عظم الله اجري في الماجيستير

[freeman2008]

المشاركة الأصلية كتبت بواسطة miminou

حلم الحصول على الماجيستير كان مرافقني عندو سنين وهاذ العام بالذات حسيتو كي حبات الرمل اللي اطيح مابين اصباع يديا
كان يتعذب مابين الوقت الضايع في لافيشاج و2/4 من المشاريع اللي كنت معولة اعليهم الغاوهم ....... واللي شميت فيهم ريحة الامل القيت عدد المناصب اللي فيهم مايكفويش حتى لناس المعريفة ولكتاف واللي جيبو سخون
قلت مااعليه مزال الامل في الربع الباقي راه سي الوزير قال مكانش شروط وانهار اللي شفت لافيشاج انتاع المجالس العلمية انتاع اغلب الجامعات اتشوكيت في عمري اللي راح خسارةو........و.......و..........................

واليوم على الساعة 10 اطلقت جامعة المسيلة رصاصة الرحمة على حلمي ...وهناتني من سوفرونس اللي كنت فيها
دي فوا انقول حسبي الله ونعم الوكيل ودي فوا انقول اتفوووووووه على اللي حاكم البوفوار ويتاجر باحلام الناس
ودي فوا ودي فوا......................
مي مزالني انقول الخيرة فيما اختاره الله ولـــــــــــــعل في ذلك خير.

أختي لمعول على المستقبل ايروح للخارج و لا بلاد القومية و الرعيان خليها لمواليها راهم متنعمين ، أما احنى انتاع النيف و النية الصحيحة ما هيش هذي بلادنا ، الله غالب الجزائر لحروها ماتوا و بقاو فيها أوليدات القومية يحكموا و ايديرو وش ايحبوا

[MIMINOU]

المشاركة الأصلية كتبت بواسطة freeman2008

أختي لمعول على المستقبل ايروح للخارج و لا بلاد القومية و الرعيان خليها لمواليها راهم متنعمين ، أما احنى انتاع النيف و النية الصحيحة ما هيش هذي بلادنا ، الله غالب الجزائر لحروها ماتوا و بقاو فيها أوليدات القومية يحكموا و ايديرو وش ايحبوا

صح سواسوة اللي عندو ظفر يحفر واللي عندو اجناح يطيرهذا هو القانون اللي راه ماشي في بلادنا