صحولي الباك

لوزة2011 · 2011-06-14, 16:41

سلام عليكم ان ا شعبة اداب وفلسفة
في الفلسفة درت استقصاء عادي مي المقدمة حنا قالتلنا الاستاذة ديرو الفكرة الشائعة انا درت الفكرة الشائعة هي ان التفاوت هو اساس العدلولكن هناك قضية تناقضها وهي ان المساواة هي اسااس العدل فكيف نثبت مشروعيتها
وفي الاول عرفت العدالة عادي

اما في الاجتماعيات في فقرة الجغرافيا تاع السهول الوسطى درت الاقليم الشمالي الشرقي قولولي ادا صح

لالة مريومة · 2011-06-14, 16:53

اذا عندك السوجي تعيش ديروهولي

نور أميرة · 2011-06-15, 19:12

في مقال الإستقصاء بالوضع ما ديريش التعريف للعدالة التعريف دريه في مقال الجدل
في النقدمة ديري الفكرة الشائعة العدالة في التفاوت وهناك رأي مناقض له وهو العدالة في المساواة وهذا الرأي صحيح فكيف لنا الدفاع عنه
وربي يوفقك .......

الملاك الجزائرية · 2011-06-15, 19:16

اختي و هل نديرو الموقف الثاني و النقد تاعو ولا نكتفيو بالموقف الأول المساواة؟؟؟؟؟؟؟؟؟

نور أميرة · 2011-06-15, 19:42

ديري موقف أنصار المساواة والحجج نتاعهم ثم نقد خصوم اللأطروحة ديري فيه طرح موقف أنصار التفاوت بختصار تام ربع سطر أو5
ثم تنقديهم وديري النقد الأدلة نتاعهم بالتفصيل ومن بعد ديري الراي نتاعك ومن بعد الخاتمة التأكيد على مشروعية الدفاع عن الأطروحة
وبي يوفقنا وننجحو

يارب رحمتك · 2011-06-15, 19:57

يا اخت نصيحة والله ماتقعديش تتساءلي ..طريقة الإستقصاء قريب حبستلي قلبي يوم الباك كل واحد واش يقول وكل واحد يقولك الاستاذ تع الفلسفة نتاعي هو الأفضل وهو الي يعرف ...سمعت بالف طريقة ...والبارح تنبهت ورحت قريت التصحيح النموذجي في الباك لقيت طريقة عمري ماسمعت بيها ...يعني امرنا إلى الله وخلاص ..الله يستر.

SOUMA 04 · 2011-06-15, 20:43

ايه ختي طريقتك صحيحة مئة بالمئة.......وانا تاني درت كيما انتي
لانو قبل مانديرو الفكرة الشائعة نديرو تمهيد عام نعرفو فيه العدالة.......

والله اعلم

والجغرافيا والله ماعلبالي انا درت السوجي التاني

zizou.zizou67 · 2011-06-16, 11:21

لالا الطريقة نتاعك صحيحة اختي
في المقدمة هكا نديرو كيما درتي نتي
تمهيد + نقيص الفكرة الشائعة + الفكرة الشائعة + طرح الاشكال
راااااااااااااكي صحيحة

ouhab hamza · 2011-06-17, 08:41

في الفلسفة راكي صح وخلاص صايي بركاو ما تشوشوا على ارواحكم لي فات فات ...انا راه قريب قلبي يحبس
فيما يخص الجغرافيا انا تاني درت الاقليم الشمالي الشرقي بصح ماكانتش عندي عليه معلومات بزاف لقيت مشكلة وتاني سؤال لي بعده نتاع تعليل زراعة القمح في السهول الوسطى ما لقيت ما نقول فيها عجزت لانه عمره ولا درنا لنا حاجة كيما هاك .....؟؟؟ راني خايفة والله الله يدير الخير

nadasidiali · 2011-06-18, 18:21

راني نيشان الاخت طريقتك صح .

فاطمة الزهراء31 · 2011-06-21, 10:41

السلام عليكم
اختي في الجغرافيا انا ثاني درت الاقاليم درت الاقليم الشمال الشرقي والاقليم الجنوبي والاقليم الغربي وتعليل مالقيت مانكتب فيه ربي يجيب الخير وخلاص هدا العام واحده موضوع العربية مخلط تقول واحد عمرو ما قرا حطه عاودوا تقويم نقدي تاع العام لفات ماقريناش قاع الموضوع لحطوه ولا هداك لبنادم لحطوه جامي سمعت بيه هدا يدل بلي الاساتده ماركزوش على المواضيع وفلسفة موضوع الاول مابنت مقارنة مابانت جدليه ربي يصبرنا مع تعليم2011 وانشالله قاع ننجحوا

lionel fayçal · 2011-06-23, 00:20

اقتباس:

المشاركة الأصلية كتبت بواسطة لوزة2011

سلام عليكم ان ا شعبة اداب وفلسفة
في الفلسفة درت استقصاء عادي مي المقدمة حنا قالتلنا الاستاذة ديرو الفكرة الشائعة انا درت الفكرة الشائعة هي ان التفاوت هو اساس العدلولكن هناك قضية تناقضها وهي ان المساواة هي اسااس العدل فكيف نثبت مشروعيتها
وفي الاول عرفت العدالة عادي

اما في الاجتماعيات في فقرة الجغرافيا تاع السهول الوسطى درت الاقليم الشمالي الشرقي قولولي ادا صح

fi tarh el mochkil bda bel ichkaliya dir el akhla9 w dakhal el ha9 wel wajib w zid el 9anon ah mel ba3da tawsal lel adala 3arafha w dir el fikra el chai3a w dir soual et bonne courage friroooo