عيون الحساد

[مشكلتي]

سأبدأ بسم الله

العام الماضي فزت بشهادة البكالوريا بمعدل لم يعجبني كنت متفوقة لكن الله غالب


ومع هذا اصبت بضربة عين قوية من لافامي خاصة جدتي من أمي

من الجيران و... لاني انا الثالثة على التوالي انجح في اخوتي


الناس يجيو يباركولهم ويفرحو معاهم اما انا يجيو يديرو المشاكل ويروحو

المهم صرالي مشكل كبير في النهار نتاع النجاح في البكالوريا ودام شهر كامل لاعلينا

عدات على خير

انا الثالثة في اخوتي البنات


منعني ابي من الدراسة خارج ولايتي وصراو مشاكل كبار وعدات

صرت ادرس في نفس الجامعة التي تدرس بها اختي وهنا بداو المشاكل

مند دلك الحين تغيرت تصرفات اختي تجاهي

كنت قريبة منها جدا كونها تكبرني بعامين لكن الآن نمى بيننا جفاء

كامل الناس ولافامي يقولو انا اجمل اخوتي وانا الفحلة فيهم

هدا الشيئ نمى روح الغيرة والبغض في اخوتي الاكبر مني غير متزوجات بعد

الكبيرة منهن لا تتقبل ابدا فكرة ان انخطب او اتزوج وديما تقللي انتي دراري

مع اني مانيش مخمة خلاص وحدهم راهم يتخيلو

في الصيف تزوجت صديقتي ووحدة تخطبت بداو خواتاتي تخلعو قالك ولاو الدراري يتزوجو

واختي لكبيرة قالتلي انتي ماتخممش خلاص حتى نتزوجو حنا

اما التي تكبرني بعامين راهي مخلوعة في بالهم انا رايحة للجامعة على جال الزواج

تناقشت مع اختي للي تكبرني بعامين عن موضوع جادبية المرأة نحو الرجل

احكيت معاها بنيتي نلقاها قالتلي مالا نتي موالفة اديري هكدا وراحت نشرت لحكاية للدار كاملة

المهم ديما تعطيني نصائح وتقللي انتي وصغيرة او بعدا لكان بديتي تخمي في الزواج

والله رايحين يهبلوني همهم غير الزواج انا خايفة تكون صابتني عين من نهار الباك و

راني مخلوعة على قرايتي لتتدهور اكثر وهوما يحكيو معاي غير على هكدا

وليت نهار تكون عندي حكاية من هاد النوع نحكيها لاختي للي تقرى فلليسي الصغرى برك وديفوا

نلوح كلمة لماما وهي تفرح بزاف

قلت لماما ديريلي رقية شرعية قالتلي مانقدرش نديرلك خوتك مايحبوش


يا جماعة حابة نرقي روحي وحدي عاونوني

اسفة على الاطالة

[الامل في الله]

العين حق و قد ذكرت في القران الكريم لكن يجب ان لا نلقي اللوم على العين في كل شيئ فربما كان الخطا منك و الله اعلم

[achwak.1993]

حاولي تتقربي من خواتاتك وفهميهم بلي ما كيش حابة تتزوجي قبلهم

[نورسين.داية]

قصتكي فيها نقاط فراغ ......لست أدري لما لم أقتنع بما رويتي من أحداث و مسألة أختيكي ضدك ....؟؟؟ تطرح سؤال .....
و لماذا لا تقولين أن نظرتكي و فهمكي للأمور خاطئ ....مسألة الزواج أنا لا أناقشها لكن عموم علاقتك مع أختيك و نقص الحوار و طريقة تقييمك أنتي للأمور تقتضي رواية الطرف الثاني ............عدرا عزيزتي أرجو أن تتقبلي رأي

[جوهرة العدالة]

فهمي خواتاتك انو الزواج بالمكتوب و أنو ربي سبحانو قد فصل في هدا الموضوع قبل ان تلدن فلست انت او اخوتك من يقررن من التي ستتزوج قبل الاخرى فهدا الامر حسمه المولى عز و جل و ما عليكن الا الرضا بمشيئة الله و انت اختي حاولي ان تكسبي مودة اخوتك فدلك افضل لك ولهن .اما عن الرقية اقراي سورة البقرة و التزمي بالصلاة في وقتها الابتعاد عن المعاصي و قبل النوم اقراي اية الكرسي و المعودتين . ربي يصلح بيناتكم و يهديكم الى صراط مستقيم

[النجمة القطبية]

يا اختى الكريمة التزمى بصلاتك والاذكار والمعوذتين قبل النوم كل يوم وما كان والو باذن الله
اما اخواتك اللى كبار عليك عامليهم بالمعروف ومعليش اصبرى عليهم ومتقعديش توسوسى
انتى ركزى فى قرايتك وتوكلى على ربى وشوفى ادا جاك المكتوب واحد ما ينحهولك مهما كان
كل واحد يدى مكتوبو
اهم شئ الان تركزى فى دراستك وخلى حاجة اخرى على الله سبحانه وتعالى
وربى يوفقك

[نورالهدى**]

اختي تمسكي بكتاب الله يحميك من كل الشرور

اما عن الغيرة بين الاخوة فهي واردة وقصة سيدنا يوسف خير دليل

انصحك بان لا تتناقشي معهم في امور الزواج وبيني قدامهم بللي راكي مهتمة بلقراية برك

[nilly]

الغيرة راهي موجودة بين الاخوات واكيد راح يغيروا منك لانك اجمل منهم كما تقولين واصغر منهم ايضا بصح انتي متهتميش بواش لراح يقلولك تهلاي فقرايتك برك وكي توصلي لسن المناسب نتاع زواج روحي تتزوجي ومتشوفيهمش هما يعني هما لو يعنسوا انتي ثاني تعنسي ؟ ههه

[moohi5@live.fr]

الحسد موجود و العين حق فلا يجب ان تربطي كل اخفاق بعين او حسد و استعيني بالصبر و الدعاء و ان شاء الله تكونين من الناجحين

[ملك كوسوفي]

سوف ابعث لكي كيف ترقي لنفسكي