اريد مساعدة ارجوكمم

[مشكلتي]

السلام عليكم

انا ابن 16 عاما

لا ادري من اين ابدأ
لكني تلميذ السنة اولى ثانوي ..............المهم انا لا اتكلم مع البنات.............ينادونني بالمعقد ومانيش عارف .............المهم

انا تلميذ مجتهد وخلوق متدين..لا اسمع الغناء احافظ على الصلوات................المهم
في يوم من الايام اتت بنت تدرس معي

مع العلم انها ما شاء الله متدينة ولا تتكلم مع الاولاد و......و....و....
المهم اتت للطاولة نتاعي قالتلي اعطيني كراس نكتب الدرس...............المهم كنت راح نمدلها الكراس كيما هزيت رأسي شفت في عينها شعرت بواحد الشعور ما عندوش مثيل وفجأة اتخطفت وارتبكت عييت واش ندير قلتها ما نمدش راني نراجع غدوة للفرض راحت


ومن هداك اليوم راني اعاني من هذا الاعجاب الذي اعلم انه ليس حب.................................


ولم اعرف سببه وعندما رجعت بيا الذاكرة تفكرت هداك اليوم نتاع الكراس المهم


راني اعاني ما بغاتش تخرج من دماغي خلاص


وانا اعلم انه من المستحيل نقوللها وانا لا اثق في الشيطان لانه وسواس يقدر يوسوسني المهم






وفي احد الايام فاتت على الاولاد كامل وصلت عندي قاتلي صباح اخير عييت واش ندير نحمار نصفار نزراق قلتلها صباح الخير ........... وهبت راسي
---------------------
ونسيت نقولكم كنت نمارس العادة السرية كيما كنت صغير والان الحمد لله اتخلصت منها بفضل صديقي الصالح الذي نتعاون معاه على الخير .....................
------------------


المهم

والايام هادي جاتني واحد النوبة نتاع الزواج .....................حينها تذكرت قول الرسول صلى الله عليه وسلم -- زوجو شبابكم--

والله يا قوم راني اعاني صح صح

نظل نهدر في قلبي ونقول انساها لقراية درك وكيما تكبر روح اخطبها ازوجها

بصح عييت ننساها

والله يا الخاوة نحتاج نصائح

[فارس الجزائري]

وعليكم السلام
ما يحدث لك هو من المراهقة وستنسى الموضوع مع مرور الوقت
كل ماعليك هو التركيز في دراستك ودراستك ثم دراستك والتقرب من الله بالنوافل خاصة صوم الاثنين والخميس وقراءة القرآن لأن هذه الفترة هي فرصة لتعزيز تدينك وبناء قاعدة صحيحة في طاعة الله
ولا عليك من الكلام معها أو تبادل الدروس عاملها كأخت وفقط لأنه كما تدين تدان وعندما تتعامل مع الأخريات بهذه الطريقة وبهذا الاحساس سيتعامل الآخرون مع أخواتك بنفس الطريقة
إعلم أن عاطفة الحب هي عاطفة نبيلة وجميلة وليس لنا سلطان عليها ولكن هاته العاطفة تحتاج أن نضعها في مكانها الصحيح ومكانها صحيح الآن هو طاعة الله والتقرب منه والنظر إلى الأخريات كأخوات لا أكثر
بالتوفيق إن شاء الله

[طيب القلب]

الله معك تهلى في روحـــــــــــــــــك

[moi*]

ربي يكملك بعقلك
هاذو كامل احاسيس مراهقة و مع الوقت تنساهم اشغل روحك بالدراسة وابتعد عن التفكير ومع الوقت انشاءالله
تروح هادي الافكار
ربي يوفقك

[** موحدة 02 **]

يا وليدي اللى يحافظ على روحو في هذا السن مستحيل يعواج ممبعد.اعجبت بييك ياااااااااااسر و باين انت عاقل و واعي .حاول تبدل القسم انتاعك و غض البصر و ربي يعينك.هاذي الامور تصرا لكامل الناس و هي كون جات تستحا ما تصبح عليك وسط الزملاء لخرين.هاذي البنت شكيتها مش متخلقة و تحوس تلهيك على قرايتك.كمل بعقلك وما تكونش كيما الغاشي الراشي اللي يتبع في البنات.ما رابحين لا دنيا لا دين غير الذنوب.هذا باب ما تخليهش يتفتح.و ما يهمك في الناس يقولو معقد خير ما يقولو طايش و مش مربي.ياااااااااااا رب تكون راجل صالح ينفع البلاد و العباد.الله يسترك و يحفظك و يا رب يرزقني ربي وليد كيفك

[نورالهدى**]

الافضل ينصحوك الشباب خير باسكو راكم علبالكم في طبايع بعض

اما انا نقلك ربي يهديك هذا ماكان

[صُبح الأندلس]

يا أخي بينك و بين الزواج عشر سنوات على الأقل ، تلك مشاعر مراهقة سرعان ما تزول ، على فكرة تصرفات الفتاة معك ليس بالضرورة حبا بل عادة التلميذ المجتهد محل إعجاب الجميع و الفتيات يتعمدن إيقاعه ليثرن غيرة بعضهن بعضا اهتم بدراستك أخي

[الاسلام الحل]

اهتم بدينك ودراستك وفقط ولا تلتفت الى امور المراهقة فسوف تزول مع الوقت واقول لك انك في الطريق الصحيح واصل فقط واياك التفات الى الشباب الفاسد

[تواضعي يانفس]

اخي ربي يثبتك على الصح ...لذلك فرض غض البصر لانه سهم من سهام ابليس...
تهلا في صلاتك لانها تنهى عن الفحشاء والمنكر
وقصة صباح الخير...عادي....ماديرش منها فيلم هندو...راهي هدرتها عادي ...
كن قوي اخي ...ماشي لي تتبسملك دوخك ولي تخزر في عينك طيح تتغاشى...الله غالب رنا في عصر الاختلاط فيه لامفر وهذو الاشياء يحدثو بحسن او بسوء نية.
اخي تهلى في قرايتك...واعتبر هذه الفتاة اخت في الله وماتعمرش راسك بزاف...انت انسان خلوق وتصلي اعمل على ان تكون سريرتك افضل.
ادعيلنا معاك كي تصلي ان يثبتنا الله على دينه وان يجعل ماخفي عنا خير مما علم ...وانا بدوري سادعو لك بكل خير.
انت في عمر اخي...لذا فان لم استطع ان امر على مشكلتك دون ان اضع ردا قد يساعدك على تدارك الموقف.
اعتبر ماحدث سحابة مرت...