الشعب يريد إسقاط بن بوزيد ( معًا لإعادة الباكالوريا )

[محمد رمزي18]

نورمال شريكي ما خدمتش عاودو العام الجاي ..مافيها والو

[louaar]

المشاركة الأصلية كتبت بواسطة sofyanart

الغــرِيبُ في الأمرْ

أنْ تكُون التسريباتُ ( الإشَاعة ) بذلكَ الحــجمْ لتبلُغَ رُبوعَ المترشحِين
حتى الذِي لمْ يودْ

ثُمَّ لا نجــدُ أحدَهُم يُسعفُنا بروايةٍ حقيقيَة ســوى الإعتمادْ على إذاعَـة ( قالُوا ) و ( سمعْنا ) و ( أخبرتنِي بنتْ جارتنا عن صدِيقتِها عنْ ولدْ خالة عمتها أنهُ قرأ موضوعا في النت - قِيل فيه- أن الباك سُربتْ )

يعنِي [ كُل هــذا الشعب الذِي تسرَّبتْ لهُ الأسئلة ]
ولم نجِدْ أحدًا يتجرءْ على [ تصوِير ] الإختبارْ المُسرب وإدراجه في موضُوع من المواضيع لتكُون مصداقيَّة

ومعلومٌ أنَّ (كلْ الشعبْ قاعدْ يعسْ لبن بوزيد - يغلطْ بركْ - ) وأنا من ذالكُم الشعبْ
رُغم انهُ لا علاقةَ لي به من قريبٍ ولا من بعيد بمنظومتِه .... ولكنها مستقبل البلادْ

ثُمَّ :

ألاَ يوجدُ -في هذهِ البلاد - رجلٌ رشيدْ !!!!!

ألا يُوجدُ أستاذٌ [ واعٍ ] ليتابِعَ الأمــرَ ؟؟؟

ألاَ يُوجــدْ شعبْ متابعْ لأكبر ( حدثْ من بين المسابقات الوطنية الكُبرَى ) ؟؟
فحسبَ علمِي - حتى اللي لا علاقَة لهم - تجدهُم يسئلُون وشْ جاكُم وساهلة ولاواعرة- >>> مع انهْ ممكِن السيدْ مستوَى إبتدائِي

فلماذا لمْ نرَى ( أدلَّة واقعيَّة ) بحجمِ [ الظهور الواضح والدليلْ القاطعْ ] على فساد جماعَة التربيَة (المسؤولين )؟؟

وأخيرًا :

مهما كانت أخطاءْ وعدم قُبولنا لبن بوزيد

وخاصَّة أن القوم - حسبَ ماقالُوا - يسيرُون إلى أنَّهُ [ نسبةٌ ضعيفةٌ فقط ممن لم تصلهُم الأسئلَة ]

فكبر حجم التسريبْ بذاكَ القدر ثُم لا نجدُ [ أدلة واقعية تطفوا على السطح ]





ولو أرادَ بنْ بوزيد رفع نسبَة النــجاحْ

فهُنالك أساليب أكثر ذكاءًا ولا تغيبُ عليه ترفعُ النسبَةَ

السلام عليكم
نقلك حاجة أنت غبي وتلعبها ذكي
تقلي بلي راك ما خدمتش في الباك
وماكش معول تنجح
تسما تجيب معدل 8 ولا 9
يعني أسلوبك في الأدب ركيك جدا
وعندك غباء مطلق
جملة ما تعرفش تركبها
ومبعد تجي تكتبلي موضوع كيما لي لفوق
تاع سياسي محنك ضرب وحد 50 سنة وهو في السياسة
ومعول نصدقك
انا جبت حياتي كامل وانا نكتب في الشعر والقصص وما نكتبش كيما انت
خليو الغاشي
دزاير لاباس بيها
اخطيوها برك
وبن بوزيد خمسة وخموس عليه
ربي يسطرو

[kimoum19]

المواضيع لم تتسرب وحتى لو إفترضنا دلك فهناك عدد كبير من المواضيع التي قيل بأنها موضوع البكالوريا في
الفلسفة و الشريعة و بالتالي فحلها جميعا لا معنى له، كما أن الأغلببة كانوا يؤكدون على الحرية و لكنها لم تأتي،
وبالنسبة للشريعة كلنا إنتظرنا الوقف و الربا و لكن كنا مجبرين على مراجعة كل المقرر دون إستثناء .
من أطلع
على الأسئلة كما يدعي فل يعد البكالوريا العام المقبل ليريح ضميره ،و من لم بفعل مثلنا فضميره مرتاح ولينتظر الفرح
بالنتيجة .
أنا إن شاء الله نجيبو 18 كالعادة قولوا آمين

[التاجنانتي]

اللي زيّك أنت ما يليقش يجوز حتى السيزيام وباين من جماعة السبت

[mahmoudraw]

ريح راسك أخينا . عاود وحدك العام الجاي

[la pitch]

متخفوش مدام ربي معنا نشله ننجحو كامل
و دير حاج في بالكم اخوتي ان الله معنا حنا نخفو ربي
منقدروش نغشو
ختارش عبلنا بلي ربي يحسنا
واش الفايدة كي تغش راكوا تكدبو على روحكم
افطنو
انا راني حابا ننجح بتعبي و قرايتي تاع عام
شكرا مع احترامي للكل بنجاح
انشاء الله

[salma2010]

اتقو الله كفاكم كدبا باغى تعاود عاود العام الجاى ماشي تخلينا معاك ربي يهديك خويا

[salma2010]

للغلللللللللللللللللللللللللللللللق بسبب الكذب

[السيد زغلول]

المشاركة الأصلية كتبت بواسطة salma2010

للغلللللللللللللللللللللللللللللللق بسبب الكذب

علاه تخافوا من النقاش ..

[salma2010]

المشاركة الأصلية كتبت بواسطة SOFYANART

المشاركة الأصلية كتبت بواسطة paradox
السلام عليكم



للي راهم يقولو انو المواضيع ماخرجتش
اما راهم يصبرو في رواحهم ادا ماشافوش السوجي


ولا راهم يبعدو العين على رواحهم
خاطر شافو السوجي
وحابين يلعبوها ربحو الباك بعرقهم

ههههههههههههههههههه


السوجيات خرجو
وكانو يتباعو عند مكتبة عمومية
وارواح انت واشتكي بيها

العلوم الشرعية + فلسفة + فيزياء
هادو اللي سور
وماليهم اعترفو بيهم


والنتائج رايحة تبين التسرب

غاضوني برك اللي ماشافوش السوجيات
انا وكان كان عندي الباك
وماشفتش السوجي
ندير حملة في الفايسبوك نجمع بيها الغاشي كامل اللي ماشافش السوجي

ولو انهم قلائل

ونديرو انتفاضة
باش الباك يتعاود


سي نورمال عمرنا مانطورو

تبا لبلاد ميكي


سلاااااااااام

ربي يهديك برك خو يهدييييييييييييييييييييييييييييييييك وتكف عن الكدبومع ذلك اتمنى لك النجاح لانو جامى نتمنى الفشل لاى كان واللى غش ربي وكيلو

[salma2010]

الشعب يريد اسقاط صاحب الموضوع الشعب يريد احراق هدا النوع من المواضيع

[jaguar-dz]

لا مجال ﻹعادة البكالوريا ''' ملي بدا العام و أنا نهنمبر و أنت لا خدمة لا سيدي زكري تقولي يتعاود
العام الجاي عاود وحدك يا أخي و زيد لمعلوماتك , كل عام تتسرب مواضيع البكالوريا لكن بنسب متفاوتة
الباك يعاد اذا تباعو المواضيع في بومعطي كي واحد العام ,, ماعدا ذلك أنسى .

[السيد زغلول]

المشاركة الأصلية كتبت بواسطة salma2010

الشعب يريد اسقاط صاحب الموضوع الشعب يريد احراق هدا النوع من المواضيع

صاحب الموضوع مسكين لا يستطيع الرد لأنّه محظور
وهذي سياسة الإقصاء والرأي الواحد هي اللي خلاتنا نبقاو اللخرين
ربي يهديك

[salma2010]

المشاركة الأصلية كتبت بواسطة السيد زغلول

علاه تخافوا من النقاش ..

وعلاه فى موضوعى خفت من دعوتى على الكدابيين؟؟

[السيد زغلول]

أصبح كل من يقول الحقيقة كاذب