❐◈ احدث الحلويات للعيد ◈☻►╚

[fatimazahra2011]

❐◈ احدث الحلويات للعيد ◈☻►╚

البقلاوة



المقادير
4 كيلات فرينة سيم
قرصة ملح
كيلة سمن ذايب
حبة بيض
كيلة ماء الزهر
لميها و اقسميها الى 14 كويرة كوريهم في المايزينة و حطيهم في ساشي و اتركيها ترتاح
بالنسبة للسمن الي تدهني بيه بين الطبقات انا نظيفلو شوية خمارة الحلوى باش تجي البقلاوة مورقة
الحشو
بالنسبة للحشو 3 كيلات لوز كيلة سكر عادي فاني و ماء الزهر و كانك تفتلي في الطعام تجي متبعثرة ما تلميهاش و اذا استعملتي الكاوكاو نقصي من كمية السكر قيس 2سم من الكيلة
طبعا تحليها رقيقة بزاف تدهني بلا بالسمن و تحطي 7طبقات بيناتهم السمن الممزوج بشوية خمارة ثم الحشو متناثر رشي بشوة ماءالزه ثم الطبقات السبعة المتبقية وبيناتهم دائما ادهني بالسمن الذائب
اصنعي وريدات من العجينة بمول خاص على شكل وردة حطيها في كل حبة طبعا بعد ما قطعتي البقلاوة على شكل مقروطات و ارشقي حبة لوز في الوسط
طيبيها
عسليها"2كيلات عسل+1كيلة مش مملؤة ماء الزهر
ديريها في الكيسات
واذا حبيتي شكل جديد قومي بتلوية العجين الى لونين وخرجيهم في المشينة نتاع الرشتة ..ومن بعد حطيها فوق صينية البقلاوة
وستتحصلين علئ هذا الشكل الرائع والجديد







الحنيونات او البراسليات بالطلية


3كيلات فرينة
قرصة ملح
كيلة سمن ذايب و بارد
كيلة ماء الزهر
تكون رخوة اقسميها كورات غطيها ببابي فيلم وخليها ترتاح



الحشو
3كيلات لوز و كيلة سكر عادي قشور القارص فاني لميها بماء الزهر
حلي العجينة 4ملم اصنعي حرابيش من العقدة ولوي عليها العجينة لفيها حول سدادة ماء معدني اغلقيها كما في الصورة باش يكونو كل الحبات بنفس الحجم








طيبيهم خليهم يبردو مليح
الطلية
1بياض بيض ظربيها كاثلج ظيفي علبة سكر المرجان ثم اظيفي عصير قارص وماء الزهر او ماء الورد و الفاني و مغرف زيتو ملون حسب الرغبة انا استعملت الوردي و خلي شوية بلون ابيض زيديلها الملون الابيض للتزين بالخطوط كما في الصورة
اطلي الحلوة بالون الوردي الفاتح طبعاكتنشف مرري عليها بواسطة اسفنجة جزيئات لاماعة الرطبة بلون وردي ايضا
ضعي الطلية البيضاء في ساشي اثقبي ثقبة صغيرة جدا وزيني بخطوط و نقاط كما في الصورة للحلو في الاول
ورود عجينة الوز استعملت عجينةاللوز الجاهزة لونيها بالوردي ايضاو ظفيلها المايزينة حتى تشد روحا اطبعيها بالمول الخاص
ادهني الوريدات من الاسفل ببياض البيض ضعيها في وسط كل حبة
اصنعيلها وريدات بلون اخضر الطلية البيضاء لونيها بلون اخضر فستقي شكلي الوريقات زقزاق
وهذا شكلها الاخير

أتمـنى يعجبكم الموضـــــــوع

(●̮̮̃•̃)ೋ҉ೋ (●̮̮̃•̃)
فـي إنتــظار آرائكم وتقييـمكم

[fatimazahra2011]

[محمد علي 12]

بارك الله فيك يبدو انك ماهرة في الطبخ

لابد ان تستدعينا لكي نأكل من هذه الحلويات

نحن في انتظار الملموس يافاطمة الزهراء

[halimahalo]

والله يعطبك الصحة

[جمة قطبية]

يعطيك الصحة وصحا عيدكم كل عام وانتم بالف خير وصحة وسلامة

[تغرينية]

بارك الله فيك

[chemsse01]

يعطيك الصحة روعة .............. (°_°)

[النايلية]

يعطيك الصحة اختي

[halimahalo]

رووووووووووووووووووووعة
يعطيك الصحة

[سَلْسَبِيّلْ]

وااااااااااو و بارك الله فيك شكرااااااااااا

[رنيم الامل]

merciiiiiiiiiiiiiiiiiiiiiiiiiiiiiiiii

[souhila1967]

اااااااالف شكر لكي اختي