التمارين او الدروس المتوقعة باش تكون في باك 2011

[نعيمة المشاغبة]

في الفلسفة قالتلنا الاستاذة : احتمال اللغة والفكر
في الرياضيات :99 بالمئة الاحتمالات
في الفيزياء : التحولات النووية
في العلوم : الجيولوجيا (احتمال كبير)
في الانجليزية : قالتلنا الاستاذة احتمال السنة يطيحلنا نص من نصوص الكتاب المدرسي

[METIRI]

المشاركة الأصلية كتبت بواسطة اميرة

اوييييييييييه هادي والله اعلم هدرة استاذ ماراهيش هدرة تلميذ؟؟؟

السلام
ولله ا لاساتذة عندهم حق

[constantinoise]

ché pas nssakssi wngoulkoum okkk

[lkj$n]

المشاركة الأصلية كتبت بواسطة keri92

اهلا امووووورة .........وش هاد الغيبة .......بالنسبة للنقاط راهم ملاح ......في الرياضيات العلوم و الفيزياء مي المواد الادبيو واااااااالو الانجليزية برك جبت مليح و لخرين ماراني ني نقراهم ني نحوس عليهم ..... الفترة الثانية ان شاء الله نلتهى بيهم .....و انت اموورة اخبارك؟؟ نقاطك ؟؟؟ واش كاش ماراكي حاكمة روحك في الفيزياء و العلوم ؟؟؟انا هداك المحور نتاع الوشيعة كل شيء راني خلطته ربي يستر برك ......المهم تهلاي في روحك ربي يوفقك ...........تحيــــــــــــكريمةــــــاتي

سافا راني مليحة الفيزياء برك اديت فيها ى8.5 والباقي العلوم11 والرياضيات10 بالصح ماراجعتش رحت هاكداك والمواد الادبية راكي عارفة نحاهملنا الطبيب هههههه

[lkj$n]

ماذااااااااااااااااااااااا عنكم؟؟؟؟؟

[ADEL3W]

السلام عليكم كامل حنا بالنسبة للاساتدة تاعنا قالوللنا احتمال كبير بالنسبة للفلسفى يجحيبولنا الحرية على خاطر عام لى فات قالتنا يجيكم تاع العلوم بيولوجية وجات صح بالنسبة للعلوم شرعية الوقف 100/100 واجتماعيات الاتحاد الاوربى وفيزياء وعلوم ورياضيات كلش متوقع مواد انجلى وفرنسى لاعلاقة وانتم وينكم؟؟؟؟؟؟؟؟

[رحاب بن عودة]

السلام عليكم ورحمة الله تعالى وبركاته
والله أنا لا أعرف لماذا تهتمون بمسألة توقعات الأسئلة وما إلى ذلك
أولاً .. عليكم ألا تنسوا شيئاً وهو أننا سنكون أمام موضوعين للاختيار في امتحان البكالوريا .. وبالتالي فإن الاختلاف سيكون موجوداً بينهما .. فضلاً على أن كل الدروس التي تناولناها حتى الآن مهمة جداً ومطروحة بقوة في امتحان البكالوريا .. لذلك فالاهتمام بكل شيء وكل صغيرة وكبيرة في كل الدروس هو الكفيل بضمان راحة نفسية لنا قبل دخول الامتحان .. وفوق كل هذا فإن الصدمة ستكون كبيرة إن خالفت التوقعات ما هو موجود في الامتحان .. فلماذا نتعب أنفسنا بالتوقعات ؟ الأفضل أن نركز على كل الدروس فهي مهمة لنا حتى بعد البكالوريا أي بعد النجاح ... ثم إن جميع أساتذتنا أكدوا على أن امتحاننا لهذا العام لن يختلف على غيره في السنوات الماضية ...

ثانياً .. فيما يخص درس الاحتمالات فقد عرفنا مؤخراً أنها لن تكون موجودة في امتحان البكالوريا .. أم أنا مخطئة ؟

على العموم أنا شخصياً لا أهتم مطلقاً بمسألة التوقعات .. كل الدروس في متناولنا وليس من المستحيل لنا التركيز عليها كلها .. فقط بشيء من الإرادة .. هذا الأمر كفيل بأن يجعلنا نختار الموضوع الذي نشاؤه في البكالوريا بغض النظر عن المحاور المتناولة فيه ... لأن كل الدروس محضرة بشكل جيد دون تفضيل أحدها على الآخر

هذه وجهة نظري الشخصية ...

دمتم بــــــود

[amine2011]

العلم عند الله
اقراو قاع الدروس
كلشي بالمكتوب
مكان لاخبرة ولاوالو

[الحكيم23]

السلام عليكم حنا في الفلسفة قالولنا تجي مقالة العنف والتسامح بسبب المظاهرات والله اعلم

[*سلامة*]

ربي معاك اميرة

امرتي اسمحيلي كي ماردتش على المساج تاعك

جامي ماكانو عندي لكريدي خخخ فقيرة راني واش بيك

ماتزعفيش اميرة

ربي معاك اختي
وتهلاي في روحك وسالي عليهم

[°واحد من الناس °]

توقعات سي فري

مي باااش يقلك اذيك ولا اذيك

غير يزعق معااك خصهم يديرو الموضوع برك

[ramzy 21]

لحد الان قالتنا الاستادة انو درس الوقف في الاسلاميات احتمال كبير يطيح هاد العام

[anismilano]

9aloulna bli ihtimalat ( probabilité ) manlah9oulhach parce que le 2 mai arrêt de cour ou nbdaw les compo

[ZIZO1988]

حنا الاستاد قلنا في الشريعة احتمال كبير"الوقف" وفالعلوم"لالفيروس"

[floritta]

السلام عليكم
حنا اللي راهم متأكدين منها بلي 100 بال 100 في الفلسفة تجي الرياضيات و العلوم الانسانية
العلوم و الفيزياء و الرياضيات من كل وحدة تمرين اما اجتماعيات هي مركزتلنا على اسباب تفكك الاتحاد السوفياتي و مظاهر النظام الدولي الجديد و سمعت بلي راح يصعبوا الانجليزية
ربي يعاوننا و بالتوفيق للجميع