الشاب الجامعي .. الوظيفة .. الزواج

[حمـ 0418 ــزة]

السلام عليكم ورحمة الله وبركاته
شر البلية ما يُضحك
سلام

[الشــــــيخ]

المشاركة الأصلية كتبت بواسطة نبيل الموحد

و عليكم السلام و رحمة الله و بركاته .

لا لا أخي ، و الله لم أظن بك سوء ، و واضح أن ردك فكاهي ، و حاولت أن يكون ردي عليك فكاهيا أيضا ، لذلك قلت : كل عطلة فيها خير ،،،،،،،،،،،،،،،، و يبدو أن حس الفكاهة عندي ليس جيدا فقد غلب جدي هزلي ،،،،،،،،،،،،،،

و فيما يخص عقود لونساج الجديدة فالذي أعلمه أن بها ربا ، و على الشباب الذين يقبلون عليها أن يسألوا أهل العلم المختصين إن كانوا لا يعلمون .

انشا الله ما تعزفش عمي الشيخ ، و لا نشكي لعجوز .

واش من لعجوز ؟؟

بلاك تقرب للحورمة .......... نقتلك .......

نورمااااااااال .... قول واش حبيت ..... انا نسيت اصلا واش قلت انت .....

قول واش حبيت .... بلاك تجبد المشرف برك ...... يدريك في الحبس .....

سلام .

[محمد سوق]

المشاركة الأصلية كتبت بواسطة نبيل الموحد

هذه مسرحية كتبها أحد الأعضاء في منتدى الطرائف و النكت ، تعكس حال كثير من الشباب بعد تخرجهم من الجامعة ، و تعكس أيضا مدى الفساد الذي وصلت إليه كثير من الإدارات و المؤسسات .

العضو هو

هزيم 07 عضو مشارك

لم أستأذن منه في إرسال موضوعه هنا ، لكن لا أظنه يمانع ذلك طالما أن النقل علمي ـ ذكر اسم العضو كاتب الموضوع ـ

السلام عليكم إخواني
حقيقة هو موضوع للترفيه ويتعلق بشاب خريج جامعة يبحث عن زوجة يرتبط مها مدى الحياة ,هل تعرفون من هي هاته الزوجة المثالية التي يبحث عنها صاحبنا إنها الوظيفة فدار بينه وبينها الحوار التالي

الخريج والله يا الوظيفه غير راني معجب بيك 4 سنين نتاع الجامعة وانا نشوف غير فيك نقلك الصح ما خليتي فيا والو

الوظيفة ( زعمة حشمانة) راك حشمتني خويا ايا واش راك تحوس

الخريج نحوس على علاقة تربطني معاك طول لعمر وما يفرقنا غير ربي سبحانو

الوظيفة (زعمة زعفانة) بالاك تحسابني من هاذوك الوضائف الهاملين انا شريفة ونحوس على واحد شريف

الخريج لو كان ماجيتيش شريفة وحلايلية انا ما ندورش بيك فهمتي

الوظيفة إذا كان كيما هاك انا ماعنديش مشكل روح اهدر مع والديا وربي ايسهل

الخريج قوليلي بارك وين تسكني وراني غدوة انجي نخطب

الوظيفة انا نسكن في الجزائر راني انقول لوالديا راهو جايني اعريس غدوة بصح انقولك حاجة انا والديا صعاب بزاف لازم تعرف كيفاش تقنعهم

الخريج خاطيك هذا شغلي 4 سنين انت الجامعة ما راحوش هاك
(وفي الغد يتقدم الخريج لخطبة الوظيفة وتصورو من هم اهلها (الوزارة هو الاب و لمديرية هي الام )

الخريج السلام عليكم يا اهل الدار والله راني معجب بوظيفتكم وحاب نرتبط معاها طول العمر وماذبيا نسمع شروطكم

الوزارة(الاب) والله يا وليدي انا ما نحكم في والو الهدرة الرسمي مع امها اتفضل راهي معاك
المديرية (الام) واش من مؤهلات عندك يا وليدي
الخريج عندي ديبلوم ليسانس وديبلوم إعلام آلي
المديرية قصدي انا ..
الخريج (مقاطعا) آه تقصدين الخبرة نعم عندي خبرة عامين خدمتهم إدماج
المديرية تخاطب الوزارة (في همس) واقيلا هذا ثقيل في الفهم كيفاش انديرو امعاه

المديرية (في غظب) المفيد المفيد كاش ما عندك دراهم انا وظيفتي مهرها غالي عليك وما تقدرلهاش وما راكش وحدك لراك جاي تخطب طل على الباب وانت تعرف

الخريج المسكين يطل على الباب يلقى نص الجزاير يسنى
الخريج ولي ماعندوش كيفاه ايدير

المديرية انا مانيش رايحة انخليك بلا زواج شوف عندي جارتي عندها ينتها ايسموها البطالة راهي اتحوس على اعريس وراني متاكدة بلي يعطوهالك

يذهب الخريج متثاقلا فيجد البطالة فيحكي لها ما حدث له فتقول له ما تخمم ما والو راني هنا وإذا راك حاب نتزوجو من ضرك
يفكر الخريج قيلا ثم يرفض طلبها بكل لباقة آملا ان تتحسن الاحوال في العام القادم إنشاء الله.

(بربكم اليست هاذه حالنا)
ارجو ان يكون الموضوع قد اعجبكم
و السلام عليكم

ها ها ها ها ها مسرحية تنقل الواقع المر لمجتمعنا
شكرا جزيلا أخي نبيل الموحد

[~~ أغيلاس ~~]

المشاركة الأصلية كتبت بواسطة الشــــــيخ

واش من لعجوز ؟؟

بلاك تقرب للحورمة .......... نقتلك .......

نورمااااااااال .... قول واش حبيت ..... انا نسيت اصلا واش قلت انت .....

قول واش حبيت .... بلاك تجبد المشرف برك ...... يدريك في الحبس .....

سلام .

أنا الصغارات و ما نفكرش نقربلهم تحبني نقرب للعجايز ، لعجوز نشكيها برك ، غير ما تخافش على لعزوز ، و مشكور على هاذ الغيرة اللي عند الشباب و ما نلقاوهاش .

بارك الله فيك على المرور .

[~~ أغيلاس ~~]

المشاركة الأصلية كتبت بواسطة محمد سوق

ها ها ها ها ها مسرحية تنقل الواقع المر لمجتمعنا
شكرا جزيلا أخي نبيل الموحد

للأسف هذا واقع شبابنا المرير ، و لو كان الأمر بيدي لوفرت أعمالا مستقرة لكل الشباب و لزوجت كل الشباب ، ننتظر الفرج من عند الله .

بارك الله فيك خويا محمد .