لماذا الجلفة بلاد البراني

[hitkbn]

اك تخلط في امر خطير واطلب ربي ما يحظروناش معاك

[freeman2008]

المشاركة الأصلية كتبت بواسطة سلاف26

ما الفائدة من هذا فتح النقاش في هذا الموضوع؟؟؟
أعطينا سبب واحد ترينا فيه بان هذا الموضوع يستحق أن يبقى هنا

أنا في الحقيقة شفت موضوعي على حساب مستوايا بأن هناك مستويات مماثلة في مناقشته فمضمون موضوع موجه لمن له عين ثاقبة يتمحور حول ما يسمى " بتداخل الثقافات و همزات الوصل بينهم و تأثيرها على المجتمع "

فموضوعي في الحقيقة موضوع سوسيولوجي تحت شعار " الفعل الاجتماعي " و أثره على المجتمع و لمن له صلة بعلم الاجتماع و درس " عن كارل ماركس ، لمبروز ، ماكس فيبر ، هيقل ، ايميل دوركايم و غيرهم من علماء السوسيولوجيا
يعرف جيدا أن مسألة اختلاط العادات و التقاليد لمنطقة من ربوع الوطن مع عادات و تقاليد منطقة أخرى عندها سيكون عندنا مزيج اجتماعي و لمن درس " تاريخ و سوسيولوجيا التاريخ الجزائري " و ركز على فترة تسميم الشخصية الجزائرية يدرك أبعاد موضوعي

فالحقيقية موضوعي " باب نقاش على مزيج التفكير السوسيولوجي و اصطدامها بتفكير أخر "
فموضوعي يدور حول الافكار التي يأتي بها شخص من منطقة ما الى منطقة أخرى فيصطدم بعادات و تقاليد هذه المنطقة فيحاول ان يؤثر عليهم فيتأثر بهم و في الحقيقة و لذويالمستويات العالية " فلسفة هيقل " في تحليله للسلوك الاجتماعي و الفعل الاجتماعي و الانحراف الاجتماعي و غيرها ...

المهم الاخت سلاف26 قد أكون مخطئ في طرح موضوعي في هذا القسم و لكن فكرتي السوسيولوجية لست مخطئ فيها لأن هذه الظاهرة عمت كل ربوع الوطن و عانا منها الجميع ، و سؤالي هو :
1/- إذا دخل انسان غريب العادات و التقاليد عن منطقة معينة هل يؤثر عليها أم يتأثر بها ؟
2/- ما هي المعطيات و القبيليات التي يجب ان يتشبع بها الانسان الجديد عنالمنطقة حتى لا ينحل في منطقة غيره
3/- و هل السلوك الاجتماعي المنحرف نتيجة الفعل الاجتمةماعي الغير سوي بمعنى اذا لاحظنا بعض سلوكات منطقة معينة بدأت في التغير هل هذا التغير ذاتي أم موضوعي أي هل هو من أهل المنطقة ذاتهم أم هناك دخيل سرب لهم هذه الثقافات
4/- غذا حدث تغير اجتماعي في مجتمع ما هل نتيجة استعداد فطري لهذه الفئة أم هو ما يسمى بالانبهار بما هو جديد

المهم اذا دخلنا في دراسة سوسيولوجية رايحين نجيب على أسئلة كثيرة نخلص بها الى ما يلي :

(( أي عنصر جديد في مجتمع معين له عادته و تقاليده بمقدر ما سيفيد هذه الفئة قد يضرها و بقدر ما يضرها سيستفيد هو و بقدر ما يستفيد هو سوف ينضر هو الاخر و هكذا تتم التفاعلات الاجتماعية بين التأثر و التأثير ))

و للأسف الشديد كنت أنتظر اجابات من مختصين في المنتدى لمناقشة سموم الاحتلال الفرنسي الذي شجع مثل هذه الانحرافات السوسيولوجية ( الدشرة ، الدوار ، الحي ، العرش ، الفرقة ... الخ )

فالعمل الاجتماعي في رأي هو مزيج ثقافات أصيلة و ثقافات دخيلة لينتج عنه ثقافة جديدة فالى أي مدى يمكن للجزائري أن يحافظ على هويته في ظل محافظته على عاداته و تقاليده و من ذاء الذي يمكنه أن يغير من عاداته و تقاليده من الحسن الى الأحسن ؟

و شكرا و معذرة على الموضوع الذي لم يلقى المستوى المطلوب في المناقشة

[الأخ خالِـــد]

أرى أن الموضوع منطقي وهام جدا،
فالذين يقولون أن هذا تعصب للمنطقة وجهوية ، أسألهم سؤالا واحد :
لماذا بعض مسابقات التوظيف تشترط بطاقة الإقامة ؟؟؟؟؟؟؟
هل تعتبر هذه جهوية أيضا ، أم أن هناك خلل في التوزيع .
أخي الكريم أنا مع فكرة أن الجزائري جزائري في كل الوطن ، ولكن لابد من المساواة
فليس من العدل أن يتم جلب أقل الوظائف من أقصى الجزائر مع أن البطالة ((دايرة كرعين وتمشي)) في الجلفة

هذا رأيي قد أصيب وقد أكون غير ذلك ، لهذا هذا الموضوع يوضح الرؤية.
وفي الأخير لا شك أن الأرزاق بيد الله ، وكل واحد ما يدي غير اللي كاتبهالو ربي

[HALI_Hacker]

المشاركة الأصلية كتبت بواسطة نائب عضو

أرى أن الموضوع منطقي وهام جدا،
فالذين يقولون أن هذا تعصب للمنطقة وجهوية ، أسألهم سؤالا واحد :
لماذا بعض مسابقات التوظيف تشترط بطاقة الإقامة ؟؟؟؟؟؟؟
هل تعتبر هذه جهوية أيضا ، أم أن هناك خلل في التوزيع .
أخي الكريم أنا مع فكرة أن الجزائري جزائري في كل الوطن ، ولكن لابد من المساواة
فليس من العدل أن يتم جلب أقل الوظائف من أقصى الجزائر مع أن البطالة ((دايرة كرعين وتمشي)) في الجلفة

هذا رأيي قد أصيب وقد أكون غير ذلك ، لهذا هذا الموضوع يوضح الرؤية.
وفي الأخير لا شك أن الأرزاق بيد الله ، وكل واحد ما يدي غير اللي كاتبهالو ربي

معك أخي

كاين برانية جاو للبلاد وإندمجوا وهم ناس صح متأدبة ومتحضرة وتجدها والله ناس عسل والله نعرف الكثير ومرحبا بهم في الجلفة وهم ضيوفنا.

ولكن الوجه الآخر لهذا أنني صرت أحس بأنني أنا البراني في الجلفة ما تقدرش تمشي حتى مع واحد مقادرو في الشارع

يعني جانا إحتلال من ناس حتى مش متأدبين في اللباس والكلام والتصرفات حتى في العقلية بدو ساكنين في المدينة وجاو من كل أنحاء الجزائر لأنهم لقاو خبزة هنا ، ولو تدخل بينهم ستجدهم عاملين بينهم الجهوية يعني يدوا الرشوة ويخدموا غير اللي يضربلهم الشيتة ومعارفهم ...

أنا من ولاد البلاد وعندي النيف بصح كاين عندنا للأسف بالزاف مرخس هم اللي فسدوا علينا ، مرحبا بالضيف ولكن الضيف الذي يبني ويفيد ليس مثل بعض الهمج الذين يأتون من هنا وهناك...

[freeman2008]

اللهم اجعل جمعنا هذا جمعاً مرحوماً ، وتفرقنا من بعده تفرقاً معصوماً ، ولا تجعل اللهم فينا ولا منا ولا بيننا شقياً ولا محروماً , اللهم استرنا فوق الأرض ، واسترنا تحت الأرض ، واسترنا يوم العرض , اللهم اهدنا واهد بنا واجعلنا سبباً لمن اهتدى.

[مصطفى قاسمي]

السلام عليكم



انا انقلك عشت في بلادهم 5 سنوات إنادوني ياالقبلي ولا ياجلفاوي

عمرهم ماقبلوني بينهم حتى انسيت اسمي عندهم والتفرقة بدات من عندهم

واش معناه اقولونا ياالقبالة ولا ياجلافة وعلاه حنا مناش جزائريين كما هم

ولي حضر للمقابلة بين الجلفة وبلوزداد في تصفيات كأس الجمهورية في مطلع التسعينات

يعرف معنى العنصرية والكلام إلي كان يخرج من افامهم كانوا يخدموا فيه على جالنا

وهم كي جاونا صبحوا إعايروا فينا بلادكم فيها الغبار وبلادكم فيها وفيها

لو كان فيهم الخير ما ترميهم بلادهم ياجماعة ماكان لاه اتقطوا الشمس بالغربال



ســــــــــــــــــــــلام

[خليلوزن]

الصراحة هذا موضوع حساس والجماعة كفاو ووفاو مي نقولكم حاجة انو المشكل ميش فينا حنا كي خلينا البراني يعيش ويتقلش هذي العكس راها من كرم اخلاقنا والضيافة عمرها ما كانت عيب بصح المشكل انو الناس اللي رانا نضيفو فيهم مع كل احتراماتي ماهمش نيفوا يقول الشاعر ان انت اكرمت الكريم ملكته ان انت اكرمت اللئيم تمرد انا حبيت نزيد حاجة فوق وصفي للموضوع وهو اني نطرح حل petite solution وهي اننا نعاملوهم بالمثل يا خويا منا وجاي الراسيزم وعقابها واللي ما عبوش الحال يروح لبلادو ودارو تستر عارو .....

[dico1901]

اخي ربي يهديك انا عملت 4 سنوات في الجلفة ولم المس من ناس الجلفة الا الخير و الكرم فلمدا كل هادا انا لست معك وانا مع ناس الجلفة حبابي واريد العودة للعمل في مدينة الجلفة وانا مانيش براني .............شكرا

[أنــا"وحدة"مــش"1"]

مع أن الموضوع قديم لكنه إستفزني


و ماذا تقول في ولاية غرداية اللي نورمالمو نسموها الجلفة خير علاخاطر مليااااااااااااااااااانة بناس الجلفة و حاسي بحبح
و للا لغوااااااااااااااااااااط اللي ملياااااااااااانة بناس الجلفة و شادين غير البلايس المريقلة

أملا غير ماكلاه تقول بلي الجلفة بلاد البراني على خاطر كل ولاية راهي بلاد البراني

و أرض الله واسعة و ين الواحد يلقى رزقو يتكل على ربي

و تحياتي

[novateen]

يا أخي ليست فقط الجلفة بلاد البراني
حتى ولايتنا
الغريب يعيش ويبني قصورا في فترة وجيزة أما ابن المنطقة العريق فيتخبط في فقره لسنين عديدة

[الجازية الهلالية]

راني باغية نعلق على العنوان

احنا في الجزاير كاع نقولو هاك

انا وين ما نسكن يقولو ولاد سيدي علي يبغو البراني

منطقة كذا ولا كذا يموتو على البراني

بصح مين تجي في الصح كاع يولو يد وحدة ولد عمك يمضغك وما يصرطكش

وتاني احنا ا كاع خاوة في الدين

[قــاهر اليـأس]

لاحولة ولاقوة إلا بالله العلي العظيم
مازِلنا لا نفرق بين وصف الناس بإنتاع براني وبين مكرم لضّيف،فكل غريب (براني) يعتبر ضيف ويجب إكرامه هذا هو خلق الإسلام .
فالناس الذين يكرمون الغرباء (الضيوف)يصفون بالكرماء وليس بوصف راك نتاع براني

[نورة]

الضيف ثلاثه ايام مش يولى مول البلادو يخدم فى بنى عمو .... ويتحكم فيك وكى يروح لبلادو يدير روحو ما يعرفكش
صح الجلفة داوها البرانية


اهل مكة ادرى بشعابها

[عوماري]

يا اخي حتى ابناء الجلفة وين تمشي تلقاهم ورواح تشوف بعينيك في ادرار
خلونا من الجهوية لا توجد ولاية في الجزائر غير مهاجري سكانها لكن الكل يدعي بانه هو ابن الجزائر والاخر نازح
رغم ان الكل مجرد مهاجرين

[رملاك]

؟؟؟؟؟؟؟؟؟؟؟؟؟