تتزوجي بولد بلادك ولا مكاش

[جسور المحبة]

وش تقولو فلي يخطبها واحد مش من ولايتها مع انو عندو الدار وخدام ولاباس بيه ويحبو بعض غير على جال براني واهلها رفضوه بالرغم لي عيات تقنع وتتوسط ليهم وهوما رافضين ومش حابين يعطوه حتى فرصة باش يعرفوه مع انو مصمم ولاو يخرجو في اسباب الرفض مثل انها تبعد عليهم بمئات الكيلومترات وتبعد على اهلها وشكون اللي يهتم بيها اذا مرضت ويساعدها في تربية اولادها؟ شكون اللي يوقف بجنبها ادا تهانت من زوجها ولا من اهلو؟ وادا ما صراش هدا الشيء راح تنسى اهلها بمرور الزمن واذا كانت مناسبة تلقى روحها وحدها راح تقولولي يجيبها لدارهم بصح وقتاش؟ مرة كل شهرين ولا ثلاثة وشحال تقعد؟ على الاكثر اسبوع ولا 10 ايام واذا كانو ولادها يقراو؟.....وقبل كل شىء كيفاش تجيب معلومات صيحة عليه قبل الزواج لانو الخطاب رطاب ................................. اليس هذا ظلم؟ ام انه يجب عليها ان تقبل الوضع وتسكت ..ارجو الرد من فضلكم

[محمد1482]

اذا كانو اهلك رافضين فانه ليس من نصيبك

[جسور المحبة]

اين البقية يا اعضاء المنتدى؟

[فتـ حييةـاة]

اظن انك طرحت الموضوع من قبل وجاوبناك ولا تشابه في المواضيع فقط.............اهلك ادرى بمصلحتك

[جسور المحبة]

انا انتظر ردودكم فلا تحرموني منها

[nouna marwa]

يا اختي والله ديري راي اهلك هوما يحبولك غير الخير ولوكان تديه وهوما معترضين والله ما تكوني سعيدة ايا قوليلي ادا كانوا ميحبوهش وتزوجتي بيه كيفاش رايحين يتعاملوا معاه مع دلك ديري استخارة وشوفي وربي يسهل ان شاء الله

[جسور المحبة]

ماعندي ما نقول غير حسبي الله ونعم الوكيل ساعات نقول بلي مابقاش ويقبلو اهلي وساعات نتصدم

[شذا الربيع]

يا أختي الكريمة سبق وأن قرأت لك مواضيع في هذا الجانب
استخيري الله فما خاب من استخار هو أعلم بما يليق بنا ولنا ثم لا تنسي هؤلاء والدين هم أيضا أعلم بمصلحتنا إن حاولت إقناعهم وأحضرت أناس أقرباء توسطوا لك ولم يحدث النصيب فهذا أمر الله ما علينا إلا القبول به
نعلم جيدا أنها ليست أسباب مقنعة هو براني ورايحة تكوني بعيدة عليهم لأنه المفروض من أول ما تتزوجي أنت بعيدة عليهم وستبنين بيتا مستقلا عنهم وتتحملي مسؤوليتك الأسرية لوحدك مثل أي بنت تسكن بعيدا عن أهلها لكن هاته التقاليد التي مازالت تسود أفكار الكثير منا صعب محوها دفعة واحدة
صلي استخارة اختي الكريمة واللي فيها الخير يجيبها ربي سبحانه

[راجي الصّمدِ]

السلام عليكم ورحمة الله وبركاته
أنت أختي استعيني بالله وصلّي صلاة الإستخارة
وحاولي إقناع الأهل بيسر وحسن كلام وتودد
أو استعيني بأحد الأقارب الخال أو الخالة أو العم أو الجد
ثم بعدها أكثري من الدعاء
وإن كان قد قدره الله لك فسيكون من نصيبك ولن تأخذه واحدة غيرك
وإن كانت الأخرى فاعلمي أنّ الخير فيما اختاره الله تعالى
لا ينبغي أن نحزن ولا أن نقنط ولا أن نيأس
والله يوفقك لما يحبه ويرضاه وييسر لك مرك وجميع المؤمنات...

[نور اليقين29]

ربي يجيبلك ألي فيه الخير

[جسور المحبة]

ربي يحفظكم يا اعضاء اسرة منتدى الجلفة

[moonlight19]

استخيري اختي و ان كان هذا الرجل خيرا لك في دينك و دنياك
فربي يسهل لك و يكتبولك ماتخافيش ما تدي غير الكاتبة

[جسور المحبة]

ربي يحفظكم يا اعضاء اسرة منتدى الجلفة

[dadine213]

المشاركة الأصلية كتبت بواسطة جسور المحبة

وش تقولو فلي يخطبها واحد مش من ولايتها مع انو عندو الدار وخدام ولاباس بيه ويحبو بعض غير على جال براني واهلها رفضوه بالرغم لي عيات تقنع وتتوسط ليهم وهوما رافضين ومش حابين يعطوه حتى فرصة باش يعرفوه مع انو مصمم ولاو يخرجو في اسباب الرفض مثل انها تبعد عليهم بمئات الكيلومترات وتبعد على اهلها وشكون اللي يهتم بيها اذا مرضت ويساعدها في تربية اولادها؟ شكون اللي يوقف بجنبها ادا تهانت من زوجها ولا من اهلو؟ وادا ما صراش هدا الشيء راح تنسى اهلها بمرور الزمن واذا كانت مناسبة تلقى روحها وحدها راح تقولولي يجيبها لدارهم بصح وقتاش؟ مرة كل شهرين ولا ثلاثة وشحال تقعد؟ على الاكثر اسبوع ولا 10 ايام واذا كانو ولادها يقراو؟.....وقبل كل شىء كيفاش تجيب معلومات صيحة عليه قبل الزواج لانو الخطاب رطاب ................................. اليس هذا ظلم؟ ام انه يجب عليها ان تقبل الوضع وتسكت ..ارجو الرد من فضلكم

السلام عليكم

أكثري الاستخارة و الدعاء و اتقي الله لعله يجعل لكي مخرجا

[امينة تيارت]

المشاركة الأصلية كتبت بواسطة جسور المحبة

وش تقولو فلي يخطبها واحد مش من ولايتها مع انو عندو الدار وخدام ولاباس بيه ويحبو بعض غير على جال براني واهلها رفضوه بالرغم لي عيات تقنع وتتوسط ليهم وهوما رافضين ومش حابين يعطوه حتى فرصة باش يعرفوه مع انو مصمم ولاو يخرجو في اسباب الرفض مثل انها تبعد عليهم بمئات الكيلومترات وتبعد على اهلها وشكون اللي يهتم بيها اذا مرضت ويساعدها في تربية اولادها؟ شكون اللي يوقف بجنبها ادا تهانت من زوجها ولا من اهلو؟ وادا ما صراش هدا الشيء راح تنسى اهلها بمرور الزمن واذا كانت مناسبة تلقى روحها وحدها راح تقولولي يجيبها لدارهم بصح وقتاش؟ مرة كل شهرين ولا ثلاثة وشحال تقعد؟ على الاكثر اسبوع ولا 10 ايام واذا كانو ولادها يقراو؟.....وقبل كل شىء كيفاش تجيب معلومات صيحة عليه قبل الزواج لانو الخطاب رطاب ................................. اليس هذا ظلم؟ ام انه يجب عليها ان تقبل الوضع وتسكت ..ارجو الرد من فضلكم

اختي وانا اقول تزوجي الرجل ذو الدين و الخلق ولا خلي و تذكري دائما الطيبون للطيبات ....... ايضا الزواج مسؤوليتك بالدرجة الاولى بمعنى يجب ان تتدبري اموركي عاندي الام في كيفية رعاية البيت ماشي تعتمدي عليها في بيتك و تذكري دائما الطيبون للطيبات ونحن لسنا افضل من سيدنا ايوب بمعنى الصبر على كل شيء فما خلقنا الا ليمتحننا الله شكرا اختي على الموضوع وفقكي الله لما يحب و يرضاه و تذكري دائما العبد في التفكير و الرب في التدبير نحن نريد و الله يفعل مايريد تحياتي اختي