حصريا وصول التلغرام الخاص بضباط الشرطة نظام عمومي - الصفحة 2

khaled1996 · 2011-10-07, 12:05

السلام عليكم حبيت نسقسيكم الي عندو خبر علي تاريخ التربص بالنسبة للمفنشين الي عندو معلومة يخبرنا بيها اسكو ندخلو معاكم ولا لا

fabrégas25 · 2011-10-07, 12:15

mabrok 3likom,la3koba lina les inspecteurs nchalah

algerien002 · 2011-10-07, 12:24

السلام عليكم استفسرت الان من صديق يخدم في السونترال قالي نعم جاء تيليغرام ولكن خاص بجلب الكشوف لسنوات الدراسة والمعنيين بالامر الناس اللي قرات حقوق ماكانش منها استدعاءات الدخلة وشكرا. صلاة جمعة مقبولة ان شاء الله.

el-houcine · 2011-10-07, 12:32

وصول التلغرام الخاص بضباط الشرطة للنظام العمومي لولاية بشار
يوم أمس فيه: 13 ضابظ والدخول يوم: 16/10/2011 بشاطونوف بالعاصمة.

Bourouba22 · 2011-10-07, 13:42

وصول تلغرام التربص البارحة والدخول يوم16/10/2011 رسمي 100%

hakou_40 · 2011-10-07, 13:52

والله المعلومة شحيحة جدااا عندي صاحبي نجح عيطلو عمو قالو مبروك عليك اما انا نهار الاحد ابان الرسمي انتاعي التربص 16في هذ الشهر
ومبروك للجميع ولي مانجحش ما يقطعش رحمة ربي

hou1200 · 2011-10-07, 13:59

mabrouk 3likoum eli hab ydir el khir yseksina wekteh les inspecteurs

mohamed1600 · 2011-10-07, 14:00

وتاع الروكور مابان عليهم والو

شمس رحمة · 2011-10-07, 14:22

السلام عليكم، أنا من ولاية عين الدفلى و صحيح خرجت قائمة الناجحين للدخول يوم 16/10/2011 بالصومعة -البليدة- وكاين لي طلبوا منهم إحضار كشف النقاط لسنوات الدراسة في أقرب وقت،
وهذي المعلومات شفتها بعيني لأنهم اليوم عيطولي من أمن الدائرة باش يعطوني إستدعاء وذلك لإحضار كشف النقاط لسنوات الدراسية الأخيرة وكان معايا واحد صاحبي عيطولوا باش يدي إستدعاء تاع الدخلة و طلبوا منوا إحضار البدلة الرياضية و ملف متكون من شهادة طبية للفحوصات الطبية و شهادة السوابق العدلية و ...... وغيرها . وكي سقسيت علاه حنا بعثولنا لإحضار كشف النقاط قلي باش يعيطولنا معاهم والله أعلم ، وقلي واحد صاحبي أنوا بعثوا ل 300 وبقات دفعة ثانية فيها 300 متربص والأيام الجاية تبين صحة الخبر وشكراااااااااااااااااااااا.

cherifspeed · 2011-10-07, 14:59

مبروك لجميع الناجحين و مازالوا نقولهم حاجة وحدة اقسم باله ثلاثا يا خاوتي راني مفوت هدا المسابقة 4 مرات على التوالي نوصل لاخر ندير الشفهي و الرياضة و ما يعيطوليش لانو مازال ما كتبهاش ربي في الاعوام الي فاتوا هدا وين كتب ربي الحمد لله و عليه ماتقطعوش الامل و احكموا في ربي سبحانوا اما بالنسبة للتلغرام الدخلة يوم 2011/10/16 بشاطوناف البليدة و كيما قلت بلي كاين الي زادوا 3 هادوك قلولهم جيبوا الكشوف .

algerien002 · 2011-10-07, 15:05

اقتباس:

المشاركة الأصلية كتبت بواسطة cherifspeed

مبروك لجميع الناجحين و مازالوا نقولهم حاجة وحدة اقسم باله ثلاثا يا خاوتي راني مفوت هدا المسابقة 4 مرات على التوالي نوصل لاخر ندير الشفهي و الرياضة و ما يعيطوليش لانو مازال ما كتبهاش ربي في الاعوام الي فاتوا هدا وين كتب ربي الحمد لله و عليه ماتقطعوش الامل و احكموا في ربي سبحانوا اما بالنسبة للتلغرام الدخلة يوم 2011/10/16 بشاطوناف البليدة و كيما قلت بلي كاين الي زادوا 3 هادوك قلولهم جيبوا الكشوف .

شاطوناف والا البليدة راك غالط في دكر المدرسة حدد من فضلك