الى المترشحين الاحرار - الصفحة 2

federer4ever · 2011-10-28, 09:25

السلام عليكم
صدقوني كنت من قبل متردد نبلوكي العام أما الان عندما رايت ردودكم تأكدت من أنه أمر ضروري للتركيز الكامل على الباك
إن شاء الله نجيبوه كامل بالمعدل الذي نريده
بالتوفيق للجميع
و مشكورين على المشاركة

حمز07 · 2011-10-28, 14:40

السلام عليكم : العام الماضي جبت الباك 13.72 (علوم تجريبية ) وقررت نعاودو هدا العام انشاء الله

lamine.hse · 2011-10-31, 17:34

بالنسبة لي العام القادم أتخرج و سأعيد الباك هذا العام إن شاء الله

ام احمد · 2011-11-03, 16:26

اما انا حايرة بين الباك بعد عشرون سنة او الاكتفاء بالامومة و البقاء في البيت لانني سجلت اقتصاد و تسيير و كل شيء صعب خاصة انني لم اتحصل لحد الان على الكتب و لا اعرف البرنامج او حتى المواد الله المستعان

sila07 · 2011-11-03, 17:10

اقتباس:

المشاركة الأصلية كتبت بواسطة ام احمد

اما انا حايرة بين الباك بعد عشرون سنة او الاكتفاء بالامومة و البقاء في البيت لانني سجلت اقتصاد و تسيير و كل شيء صعب خاصة انني لم اتحصل لحد الان على الكتب و لا اعرف البرنامج او حتى المواد الله المستعان

لايا اختي متقوليش الرنامج صعب هو اسهل الشعب ودرك النت كاينا وش تحبي تلقاي اي مادة وتاني راهم كاين لي يعاونوك للاسف انا شعبة راياضيات لوكان هكاك راني نعاونك ان شاء الله اقراي وان شاء الله الباك تجيبيه ومتقوليش العائلة سبب لي متخليكش تقراي اعرفي كيفاه تنضمي وقتك هادا مكان

ام احمد · 2011-11-04, 21:07

اقتباس:

المشاركة الأصلية كتبت بواسطة sila07

لايا اختي متقوليش الرنامج صعب هو اسهل الشعب ودرك النت كاينا وش تحبي تلقاي اي مادة وتاني راهم كاين لي يعاونوك للاسف انا شعبة راياضيات لوكان هكاك راني نعاونك ان شاء الله اقراي وان شاء الله الباك تجيبيه ومتقوليش العائلة سبب لي متخليكش تقراي اعرفي كيفاه تنضمي وقتك هادا مكان

بارك الله فيك عزيزتي على التشجيع و اتمنى ان اكون في حسن ظن الجميع
ارجو النجاح للجميع

zinouba23 · 2011-11-04, 21:37

انا ديت الباك عام لي فات و باعتوني علوم و تقنيات في جامعة عنابة جبتو ب13وحابة ندير صيدلة .بلوكيت العام و نقرا في الدار .لكن حابة نصائح و توجيهات للدراسة .احيانا احس بالكسل.لا اعرف ما الحل ارجو الافادة وهناك سؤال قالولي تصحيح الاحرار ماهوش كيما تع المتمدرسين هل هذا صحيح؟

اللؤلؤة مريم · 2011-11-05, 13:36

wallah ya zinouba je ne sais pas ana tani sma3t bili les libres ma ysalhoumch kif les scolarisés mais matkhamich li ketbou rabi adaka houwa

اللؤلؤة مريم · 2011-11-05, 13:39

rabi ywaf9ek ya khouya lazem tmed lrouhek forsa ou t3awed le bac sinon tab9lik fi gelbek koun matjaribch hadek 3awdou ou li mketbou rabi adaka houwa

alisadr · 2011-11-08, 16:27

انا باك 2010 ع ت جبت 14.82 بعتوني مدرسة عليا للفلاحة ،، قريتها و عاودت 2011 جبت 14.74 سجلت بيه عفسة و بلوكيت ،، و السنة ثانية فلاحة كيف كيف مانقولش بلوكيت لاخاطر ماقبلوليش مي " ديليسيت" ،، و راني متفرغة كلياا للباك و لنشالله للي فيها خير ربي يجيبها
باذن الله هاد لعام 16 ...
بالتوفيق ،، ماتفشلوش و ماتسمعوش للهدرة المثبطة .. الاراادة والـgداام ..

ulquadoor · 2011-11-10, 12:57

انل كيما نتوم دبت 13.67 و الحمد الله راني نعاود فادار نزيدلكم بالي لي يحب يادي 18 باديها ان شاء الله

federer4ever · 2011-11-10, 13:42

السلام عليكم من جديد
راني حاب نبلوكي العام و عندي ارادة كبيرة للتحضير جيدا للباك عكس العام الماضي لكن عائلتي تعارض ذلك و منعوني من تجميد العام
لا ادري كيف ساقنعهم

ulquadoor · 2011-11-28, 10:27

makach manha les libres ysahouhom fi centre wahad m3a les scolarisé matkalkouch hada officiel on dija 3lah wahad ykhaf nadou 20 mat 20 physique basiiif et 16 sience et 20 islamiya et 18 tarikh c'est bn rabi yfarag 16 mo3adal

djalil tlemceni · 2011-11-28, 21:42

اقتباس:

المشاركة الأصلية كتبت بواسطة ulquadoor

makach manha les libres ysahouhom fi centre wahad m3a les scolarisé matkalkouch hada officiel on dija 3lah wahad ykhaf nadou 20 mat 20 physique basiiif et 16 sience et 20 islamiya et 18 tarikh c'est bn rabi yfarag 16 mo3adal

ربي يعطيك ما تتمنى خويا الله يخليك و الله يلا فرجت علي بهاد الهدرا كان المورال طايحلي من هاد العفسة تع التصحيح تع الأحرار و المتمدرسين
الله نجحه و وفقه يارب العالمين في الدنيا و الأخرة و يا رب تبلغه معدل 18 و كل من يريد هذا المعدل يااااااااااارب

أحلاهم وأتحداهم · 2011-11-29, 10:25

السلام عليكم ورحمة الله وبركاته

شفت موضوعك هذا وحبيت نرد عليه بما اني جربت

أنا تحصلت على بكالوريا 2010 بمعدل 15.04 وكانت تخصني فاصلة صغيرة على واش حبيت
بعثوني للمدرسة العليا للبيطرة بالجزائر العاصمة وما حبيتهاش خلاص ...مي قريتها وعاودت الباك في نفس الوقت 2011 طلعت عامي بـ 12 و نجحت باك 2011 بـ 13 مع اني ما حضرتلوش..وهذا العام رح نبلوكي البيطرة ونعاود 2012 لأنك جامي تقرا حاجة مش حابها بالسيف يجي النهار وتطيح وتكره

ونصيحتي من الآخر ..اذا حاب تعاود الباك حر بلوكي العام وانسى القراية الجامعية وصحح الأخطاء الي درتها في الباك الاول وانا متأكدة بلي تجيب نقطة أفضل..لأني شفت بزاف الي بلوكاو وعاودوا وجابوا حتى 16

وربي يوفقكم كامل