صفحة خاصة بأعوان الشرطة الدفعة التكميلة و الدفعة الثانية

[rafik20799]

إذا أعلنت النتائج قريبا إنشاء الله راكم معروضين عندي نذبحلكم كبش
و نديروا عليه شخشوخة
و عندكم لا ما تجيوش

[كمال1981]

المشاركة الأصلية كتبت بواسطة yacine1989

يا أخي كيفاش نصفي حسابي

راني قتلك بلي 3000 دج غير نافذة يعني نحب ما نسلكهاش

يا هل ترى نقدر نسلكها ويحذفوها نهائيا من عندهم و لا كيفاش

السلام عليكم
للاسف اخي هوما لا يحذفوها من عندهم الا لو عملت ملف رد الاعتبار و لكن تسلكها و يجب ان يكون عندك 3 سنوات و التاريخ يبدا من يوم ما تسلك يعني الدولة ما تسالك والو مدة 3 سنوات و اعطيك نصيحة اخي اذهب الى المحكمة و لازم معرفة قليلة لكي يعطونك سهادة السوابق العدلية رقم 2 و ليست 3 التي يعطونها للناس جميعا رقم 2 تبقى عندهم واسال عند هم يعطونك الرسمي

[amarali]

سلام اخ كمال ممكن ***** estrestr6

[كمال1981]

المشاركة الأصلية كتبت بواسطة amarali

سلام اخ كمال ممكن ***** estrestr6

اهلا حبيبنا من رقان واش راك واش راهي رقان عندي 15 يوم من لي جيت من رقان

[amarali]

والله راني صافا كامل عندك *****

[amarali]

*****.estrestr6ممكن كمال

[كمال1981]

المشاركة الأصلية كتبت بواسطة amarali

*****.estrestr6ممكن كمال

واش خصك يا شريكي

[عبد النور مكي]

كمال..وقتاش نعقبو الامتحان الكتابي و الرياضي للدفعة التكميلية؟

[Khairo Chinoui]

كااااااااااش جديد علي الدفعة التكميلية راهم طولوا علينا

[rima droit]

السلام عليكم هل هناك مسابقة هده الايام تخص المفتشين

[belkacem83]

المشاركة الأصلية كتبت بواسطة كمال1981

السلام عليكم
واش راكم يا خاوتنا انا راه خبر رسمي و العالم ربي و رانا نستناو في 28 في الشهر
و الجماعة لي راهي تهدر على تحقيق اخر انا نقوللهم متحيروش رواحكم راه مكانش منها التحقيق راكم درتوه ضرك كون يعيطولكم يقولك في ضرف 3 ايام تلتحق بالوحدة تاعك و تاخذ معاك بدلتين واحدة للرياضة و اخرى للنوم و عقد ازدياد و صورتين و ورقة مشطبة للحساب الجاري (البريد و المواصلات ) و ممكن 90 بالمئة تاخذ صورة اشعة للقلب من طرف طبيب مختص و لوازم الحلاقة ........الخ و رقم ضمان اجتماعي ان وجد مدة التربص تكون 9 اشهر تتدربون مدة 45 يوم و تاخذون اجازة مدة 10 ايام و تعودون واحذرو يا اخوتي الكرام اصحاب المحذرات و الكحول الله يهديهم و يشفيهم و نتمناولهم باه يتوقفون عليها ستدخلون على طول الى التحاليل و خاصة تحليل البول الذي يجدون فيه كل شيئ فاياكم و اللعب بالمستقبل يا اخوتي
ملاحظة هامة

من لديه غرامات مالية او اي شيئ يتعلق بالدولة او المحكمة فيجب ان يسيرع لاصلاح اخطائه مادام مازال الوقت امامه لان الشرطة يبحثون في كل شيئ و يجدون كل شيئ و في الاخير اتمنى النجاح لكل الاخوة و ان شاء الله كل الناس تدخل شرطة ومن يريد ان يستفسر في شيئ انا موجود و السلام عليكم و رحمة الله و بركاته

ان شاء الله خويا كمال تكون على حق لاننا هرمنا ونحن ننتظر في تلك اللحظة
مزالني معاك نقاسي مزالني معاك معرفت كيفاش نواسي وحصلت في هواك حتى حرم بيك نعاسي قلبي لي هواك والله ماقدرت ننساك
مزالني معاك نعدي غيرة وفيك عهد قصدي علاش ما فناشي وعدي ونتي يحاسبك مولاك هكدا خان بيا سعدي وانا نجري موراك لكن دريت سر بهاك السالف الطويل وتاك
كلمات من اغاني دحمان الحراشي تنطبق علينا الي عشقنا في الشرطة

[chouchou69]

صحى خويا كمال
نتى قلت بلي كي نعود رايح بربي نشاالله ندي معايا شاك باري
انا ماعنديش شاك باري ؟؟؟؟؟

[كمال1981]

المشاركة الأصلية كتبت بواسطة عبد النور مكي

كمال..وقتاش نعقبو الامتحان الكتابي و الرياضي للدفعة التكميلية؟

و انت واش تقول يا سي عبد النور مكي دير وقت منعندك و نروحو و خلاص

[كمال1981]

المشاركة الأصلية كتبت بواسطة chouchou69

صحى خويا كمال
نتى قلت بلي كي نعود رايح بربي نشاالله ندي معايا شاك باري
انا ماعنديش شاك باري ؟؟؟؟؟

الشاك باري يا خويا يساعدك بزاف انا نقولك كيفاه يساعدك كي يعود الشاك تاعك راك تعرفو مليح و مفيهش الغلطات اما كي يخدموه لك هوما ممكن يغلطو في اسمك او لقبك او اي شيئ و الواحد الغلطات في كواغطو ما يجريش عليهم خلي يجريولك الناس و نزيدلك حاجة اخرى كون تدخل بربي ان شاء الله دير في بالك بلي الخلصة راهي طول و ممكن تضرب عام او اكثر باه ترجع تخلص انت تضرب عام باه تخلص و كي تلحق الخلصة تلفي بلي الشاك فيه غلطة ماجاتش يا اخي و ممكن نعطيلك حل يا اخي = روح للبريد و المواصلات اعطيلهم عقد ازدياد و شهادة اقامة و صورة طبق الاصل لبطاقة التعريف الوطنية قوللهم بلي راك مبعوث من عند بيرو موندافر يخدموهلك طول و يعطيلك ورقة فيها كل شيئ و حتى الرقم تدفع طبق الاصل منها الى الشرطة في انتضار يلحق كارني شاك تاعك

[bouamadrid]

المشاركة الأصلية كتبت بواسطة كمال1981

الشاك باري يا خويا يساعدك بزاف انا نقولك كيفاه يساعدك كي يعود الشاك تاعك راك تعرفو مليح و مفيهش الغلطات اما كي يخدموه لك هوما ممكن يغلطو في اسمك او لقبك او اي شيئ و الواحد الغلطات في كواغطو ما يجريش عليهم خلي يجريولك الناس و نزيدلك حاجة اخرى كون تدخل بربي ان شاء الله دير في بالك بلي الخلصة راهي طول و ممكن تضرب عام او اكثر باه ترجع تخلص انت تضرب عام باه تخلص و كي تلحق الخلصة تلفي بلي الشاك فيه غلطة ماجاتش يا اخي و ممكن نعطيلك حل يا اخي = روح للبريد و المواصلات اعطيلهم عقد ازدياد و شهادة اقامة و صورة طبق الاصل لبطاقة التعريف الوطنية قوللهم بلي راك مبعوث من عند بيرو موندافر يخدموهلك طول و يعطيلك ورقة فيها كل شيئ و حتى الرقم تدفع طبق الاصل منها الى الشرطة في انتضار يلحق كارني شاك تاعك

السلام عليكم اخ كمال بالنسبة للخلصة تخلص بعد 3 اشهر من التخرج وليس عام