورتابل مشي مليح وفي 2011 رجع مليح/يبدو ان النخوة ماتت في قلوب الرجال الا من رحم الله

[أمآآآآني البنفسج]

و عليكم السلام و رحمة الله تعالى و بركاته

لاحول ولا قوة إلا بالله العلي العظيم

أأصبح الهاتف النقال مقياسا لاختيار الزوجة الصالحة ؟؟

أخي الفاضل موح في كلام صديقك جزء من الصحة و الحقيقة و هو محق فيه

و لكن قراره في أنه لن يتزوج بفتاة عندها بورتابل فهو خطأ مئة بالمئة

فالهاتف مثله مثل التلفزة .. النت و غيرها من وسائل الإعلام و الإتصال

و أيضا الفتاة كما نقول نحن بلهجتنا .. يعسها صيلها و نيفها ...

شخصية صديقك يمكن تحليلها في نقظتين فإما :

* هو إنسان صدمته الحياة بواقعها المر و ما نراه من انحطاط فأصبح ينظر بتلك النظرة السلبية

و يطلق أحكام عامة على كامل مستعملات النقال .

* و إما هو إنسان كثرت علاقاته مع الفتيات فأصبح لا يثق بهن

و في كلتا الحالتين ربي يجازينا على قد نياتنا و قلوبنا

و ربي يهديه و يوفقنا لما يحبه و يرضاه

ليس العيب في النقال بل في طريقة الاستعمال

[أمآآآآني البنفسج]

المشاركة الأصلية كتبت بواسطة sidali1988

صاحبك عندو الحق نرجعو لبداية البورتابل في حياة الناس سنة 2002 تقريبا كي تهدرلو على البورتابل يقولك كيفاه انا بنتي تدير بورتابل تحوس نقتلها يعني كان البورتابل مشي مليح وفي 2011 رجع مليح/يبدو ان النخوة ماتت في قلوب الرجال الا من رحم الله

بالله عليكم لا تخلطوا الأمور ببعضها و تطلقوا أحكام على جميع الناس

فما دخل النخوة في النقال يا ترى ؟؟

لو طبقنا كلامك لوجدنا كل الرجال بلا نخوة

لأنه لاوجود لرجل أخته أو أمه أو زوجته أو ابنته لا تملك بورتابل

معذرة أخي على تدخلي لكنك حملت الأمر أكبر من حجمه

في السابق فعلا كان الهاتف يمكله إلا التجار الكبار

و رجال الأعمال

و نظرا لضرورته في حياتنا اليومية انتشر استعماله

اي نعم في البداية كان مرفوضا في أسرنا و لكن الضرورة تفرض نفسها

فمثلا لو تأخرت أختك في دراستها أو عملها و لم تجد الحافلة

ترى ماذا ستفعل ؟؟ أكيد ستتصل بأخيها أو أبيها ليأتي و يأخذها

لا تقل لي هناك الهاتف العمومي لأنه قد يكون بعيدا عنها

و الأمثلة كثيرة ..

و الحرة حرة ما يعسها ني باباها ني خوها أصلها اللي يعسها


و معذرة مرة أخرى منك و من صاحب الموضوع ..

[jimi19]

كيما يقلك المثل الشعبي قلب البرمة على فمها تخرح الطفلة لمها ما لا نقلك أقصد الراجل ما تقصدش المرأة

[آلاء الرحـــــــمن]

الي يحوس على وحدة ما عندهاش بورتابل عمرو ماراح يتزوج