الى كل المتسابقين في مسابقات التوظيف - الصفحة 7

salimone · 2011-01-23, 18:42

الصح الصح بديت نبدل رايي راكوا فشلتوني أووو الصالح ماكانش فكرتوني في وحد المثل راه يقول أولاد الحرام ماخلاو لولاد الحلال حاجة ؟؟؟؟؟؟؟؟؟؟؟؟؟؟؟؟؟؟؟ بديت ندوخ

:confus ed:

halim Nailiiiiii · 2011-01-23, 19:41

انا نقول حاجة وحدة لخويا هذا يا انت حاب تصبر روحك يا راك قاضيها معاهم ودرق في الشمس بالغربال يا راجل ناس اطارات راها تتطايش ونقلك حاجة ماكان علاش نديرو استفتاء نعطيك مثال بسيطة من 48 ولاية اذا كنت من الجلفة ارواح نعطيك أمثلة حية على عكس واش راك تقول ونزيدك حاجة المشكل انو مش في الخدمة برك ياو راه في كل شئ في السكن في المقاولات في كل شئ ونقلك انت اذا راك خدام بصحتك وقول الحمد لله اللي راني خدام وماكان علاش دير السيروم للغاشي رانا ف 2011 وأكثر شعب فايق هو الجزائريين رانا طايبيين مش محتاجيين تورلينا اوك صديقي وما يحس بالجمرة غير المكوي بيها

halim nailiiiiiiiiiii

redguitare · 2011-01-23, 19:56

يا اخي اظن انك تبالغ قليلا بقولك ان المعريفة غير موجودة، اظنك تعيش بكوكب المريخ.

salimone · 2011-01-23, 20:06

انا حبيت نفهم برك الا كلش شيء كيما راك تقول وفي 48 ولاية الحكاية كيف كيف وفي جميع الميادين ؟؟؟ يعني الأمة بكل راها تمشي بنفس العقلية والا كيفاه ؟؟؟؟؟ اذن علاه الشكوى من المعريفة والرشوة ... والا بلاك بديت نفهم مسؤول ما في مؤسسة ما عندو سلطة التوظيف انتم حابين يخلي اختوا خوه فاميلتو يشومي ويدخلك انت ؟؟؟ راكم بكل اصحاب شهادات اذن فالأقربون أولى..........عادي منطقية.......... أو هو مسؤول تاع روحو والا كيفاه؟؟
المهم انا بديت نفهم علاه تحوسوا ساهلة خلاص
يحب يقول ثبت العقول
يا ناس ربي يهديكم رانا الجميع أصحاب شهادات جامعية نحتكم الى القانون الى قانون المسابقات القائم على المنافسة والأقوى والأذكى والمؤهل بالنقاط يفوز بالمنصب حبسوا علينا التزوير حبسوا علينا المحسوبية حبسوا علينا الرشوة راكوا أهلكتوا العباد راكوا تهلكوا في البلاد ..... بصح راك تقول في 48 ولاية كيف كيف ....يعني كيف كيف ...لمن توجه هذه الدعوة اذن ؟طبعا الى 48 ولاية....
اللي حبيت نقولوا مازال كاين النزهاء مازال ومادام مازلهم كاينين يعني مازال فيه أمــــــــــل والله.

salimone · 2011-01-23, 20:10

اقتباس:

المشاركة الأصلية كتبت بواسطة redguitare

يا اخي اظن انك تبالغ قليلا بقولك ان المعريفة غير موجودة، اظنك تعيش بكوكب المريخ.

الأن أقر بوجود المعريفة ولكن لا يعني انه مافي أمل انه مالازم نحضر ونجتهد ونسهر الليلالي من جديد ...للفوز بمنصب عمــــــــــــــل .......

redguitare · 2011-01-23, 22:03

اقتباس:

المشاركة الأصلية كتبت بواسطة salimone

الأن أقر بوجود المعريفة ولكن لا يعني انه مافي أمل انه مالازم نحضر ونجتهد ونسهر الليلالي من جديد ...للفوز بمنصب عمــــــــــــــل .......

نعم يا اخي انا اجتهدت وسهرت اليالي و الان الحمد لله فقد رزقت بمنصب شغل، لذلك اعلم ان الكثير من الاشخاص يبررون فشلهم بالكلام على المعريفة و اتفهم قصدك جيدا عندما طرحت الموضوع.

dreamboy1505 · 2011-01-23, 22:29

wach bik khoya jo3t

k.semara · 2011-01-24, 00:41

شوف اخوية انا نهدر بالملموس متخرج منذ 2002 ليسانس محاسبة مكان حتى خدمة في العام اللي نصرف قد ما نعيش و نعيش غير على المسابقات، نتحداك اذا مصبتش فيا الكفاءة اللي تمثل عند بعض الناجحين اللي تضنهم 5 بالمائة مؤدي للخدمة العسكرية و متقن للغتين الفرنسية و الانجليزية بلا ما نتكبر او نرائي. ممطالع و الحمد لله كهواية، المهم ننصحك برك اذا راك صحيح في كلامك برهن للاعضاء بمنصب عمل يسترني اذا نستاهلو واذا لا يمين علي نعاود نكتب انك صحيح و انا كذبت... التحدي هو الفصل. ابعث لي ثاني في الرسائل الخاصة

k.semara · 2011-01-24, 00:48

Et je vous informe Monsieur Slimone que tu gagne en tous les deux cas.. mais etre prudent car je suis au niveau...bay

Nous restons tjr des amis ...

il y a notre dieu qui gere ce monde ..il y a aussi El moooot

loussiano-sba · 2011-01-24, 10:36

روح الله يهديك خلينا من الكذب
أن متحصل علي 3 شهدات جامعية مهندس دولة في الإعلام الألي و تقني سامي في البرمجة و ليسانس في المانجمنت و أنا بطططططططططططال
لاحظت عدة مرات الغش على المباشر
فلا تقل مثل وزرائنا الجزائر كل فيها بخير أنظر إلى الحقيقة
أرأيت عائلة فيها 6 جامعيين كلهم بطالين أهذا هو العمل الشامل و نسبة البطالة 10 بالمئة
و الله الكذب بالكذب و الكذب