السلام عليكم و رحمة الله تعالى و بركاته
أنا شاب جزائري يحب الخير كل الخير لوطنه متخرج جديد من الجامعة متحصل على شهادة ليسانس في مجال الإقتصاد لدي أردت طرح فكرتي الخاصة على واقعنا السياسي المعاش أتوجه بمجموعة من المطالب لمسؤولينا و نريد منهم جهد إضافي فكما هم يتمتعون بكل ما لد و طاب في هذه الدنيا فعليهم أن يخدموا شعبهم ليعيش عيشة كريمة فالجزائر ملك للشعب و ليس ملك لهم و للذين يقولن أن الشعب الجزائري لم يخرج و يحتج كما في تونس و مصر و ليبيا فلأنه شعب واعي و يعلم العقلية الجزائرية و يعرف جيدا الذين يدعون لمثل هذه الإحتجاجات و ما يريدوه من وراءها ( مصالح شخصية ) باينة عيشنا و شفنا و من وجهة نظري فكل من البرلمان و أحزاب السياسية زايدة 100 في المئة فلم يسبق و سمعت أن هناك ثورة للأحزاب ضد الحكومة إلا في نقطتين أو أكثر بقليل و كلها تسعى لمصالحهم الشخصية
الأولى هي الزيادة في الأجور من 20 مليون ل 45 مليون أي كل نهار مليون و نص و يقولك الفرد الجزائري يقدر يعيش عيسة كريمة ب 1.5 مليون هو عائبته لمدة شهر شيء غريب و هوما ما نعرف كيفاش رايحين يعيشو ب 45 مليون أنا ليا واحد كيما يذوق مبلغ مثل هذا مش من السهل باش يتنازل عليه أي ما يقدرش يفسد غلى روحو و يروح يعارض فالحكومة في قراراتها الغالطة رغم أنها المهمة نتاعو و بالتالي فهذا المبلغ ليس إلا رشوة نعم رشوة ليسكت و ما يديرش النميمة
و ما يخلعك حتى واحد راهم كامل عايشين و أنا نعرف بنتو نتاع منتخب في البرلمان تخرجت معاي شاركت في 3 مسابقات توظيف نجحت فيهم في 3 تدير القرعة يعني اللي الواجب نتاعو يحارب مثل هذه التصرفات هو اللي راه يمارس فيها و يستخدم في الموقع نتاعو باش يحقق أهدافه الشخصية هو و عائلة و أقاربه
النقطة الثانية هي قانو البلدية يعني ينحيو للمنتخبين في الأحزاب صلاحيات و يعطوها لرئيس البلدية رايحين ينقصو الناس اللي راهم يكلو معاهم الخبزة
فلا تقارن الجزائر بتونس أو مصر أو اليمن فهذه البلدان ما عندهاش نعمة البترول يعني الحكام نتاعهم ما عندهمش مدخول ساهل كيما احنا هوما راهم تعبوا و دارو اللي قدرو عليه مع وجود بعض التقصير ولكن المهمة نتاعهم أصعب من نتاع رئيسنا بكثير جداو هذا باش يعيشو مواطنيهم بسلامولكن ما قدروش يقنعوا كامل الشعب نتاعهم
لكن في الجزائر يا أخي راهي راقدة و تمونجي 90 بالمئة و أكثر راهي من قطاع المحروقات يعني أن يعني أن وزرائنا ما يكسروش رواسهم بزاف و يحوسوا غير على مصادر الأموال السهلة فتجد الوزير الأول يصرح و بثقة عالية بالنفس و يقول "الأموال نتاع الجزائر نوضعها في بنوك خارجية تضمننا نسبة فائدة معلومة خير ما نوضعوها في إستمارات يمكن أن تكون مربحة أو تكون خاسرة " و الحال التاني يخلقلو تكسار راس هو في غننا عنه باتالي ما يقدرش يتبع الإستثمارات الشخصية نتاعو و يبحثوا على مصادر أخرى سهلة مثل الضرائب بجميع أنواعها و نحن ممكن البلد الوحيد الذي فيه الموظف العادي يدفع الضريبة أكثر بثلاث مرات على التاجر
أنا الشيء الوحيد اللي نطلبو هو الدولة هي اللي تتبنى إستثمارات بنفسها و تخلق مناصب شغل لمواطنيها و تنوع مصادر الدخل نعلم أننا في نظام رأس مالي الدولة لا تتدخل في الإقتصاد و لكن نعلم أيضا أنه عند إقتضاء الضرورة يمكن أن تتدخل الدولة في الإقتصاد فكما تدخلت الو م أ في الأزمة المالية و أعطت قروض لكبرى الشركات العالمية التي كانت على وشك الإفلاس فالجزائر هي بأكثر حاجة من الو م أ اليوم
و نعلم أيضا أنه لاينقصنا شيء لقيام هذه الإستمارات المساحة الجغرافية الله ما بارك و المناخ متنوع و الحمد لله اليد العاملة ماشاء الله 70 بالمئة شباب الكفاءات العلمية معمرة الدنيا بهم الموارد المالية لوكان نكروه يضربونا بالعين بلدان أخرى نبنيو الجزائر و نريبوها و راهم خايفين يخلاص البترول و يستعملوهم وقت الشدة يا أخي الله هو الرزاق
هذا واحد مثلا عندو 2 ملاير و قاعد بلا خدمة حاط في سواردو في بنكنسبة الفائدة 6 بالمئة و كل عام يجبد الفائدة أي 120 مليون يعيش بها يا هل ترا واش رايك فيه هو يقول بلي راه ضامنها تدوم الحكاية هكدا مدى الحياة و لكن كيما يحب ربي و تصرى حاجة يروحولك هديك الأموال مهما تدير فلو كان كان زضعهمفي بنك الخليفة بنك الخليفة راه أخد السوارد و طار شد ما تشد أنت أقعد غيط
هكدا تصرنا أحنا تاني في الأخير سوارد المجحاح يكلهم المرتاح و لا واش رايكم