تعالوا نصحح بعض الاقوال الشعبية

[thorpe]

المشاركة الأصلية كتبت بواسطة ولد الميلود

السلام عليكم

إذا عندما تريد الذهاب إلى المطعم، لا تنسى أن تدعوا جيبك لتناول العشاء معك

.

طبعا جيبك هو الي يعرضك لكن صديقك كون يعود ياكل بزاف ههه راحت عليك وعلى جيبك
بارك الله فيك

[نورة]

السلام عليكم

ما رايكم فى هذا المثل (المومن يبدا بنفسو ) المفروض يبدا بنفسو فى عمل الخير
ولكن تغير الحال وحولوه ان يصبح الانسان انانى اى يأخذ كل شئ ويكون سباق
فى ذلك .......بارك الله فيك على الموضوع المميز

[thorpe]

المشاركة الأصلية كتبت بواسطة نورة

السلام عليكم

ما رايكم فى هذا المثل (المومن يبدا بنفسو ) المفروض يبدا بنفسو فى عمل الخير
ولكن تغير الحال وحولوه ان يصبح الانسان انانى اى يأخذ كل شئ ويكون سباق
فى ذلك .......بارك الله فيك على الموضوع المميز

وعليكم السلام اهلا وسهلا اختي نورة
والله عندك الحق وهذا مثل صحيح ولا ارى انه يستحق التعديل لانو راه ينطبق على واش رانا عايشين وكان عباد يحيروك تلقاه يفتي ويقوم ويعاقب الناس بالكلام وهو ثاقب لسما والارض لهذا ارى ان المثل صحيح
بارك الله فيك على الطلة البهية
هل لديك شك في صحة المثل اختي او انك موافقة له ؟

[خـواطـر]

المشاركة الأصلية كتبت بواسطة فارس الإسلام

[

يقول المثل الشغبي :


اللي قرا قرا بكري




حاولوا تصلحوا هذا المثل الشغبي :d[/color][/size][/font][/b]

السلام عليكم

أين وصلتم ؟

اللي قرا قرا بكري تقال للمتخاذل مثلا

والبعض يستخدمها لتبرير فشله

[نظام الفوضى]

المشاركة الأصلية كتبت بواسطة خـواطـر

السلام عليكم

أين وصلتم ؟

اللي قرا قرا بكري تقال للمتخاذل مثلا

والبعض يستخدمها لتبرير فشله

اشرحي شوي

[خـواطـر]

المشاركة الأصلية كتبت بواسطة فارس الإسلام

اشرحي شوي

انت الفاهم زعما :d

كيفاه ما فهمتش ؟

[thorpe]

المشاركة الأصلية كتبت بواسطة خـواطـر

السلام عليكم

أين وصلتم ؟

اللي قرا قرا بكري تقال للمتخاذل مثلا

والبعض يستخدمها لتبرير فشله

وعليكم السلام
رانا في ( المومن يبدا بروحو ) مع الاخت نورة هههه راني عارف هذا راكي عندك ليه تحليل ولا تصحيح لا راني قالط

سلام وتصبحون على خير غدا باذن الله

[kawther-95]

المشاركة الأصلية كتبت بواسطة thorpe

الله يخليك ومرحبا بيك يا كوثر في اي وقت




ههههههههههههههههههههههههههههههههههههههههههههههههه
هههههههههههههههههههه
وحدك وحدك اختي واللع طريقة فور راني نضحك بالدموع ياو غير باقي نقرى في هاد لمشاركة رحت نجري لملفك الشخصي قلت سور عجوزة هاذي حافظة الامثلة والرد عليها والمفاجالة كي لقيت العمر 16
ماشاء الله يا اختي انت بهاد العمر وعلابالك بكامل هاد الشي
صراحة ما عندي ما نصلح رايح نترك الامثال لبقية الاعضاء كاش ما يصلحو
شكرا جزيلا لك والله ضحكت من قلبي وانا كاره
جزاك الله كل خير



بالنسبة لمثلك الاول احنا نقولو ما تلعب بالشواء قدام الجيعان
وهذا يقال حين تلبس فتاة مثلا الذهب وهي متوجهة الى الجامعة وهي تعلم ان الطريق فيه لصوص وقطاع الطرق لهذا يطلق المثل كتحذير
اما بخصوص الجيعان لا تغنيلو والعطشان لا تصفرلو شوي لم اكن اعرف
اشكرك على الكم الكبير من الامثال وعلى الشرح الوافي والكافي والطريقة الظريفة في القاء الرد والله نشكرك وبارك الله فيك
اسعدني مرورك كثيرا كثيرا كثرا

علابالي بلي انا عجوزة ههههههههههههههههههههههههههههههههههههههههههههههه

ربي يخليك خويا حسين
شكراااااااااااااااااااااااااااااااااااااا

[kawther-95]

**خالط العطار تنال الشموم و خالط الحداد تنال الحموم و خالط السلطان تنال الهموم**
-يبين المثل فوائد المخالطة و اضرارها وفق كل حالة

**ديرها في النية و ارقد في الثنية**
-اي ضع الامور في اطار النيات الحسنة و نم قرير العين و لو في الخلاء و يقصد بالمثل من توكل على الله وكانت نيته حسنة يكون في مامن

**الزين زين زين بلا شباح**
-اي ان الشئ الجميل لا يحتاج الى تزيين و يضرب في جمال المرء و شخصيته و مواقفه

**اللي دار دايرة مادارش و اللي دار زوج ماخلاش**
-اي الذي فعل فعلة قبيحة مرة واحدة معذور اما الذي كرر ذلك فلم يترك مجالا للعفو عنه و يقصد به ان تكرار الجرم يستحق العفو و الصفح و يضرب في المعاملات و العقوبات

[ولد الميلود]

المشاركة الأصلية كتبت بواسطة نورة

السلام عليكم

ما رايكم فى هذا المثل (المومن يبدا بنفسو ) المفروض يبدا بنفسو فى عمل الخير
ولكن تغير الحال وحولوه ان يصبح الانسان انانى اى يأخذ كل شئ ويكون سباق
فى ذلك .......بارك الله فيك على الموضوع المميز

السلام عليكم
المؤمن يبدا بروحو، على ما أظن يبدأ يصلح نفسه قبل الآخرين. والله أعلم

[ولد الميلود]

السلام عليكم
ما رأيكم في هذا ال...
حييني اليوم وقتلني غدوة

[thorpe]

المشاركة الأصلية كتبت بواسطة kawther-95

علابالي بلي انا عجوزة ههههههههههههههههههههههههههههههههههههههههههههههه

ربي يخليك خويا حسين
شكراااااااااااااااااااااااااااااااااااااا

ههه باينة بلا ما تقولي ههه

المشاركة الأصلية كتبت بواسطة kawther-95

**خالط العطار تنال الشموم و خالط الحداد تنال الحموم و خالط السلطان تنال الهموم**
-يبين المثل فوائد المخالطة و اضرارها وفق كل حالة

هذا المثل معناه يلوح لبعيد كما ارى فهو عن الصحبة اخيتي ولا يقصد اهانة الحرف فنحن فهمناه مثلما قصد به

**ديرها في النية و ارقد في الثنية**
-اي ضع الامور في اطار النيات الحسنة و نم قرير العين و لو في الخلاء و يقصد بالمثل من توكل على الله وكانت نيته حسنة يكون في مامن


هههه صراحة هذا في قتنا اصبح لا يصلح لانو النية تخليك الاخير فالناس والدليل شوفي ولد صغير يرعف حوايج يحبسلك دماغك
ارى انه من الامثال التي اصبحت غير صالحة لهذا الزمن


**الزين زين زين بلا شباح**
-اي ان الشئ الجميل لا يحتاج الى تزيين و يضرب في جمال المرء و شخصيته و مواقفه

هه احم احم قولو الله يبارك ههههههههه
صح هذا راني معاك وهذا يصلح في الامعات خصوصا لانو العجب راه صاري وانواع نتاع ماكياج ورسومات في الوجوه تحير كل شخص


**اللي دار دايرة مادارش و اللي دار زوج ماخلاش**
-اي الذي فعل فعلة قبيحة مرة واحدة معذور اما الذي كرر ذلك فلم يترك مجالا للعفو عنه و يقصد به ان تكرار الجرم يستحق العفو و الصفح و يضرب في المعاملات و العقوبات

بارك الله فيك ارى ان المثل الاخير ايضا صالح ويتماشى مع زمننا ومع ديننا ايضا كغض البصر يقال ان النضرة الاولى لك والنظرة الثانية عليك
ربي يخليك اختي الصغيرة كوثر واللله يعطيك الصحة راكي جايبتها فور وقايمة بالواجب والاكثر
وما يعجبني هو جلب حكم صالحة وغير صالحة وشرحها شرح مفصل حتى اني كنت ما نعرفهاش وكي شرحتيها فهمتها
ربي يبارك فيك واحييك على هذا المدجهود الجبار

[thorpe]

المشاركة الأصلية كتبت بواسطة ولد الميلود

السلام عليكم
المؤمن يبدا بروحو، على ما أظن يبدأ يصلح نفسه قبل الآخرين. والله أعلم

صح انا ايضا فهمته هاكذا واعتقد انه صحيح ويتماشا مع زمننا ولا يستحق اي تعديل
وهناك اشعار عربية قديمة لها نفس المغزى
اليك هذا اشهرها
لا تنهى عن خلق وتأتي مثله عار عليك إذا فعلت عظيم

[thorpe]

المشاركة الأصلية كتبت بواسطة ولد الميلود

السلام عليكم
ما رأيكم في هذا ال...
حييني اليوم وقتلني غدوة

نعرفو نسمع بيه واحيانا نقولو واعتقد ان المعنى منه هو اضي لي حوائجي اليوم واترك الحساب غدا
هذا ما فهمت
ما رايك اخي هل هو صحيح او يستحق التصحيح ؟
وما رايكم يا اعضاء ؟


بارك الله فيك اخي الحبيب راك قايم بيها انت ثاني يعطيك الصحة

[سليم جفال]

اكثرية الامثلة الشعبية مصدرها الحكمة لدى لا يتعين فهمها سطحيا.

و مثال على دلك ....حجرة من عند لحبيب تفاحة . ما هو الرابط بين الحجرة و التفاحة ....عند الحاجة يضرب الصبية الى شجرة التفاح بحجرة و ترد عليهم الشجرة بحبة تفاحة . و هنا ذروة العطاء و الاكرام و الإثار و التسامح .
الخلاصة ...اجعل حجرة حبيبك تفاحة له و ليس لك....لا نرى الاشياء بوجه الانانية
الامثال في الطبيعة متعددة و لكن لا ننتبه لها ....انها في غاية الروعة .


مثال .... دير الشر وتفكروا و دير الخير ونساه
هدا المثال جاء بشكل منقلب و في الحقيقة هو يأتي على شكل ... دير الخير ونساه و دير الشر وتفكرو

نسبق الفعل الايجابي على الفعل السلبي و يتضح المعنى .