اذا جاوك ضيوف تحشمي منهم - الصفحة 2

OU SS AMA · 2011-09-25, 21:41

اقتباس:

المشاركة الأصلية كتبت بواسطة sarsora777

شكرًا اختي ربي يخليك و الله صح عندها حق يا اختي والله شهيتيني في القريوش ان شاء الله نزيد نجربو تحبي الصح انا ياست قلت مستحيل يصلحلي.
لكان فيها شخشوخة راني جاية هههههههه بصح وشمن شخشوخة

هههههههههه شخشوخة الضفر مرحبا مرحبا بك نهزك فوق راسي

houdaty · 2011-09-25, 21:46

ايه تفكرت اسوء شيء في لحطة تاع القاطو مين تخلطو الانواع في طبسي واحة كل نوع ينحط في طبسي وحده
والتارمويات من الاحسن يكونو في لون ابيض باش قاع الكيسان يجو معاهمو طباسا قاع كيفكيف مشي كل واحد في شسكل
و مين نتفكر نزيدكم نتمني نكون فدتكم

sarsora777 · 2011-09-25, 22:25

اقتباس:

المشاركة الأصلية كتبت بواسطة houdaty

ايه تفكرت اسوء شيء في لحطة تاع القاطو مين تخلطو الانواع في طبسي واحة كل نوع ينحط في طبسي وحده
والتارمويات من الاحسن يكونو في لون ابيض باش قاع الكيسان يجو معاهمو طباسا قاع كيفكيف مشي كل واحد في شسكل
و مين نتفكر نزيدكم نتمني نكون فدتكم

شكرًا لك اختي يعطيك الصحة

sarsora777 · 2011-09-25, 22:34

اقتباس:

المشاركة الأصلية كتبت بواسطة ou ss ama

هههههههههه شخشوخة الضفر مرحبا مرحبا بك نهزك فوق راسي

ربي يفرحك اختي ملا مادام تاع الضفر مالا راكي من الشرق انا نحبها بزاف فكرتيني توحشتها من العيد ما درتهاش هههههه مالا كي نديرها انا الي نعيطلك يا ختي تعيشي ان شاء الله انا. الي نلوحك في عينيا ربي يجمعنا في الجنة ان شاء الله

bassamat · 2011-09-25, 22:54

اختى استقبليهم بالبسمة اول شئ من هنا تبدا الحطة
و من بعد نكملك الباقى رانى راح نديرلك كما شهرزاد تع1000 ليلة و ليلة هههههههههههههههههههههههههههههه تصبحين على خير

sarsora777 · 2011-09-25, 23:07

اقتباس:

المشاركة الأصلية كتبت بواسطة bassamat

اختى استقبليهم بالبسمة اول شئ من هنا تبدا الحطة
و من بعد نكملك الباقى رانى راح نديرلك كما شهرزاد تع1000 ليلة و ليلة هههههههههههههههههههههههههههههه تصبحين على خير

يا اختي البسمة راهي واجبة عليك كي تستقبلي ولا كي تروحي حبينا نشوفو الجديد و العادات و التقاليد تاع كل بلاصة

sarsora777 · 2011-09-25, 23:21

اقتباس:

المشاركة الأصلية كتبت بواسطة sarsora777

يا اختي البسمة راهي واجبة عليك كي تستقبلي ولا كي تروحي حبينا نشوفو الجديد و العادات و التقاليد تاع كل بلاصة

وانت من اهل الخير اختي اييييييه فهمت راكي توصي على البسمة كي عاد اسمك bassamat خلاص درك غير نشوفك نقعد نتبسم هههههههه راني نتمصخر برك يا اختي البسمة في وجه الغير.صدقة رانا نحوسو على la présentation chic et traditionnelle

❣سڪڕ❣ · 2011-09-26, 15:09

موضوع رائع
يستحق التثبيت
وهو أهم شيء لانزم نعرفوه
حنا في الوسط في الغالب نتزاوروا بعد الظهر
نحطوا مشروبات وفواكه
ومبعد تاي ومقروط ولا مع قريوش أو طمينة إدا كان نفاس
ومبعد العصر قهوة مع حليب مع حلويات صابلي وحلويات تاع الطلية وبقلاوة اللي يكون موجود عندك
وإدا قعدو للعشا في الغالب نعملو طعام (كسكسي)مع الجاج أو اللحم والمرقة والدلاع إدا كان وقتوا أو العنب
وأحيانا إدا كان العجين نتاع الشخشوخة موجود مجهز من قبل (يمكن تحظيره و تجميده)حينها نعملو شخشوخة
وفي الغدا حنا في الغالب نعملو شربة وطجين زيتون أو حاجة أخرى على حسب القدرة مع سلاطات ومشروبات
لكن لاحظت أنكم تأخرو التاي على القهوة
وحنا التاي وبعد العصر باه نحطوا القهوة بالحليب

sarsora777 · 2011-09-26, 15:16

اقتباس:

المشاركة الأصلية كتبت بواسطة مها81

موضوع رائع
يستحق التثبيت
وهو أهم شيء لانزم نعرفوه
حنا في الوسط في الغالب نتزاوروا بعد الظهر
نحطوا مشروبات وفواكه
ومبعد تاي ومقروط ولا مع قريوش أو طمينة إدا كان نفاس
ومبعد العصر قهوة مع حليب مع حلويات صابلي وحلويات تاع الطلية وبقلاوة اللي يكون موجود عندك
وإدا قعدو للعشا في الغالب نعملو طعام (كسكسي)مع الجاج أو اللحم والمرقة والدلاع إدا كان وقتوا أو العنب
وأحيانا إدا كان العجين نتاع الشخشوخة موجود مجهز من قبل (يمكن تحظيره و تجميده)حينها نعملو شخشوخة
وفي الغدا حنا في الغالب نعملو شربة وطجين زيتون أو حاجة أخرى على حسب القدرة مع سلاطات ومشروبات
لكن لاحظت أنكم تأخرو التاي على القهوة
وحنا التاي وبعد العصر باه نحطوا القهوة بالحليب

صح عندك حق حنا ناخرو آلتاي و نحطو معاه المكسرات ولاحظت انكم تسبقو بيه شوفي كامل اولاد الجزائر وكل واحد عندو طريقتو و الله ça fait plaisir نعرفو عدات وتقاليد بعضانا و نهزو الحاجة المليحة و شكرًا جزيلا على الرد الجميل اختي مها

أسية24 · 2011-09-26, 18:30

موضوعك جميل أختي نقترح عليك تحطيه في موضوع مستقل بعنوان عاداتنا في إستقبال الضيوف ولي عودة للرد عليكي إن شاء الله

bassamat · 2011-09-26, 19:36

اختى رانى نشوف فيكم تتكلمو على النفاس حبيت نشارككم
نحكيلكم على نفاس اختى بعد ما دخلو الضياف و قعدو بدينا نسربو فى le jus et les cap cake
الكاب كيك هو قاطو جديد بالنسبة للنفاس
ومن بعد سربينا القهوة و الحليب مع البقلاوة والمقروض و الغريبة مع ديكور متناسق من الترموات للسكريات للمرش للملاعق كلهم من معدن واحد سكرية لعسل سكرية معجون الفريز كيف كيف
حطيت حبتين مقروض و حبة بقلاوة و حبة غريبة لكل واحد
لكن قبل هذا ندورو سكرية المعجون مع حامل الملاعق و كل وحدة ذوق ( لازم المعجون نطيبوه ما يتشراش)
ومن بعد القهوة بمدة درت عليهم بكرباية صغبرة فبها لسرفيات على شكل كيمونو و فى الوسط ساشى صغير تع DORA
ومن بعد درت بالعلب من الالومنيوم معمرة طمينة القمح ماشى السميد مع الملاعق و التاى مع بورس من الارغنزا الوردى معمرة بالصنوبر
وفى المرحلة الاخيرة بعد مدة سربيت علب القاطو مع الدراجى فى وسط رضاعةbibron مع سرفيات محكومين بمساكة perle
ومن تحت العلبة ساشى وردى صغير تع دورا باش ينجمو يدوهم معاهم
لكن الشئ الاروع انو مع الرضاعات وزعت بطاقات مكتوب فيها عبارات للمولودة كل وحدة تقراها تسلم على الطفلة
كانت قعدة هااااااااااااااااااااااايلة
وهذه الصورة

bassamat · 2011-09-26, 20:37

هذه البطاقات لىلقيتها فى احد المنتديات ونسختها و لصقتها فى الرضعات نهار النفاس

OU SS AMA · 2011-09-26, 21:12

الله يبارك تسمى كي قلت فحلة ...فحلة تاع الصح بسمات كي ذكرتي سيرة الباقلاوة انتي كيفاه ديريها

sarsora777 · 2011-09-26, 22:23

اقتباس:

المشاركة الأصلية كتبت بواسطة bassamat

هذه البطاقات لىلقيتها فى احد المنتديات ونسختها و لصقتها فى الرضعات نهار النفاس

Merci bassamat علىالمشاركة تاعك يعتيك الصحة ملا ديرو الزرير ماشي الطمينة ملا ما تكوني غير من الشرق الفكرة تاع les biberons مع الملصقات عجبتني تاع ls biberons نعرفها mais jamais تولهت لحكاية les étiquettes .انا في عرسي درت مع ls dragées des blagues اما في نفاسي au depart درت jus مع ls salées و ls sucrées باه كل واحد يأكل واش يحب انا شخصيا نحب les sucrées وامبعد درت زراوي مع اللبن وامبعد القهوة والحليب والمقروذ و البقلاوة والغريبية والعرايش و الزرير وامبعد آلتاي مع المكسرات وامبعد ls glaces هادي هي *

sarsora777 · 2011-09-26, 22:26

اقتباس:

المشاركة الأصلية كتبت بواسطة أسية24

موضوعك جميل أختي نقترح عليك تحطيه في موضوع مستقل بعنوان عاداتنا في إستقبال الضيوف ولي عودة للرد عليكي إن شاء الله

شكرًا اختي اسية نشاء الله نحاول نبدلو العنوان و راني نستناك