كل مايخص الخدمة الوطنية نجده هنا

[walid0085]

سلام
يا اخواني جاوبوني
لي يروح عندهم وهو في الروشارش وماعلابالوش يحكموه لتم ولا يقولولو برك راك روشاش وماتستفادش من هاد القانون تاع 2009
لاكان واحد صراتلو هك ولا شاف يخبرني لوجه الله
باراك الله فيكم.

أنا شفت كيما هكدا يا خو ما تخافش. كانو قدامي 2 روشارشي و ما داروبهم والو قالولهم برك أنتم عصاة روحوا للدرك لتبرير العصيان و تسوية الوضعية

[الفارس الثائر]

المشاركة الأصلية كتبت بواسطة pirota

ياجماعة ان متخرج من المعهد دفعة 2009 مع العلم ان لدي استدعائين 2 مع الامر بلالتحاق هل استفيد من هذا القانون

لا تقلق اخي انا مثلك واعطوني استدعاء الى 23 سبتمبر .. وكان معي احد عندو ستة استدعائات نعم 6 استدعائات واعطولو الاستدعاء وماقلولو والو

[AdeLme]

السلام عليكم
خاوتي انا من موالدي 86 كملت الدراسة في 2008
سمعت بهاد القانون الي خرج في جوان
المشكل انه لحقوني استدعائين في سنة 2009
التاني كان معه و رقة بيضاء (امر بالالتحاق)
مارحتش بيان سير لاني الولد الوحيد في العائلة الشيخ كبير و لعجوزة ما تخدمش
المهم حبيت ندي دوصي مي خفت يدني من تم مع العلم انه الاسبوع لي فات حكموني الدرك في براج طلب البطاقة و راح شاف ولا عندي روشار ( تحبو الصح قلبي حبس) و لكن ماكان والو رجعلي البطاقة عادي
الله يستركم خاوتي الي يعرف و لا جاز على هاد الوضعية يقولنا واش نديرو
و الله ولي التوفيق

[AMMAR02]

السلام عليكم ورحمة الله وبركاته
هل سيحصل على الاعفاء كل من يبلغ 30 سنة مستقبلا أم القانون يشمل فقط الدفعة الحالية

[anglophile27]

السلام عليكم
خاوتي انا من موالدي 86 كملت الدراسة في 2008
سمعت بهاد القانون الي خرج في جوان
المشكل انه لحقوني استدعائين في سنة 2009
التاني كان معه و رقة بيضاء (امر بالالتحاق)
مارحتش بيان سير لاني الولد الوحيد في العائلة الشيخ كبير و لعجوزة ما تخدمش
المهم حبيت ندي دوصي مي خفت يدني من تم مع العلم انه الاسبوع لي فات حكموني الدرك في براج طلب البطاقة و راح شاف ولا عندي روشار ( تحبو الصح قلبي حبس) و لكن ماكان والو رجعلي البطاقة عادي
الله يستركم خاوتي الي يعرف و لا جاز على هاد الوضعية يقولنا واش نديرو
و الله ولي التوفيق

ADEL ME
RAK MRIDH NTAYA....!!!!! rou7 la region edilhom extrai de naissance 12+ photo de deplome+ 2 photo+ photo-de la carte nationale..... yatoulak convocation bah tedi la reform nta3ak apres 4 mois

[anglophile27]

adel me....
situation nta3a aktar men ta3ak... wtawli convocation bah nedi el3afow fi november... ghir rou7 la rigion wmatkhafech ok????????????????

[sabrawi2009]

السلام عليكم
اخي اريد السؤال لم يصني استدعاء الفحص الطبي لمادا؟

[AdeLme]

anglophile27

مافهمتش علاش نتا واش هي الوضعية تاعك ؟؟
+ راني نستنى في الشطر الاخير من العملية لاني من موالدي نوفمبر عني لازم نروح في 24 جويلية

[abdou4gm]

السلام عليكم
يا صحابي واش نقولهم كينروح ؟؟ جيت على كارت جون الى يقيسني القانون .... ولا نقولهم جيت على
السورسي انا بطلت لقراية في 2008 و جامي عيطولي و زايد في جانفي 1988 و نحتاج تسوية الوضعية ؟

[samir cne]

الإجراء يخص طلبة 2008 و2009

الشروع في تسوية وضعية متخرجي الجامعة تجاه الخدمة الوطنية

2011.06.25



شرعت مراكز الخدمة الوطنية استقبال ملفات الشباب المتخرجين من مختلف الجامعات والمعاهد لتسوية وضعيتهم تجاه الخدمة الوطنية، بشرط أن يكونوا قد أنهوا دراستهم الجامعية سنة 2008 أو 2009 بعد أن أنهت مصالح الجيش الوطني الشعبي عملية تسوية وضعية المتخرجين من الجامعة سنوات 2006 و2007 خلال الفترة الأخيرة، حيث يقدم المتخرجون الجامعيون ملفا إداريا مكونا من نسخة طبق الأصل من شهادة نهاية الدراسة الجامعية وصورتين شمسيتين ونسخة من شهادة الميلاد رقم 12 ونسخة طبق الأصل من بطاقة التعريف.

• ومنحت مراكز الاستقبال الولائية للشباب المتخرجين من الجامعة سنتي 2008 و2009 وثيقة تؤكد تسوية وضعيتهم تجاه الخدمة الوطنية على أن يتم تسويتها بشكل نهائي مطلع الدخول الاجتماعي المقبل على أن تدرس المصالح المعنية على مستوى مديرية الخدمة الوطنية ملفاتهم الإدارية والفصل فيها بشكل نهائي خلال هذه الصائفة، كما فتحت المراكز الولائية لمديرية الخدمة المدنية مكاتبها من 26 جوان إلى غاية السابع جويلية المقبل أمام الشباب المولودين بين الفاتح جانفي و31 ديسمبر 1981 لتقديم ملفاتهم الإدارية قصد تسوية وضعيتهم تجاه الخدمة المدنية بشكل نهائي.
• وسبق أن قرر الرئيس بوتفليقة التسوية النهائية لوضعية كل المواطنين البالغين 30 سنة فما فوق والمؤهلين لتأدية الخدمة الوطنية والذين لم يؤدوها بعد في إطار سياسة تسوية جميع الملفات العالقة على مستوى مديرية الخدمة الوطنية وتسهيل مهمة إيجاد الشباب لمناصب شغل تؤمنهم من البطالة والانحراف.

المصدر الشروق اليومي

[hdani]

ساتقدم لاخد بطاقة الخدمة الوطنية رجاءا ماهو الملف المطلوب هل فيه نقمة ولا لالا

[anglophile27]

adel me
wallahi 3adhim ghir situation nta3i ghir bezzaf s3iba 3lik.... el mohim 3andi zouj s7abi ... wa7ed 1984 wlakhor 1986 wmetkharjin fi 2008.... larb3aa li fatet tawelhom convocation bah yedouha fi november... malgri nta3 1984 insoumi mechi kifak.... rouh eddi dossier we etkel 3la rabi

[sibersibo]

أستغفر الله والحمد لله

[الفارس الثائر]

المشاركة الأصلية كتبت بواسطة abdou4gm

السلام عليكم
يا صحابي واش نقولهم كينروح ؟؟ جيت على كارت جون الى يقيسني القانون .... ولا نقولهم جيت على
السورسي انا بطلت لقراية في 2008 و جامي عيطولي و زايد في جانفي 1988 و نحتاج تسوية الوضعية ؟

قلهم جيت نسوي الوضعية وخلاص

[zinebio]

ياو عندي صحيبي راه راح ليهم عطاولو برية وقالولو متحلهاش و روح بيها للمحكمة العسكرية في قسنطينة هاتلنا من عندهم تبرئة وارواح نسويولك الوضعية مع العلم انو صاحبي من سطيف و خلص في 2009وجاه زوج اوردبال برك .. يا جماعة فهمونا في هذه ربي يحفظكم صحيبي هذا راه خايف يروح و يحكموه...